New Tax Regime: નવી કર વ્યવસ્થા પસંદ કરવા પર આ કપાત અને છૂટનો લાભ નહીં મળે

Old Vs New Tax Regime: કરદાતાઓને હાલમાં આવકવેરો ભરવા માટે બે વિકલ્પો મળે છે. સરકાર નવી ટેક્સ વ્યવસ્થાને આકર્ષક બનાવવા માટે સતત પ્રયાસ કરી રહી છે.

પ્રતિકાત્મક તસવીર

આ મહિનાની સાથે જ નવું નાણાકીય વર્ષ 2023-24 (FY24) શરૂ થઈ ગયું છે. આ સાથે દરેકે ખાસ કરીને ટેક્સેબલ સ્લેબમાં આવતા લોકોએ વધુમાં વધુ ટેક્સ બચાવવાનો પ્રયાસ શરૂ કર્યો છે. બે પ્રકારની કર પ્રણાલીએ કરદાતાઓ માટે આ કાર્યને પહેલા કરતાં વધુ મુશ્કેલ બનાવ્યું છે. ચાલો જાણીએ કે કઈ સિસ્ટમમાં કેટલા ફાયદા છે…

સરકાર નવી ટેક્સ વ્યવસ્થાને આકર્ષક બનાવવાનો પ્રયાસ કરી રહી છે. ભવિષ્યમાં સરકારની યોજના માત્ર એક જ ટેક્સ સિસ્ટમ રાખવાની છે. નવી ટેક્સ વ્યવસ્થાને લોકપ્રિય બનાવવા માટે સરકારે આ બજેટમાં કેટલાક ફેરફારો કર્યા છે. હવે નવી ટેક્સ વ્યવસ્થા હેઠળ, સ્ટાન્ડર્ડ ડિડક્શનનો લાભ પણ મળશે.

સ્ટાન્ડર્ડ ડિડક્શન પછી, કરદાતાઓને બંને કર વ્યવસ્થામાં રૂ. 1.50 લાખ સુધીની છૂટનો દાવો કરવાની સુવિધા મળે છે. આનો અર્થ એ છે કે તમારી કરપાત્ર આવકમાં રૂ. 1.50 લાખનો ઘટાડો થશે.

જૂની કર વ્યવસ્થામાં, હોમ લોનના વ્યાજ પર પણ મુક્તિનો દાવો કરવાની સુવિધા છે, જ્યારે નવી કર વ્યવસ્થામાં, હોમ લોનના વ્યાજ પર મુક્તિનો દાવો કરવાની કોઈ સુવિધા નથી.

જો તમે ભાડા પર રહેશો, તો તમે જૂની સિસ્ટમ હેઠળ HRAનો દાવો કરી શકો છો. કરદાતાઓને નવી કર વ્યવસ્થામાં આ લાભ પણ નથી મળતો.

જૂની કર વ્યવસ્થામાં, હોમ લોન અને એચઆરએ બંને પર વ્યાજનો લાભ મેળવવો શક્ય છે. આ રીતે, તમે બંને દાવાઓ એકસાથે ફાઇલ કરીને મહત્તમ ટેક્સ બચાવી શકો છો.

જૂની કર વ્યવસ્થા હેઠળ, 80C, 80D, 80CCD સહિત અનેક પ્રકારની છૂટ અને કપાત ઉપલબ્ધ છે. જો કે, જો તમે મહત્તમ કપાતનો દાવો કરો તો જ જૂની કર વ્યવસ્થા ફાયદાકારક છે. આ માટે તમારે ટેક્સ એડવાઈઝરની મદદથી તમારી આવક પ્રમાણે બચત કરવી પડશે અને રોકાણ કરવું પડશે.