Voter ID Card: લોકસભા ચૂંટણી પહેલા ઘરે બેઠા કેવી રીતે બનાવશો ચૂંટણી કાર્ડ? કયા દસ્તાવેજોની પડશે જરૂર, જાણો

લોકસભા ચૂંટણી પહેલા તમે ઘરે બેઠા પણ તમારું વોટર કાર્ડ બનાવી શકો છો. આ માટે તમારે તમામ દસ્તાવેજો ઓનલાઈન અપલોડ કરવાના રહેશે.

ઘરે બેઠા તમારું વોટર કાર્ડ બનાવો

આગામી થોડા દિવસોમાં લોકસભા ચૂંટણીની તારીખો જાહેર થવા જઈ રહી છે, ચૂંટણી પંચ દ્વારા તમામ પ્રકારની તૈયારીઓ કરી લેવામાં આવી છે.

ચૂંટણી પહેલા મતદારોની પણ ઘણી જવાબદારીઓ હોય છે, જે મતદારો પાસે ચૂંટણી કાર્ડ નથી તેઓ તાત્કાલિક તે બનાવી લેવા જોઈએ.

ચૂંટણી કાર્ડ બનાવ્યા પછી પણ ઘણી વખત તમારું નામ મતદાર યાદીમાં નથી આવતું, આવી સ્થિતિમાં તમે ચૂંટણી પંચની વેબસાઈટ પર જઈને મતદાન કરતા પહેલા ચેક કરી શકો છો.

જો તમારી પાસે હજુ સુધી ચૂંટણી કાર્ડ નથી અથવા તમે પ્રથમ વખત મતદાર છો, તો તમે લોકસભા ચૂંટણી પહેલા તેને સરળતાથી બનાવી શકો છો.

ઘરે બેઠા ચૂંટણી કાર્ડ બનાવવા માટે તમારે સૌથી પહેલા નેશનલ વોટર સર્વિસ પોર્ટલ www.nvsp.in પર જવું પડશે. આ પછી તમારી સામે ફોર્મ-8 ખુલશે.

ફોર્મમાં તમામ માહિતી ભર્યા બાદ તમારે દસ્તાવેજો અપલોડ કરીને સબમિટ કરવાના રહેશે. આ પછી, તેનું કન્ફર્મેશન તમારા ફોન પર આવશે. ચૂંટણી કાર્ડ આગામી 15 થી 20 દિવસમાં તમારા ઘરે પહોંચી જશે.