Gujarat Rain: રાજ્યના આ જિલ્લાઓમાં તૂટી પડશે વરસાદ, જાણો અંબાલાલ પટેલની લેટેસ્ટ આગાહી

Gujarat Rain: રાજ્યના આ જિલ્લાઓમાં તૂટી પડશે વરસાદ, જાણો અંબાલાલ પટેલની લેટેસ્ટ આગાહી

અંબાલાલ પટેલ

Ambalal Patel weather forecast: ગુજરાતના અનેક જિલ્લાઓમાં ધોધમાર વરસાદ વરસી રહ્યો છે. સૌરાષ્ટ્રના અનેક જિલ્લાઓમાં મેઘરાજા મહેરબાન થયા છે. મોટાભાગના વિસ્તારોમાં આગામી પાંચ દિવસ દરમિયાન ભારે વરસાદની શક્યતા વ્યક્ત કરવામાં આવી છે.

હવામાન નિષ્ણાત અંબાલાલ પટેલે પણ વરસાદને લઈ લેટેસ્ટ આગાહી કરી છે. અંબાલાલ પટેલના જણાવ્યા મુજબ, 20થી 24 જુલાઈ દરમિયાન રાજ્યના વિવિધ ભાગોમાં નોંધપાત્ર વરસાદની આગાહી કરી છે.

અંબાલાલ પટેલ અનુસાર વલસાડના કેટલાક ભાગોમાં 10 ઇંચ સુધીનો વરસાદ વરસી શકે છે. પોરબંદર અને દ્વારકા વિસ્તારમાં 8થી 9 ઇંચ જેટલો ધોધમાર વરસાદ વરસવાની તેમણે આગાહી કરી છે.

ખંભાળિયામાં 8 ઇંચ, ભાવનગરમાં 7 ઇંચ, સુરત અને પંચમહાલમાં 6થી 8 ઇંચ વરસાદની આગાહી કરવામાં આવી છે.

જામનગરમાં 5 ઇંચ વરસાદની આગાહી છે. સૌરાષ્ટ્રના કેટલાક ભાગોમાં 10 ઇંચ સુધીનો વરસાદ વરસી શકે છે.

અમદાવાદ અને ગાંધીનગરમાં પણ 4 ઇંચ સુધી વરસાદ વરસવાની આગાહી અંબાલાલ પટેલે કરી છે.

રાધનપુરમાં 8 ઇંચ, વિરમગામ પાટડી દસાડામાં 7 ઇંચ વરસાદની આગાહી કરાઈ છે. લીંબડીમાં 8 ઇંચ અને સાબરકાંઠામાં 4 ઇંચ, નળસરોવર અને સૂઇગામમાં 7 ઇંચ વરસાદની આગાહી કરી છે.

આ આગાહી મુજબ, દક્ષિણ ગુજરાત, ઉત્તર ગુજરાત અને સૌરાષ્ટ્રના મોટાભાગના વિસ્તારોમાં નોંધપાત્ર વરસાદ થવાની શક્યતા છે. ખાસ કરીને દરિયાકાંઠાના વિસ્તારોમાં ભારે વરસાદની આગાહી કરવામાં આવી છે.

સૌરાષ્ટ્રના અનેક જિલ્લાઓમાં ધોધમાર વરસાદ વરસી રહ્યો છે.