IND vs WI, 2nd Test: કોહલીએ બ્રેડમેનના રેકોર્ડની કરી બરાબરી, વેસ્ટ ઈન્ડિઝની પણ મજબૂત શરૂઆત, આવો રહ્યો બીજો દિવસ

બીજી ટેસ્ટના બીજા દિવસે ટીમ ઈન્ડિયાનો પ્રથમ દાવ 438 રન પર સમાપ્ત થયો હતો. આ પછી વેસ્ટ ઈન્ડિઝે પણ મજબૂત શરૂઆત કરી હતી. બીજા દિવસની રમતના અંતે વેસ્ટ ઈન્ડિઝનો સ્કોર એક વિકેટના નુકસાને 86 રન હતો.

કોહલીએ ટેસ્ટમાં 29મી સદી ફટકારી

Source : ICC

India vs West Indies 2nd Test Day 2 Highlights: ભારત અને વેસ્ટ ઈન્ડિઝ વચ્ચે ત્રિનિદાદના ક્વીન્સ પાર્કમાં બીજી ટેસ્ટ મેચ રમાઈ રહી છે. બીજી ટેસ્ટના બીજા દિવસે ટીમ ઈન્ડિયાનો પ્રથમ દાવ 438 રન પર સમાપ્ત થયો હતો. આ પછી વેસ્ટ ઈન્ડિઝે પણ મજબૂત શરૂઆત કરી હતી. બીજા દિવસની રમતના અંતે વેસ્ટ ઈન્ડિઝનો સ્કોર એક વિકેટના નુકસાને 86 રન હતો.

કેરેબિયન કેપ્ટન ક્રેગ બ્રેથવેટ 37 અને ક્રિક મેકેન્ઝી 14 રને સ્ટમ્પ પર અણનમ પરત ફર્યા હતા. બ્રેથવેટે અત્યાર સુધીમાં ત્રણ ચોગ્ગા ફટકાર્યા છે જ્યારે મેકેન્ઝીએ એક ફોર અને એક સિક્સર ફટકારી છે તેજનારાયણ ચંદ્રપોલ ચાર ચોગ્ગાની મદદથી 33 રન બનાવીને આઉટ થયો હતો. રવિન્દ્ર જાડેજાએ તેને પેવેલિયનમાં મોકલ્યો હતો.

Stumps on Day 2 of the second Test!

An exciting Day 3 awaits! 👏 👏

Scorecard ▶️ https://t.co/d6oETzoH1Z #TeamIndia | #WIvIND pic.twitter.com/DS0CqS0e9i

— BCCI (@BCCI) July 21, 2023

કોહલીએ 500મી આંતરરાષ્ટ્રીય મેચને યાદગાર બનાવી, બ્રેડમેનના રેકોર્ડની કરી બરાબરી

આ પહેલા, તેની 500મી આંતરરાષ્ટ્રીય મેચને યાદગાર બનાવતા, વિરાટ કોહલીએ તેની 29મી ટેસ્ટ સદી ફટકારી, ભારતને વેસ્ટ ઈન્ડિઝ સામેની બીજી ટેસ્ટના બીજા દિવસે શુક્રવારે તેની પ્રથમ ઇનિંગમાં 128 ઓવરમાં 438 રન બનાવવામાં મદદ કરી. આ સાથે કોહલીએ ક્રિકેટના ઈતિહાસના મહાન બેટ્સમેન ગણાતા સર ડોન બ્રેડમેનની 29 ટેસ્ટ સદીની બરાબરી કરી લીધી.

છેલ્લી ટેસ્ટમાં સદી ચૂકી ગયેલા કોહલીએ 206 બોલમાં 121 રન બનાવ્યા હતા. તેની આંતરરાષ્ટ્રીય કારકિર્દીની 76મી સદી દરમિયાન (ટેસ્ટ, ODI અને T20 સહિત), તેણે રવિન્દ્ર જાડેજા (61) સાથે પાંચમી વિકેટ માટે 159 રનની ભાગીદારી કરીને ભારત માટે મજબૂત પુનરાગમન કર્યું. કોહલી રન આઉટ થયો હતો જ્યારે જાડેજા કેમાર રોચની બોલ પર જોશુઆ ડા સિલ્વાના હાથે કેચ આઉટ થયો હતો.

A memorable 500th international match for Virat Kohli 🙌

How it happened ➡️ https://t.co/eKsoBmqzBl#WIvIND | #WTC25 pic.twitter.com/erd39Xzy2n

— ICC (@ICC) July 22, 2023

અશ્વિને પણ ફટકારી ફિફ્ટી

લંચ બાદ રવિચંદ્રન અશ્વિને (56) અડધી સદી ફટકારી અને નીચલા ક્રમના બેટ્સમેનો સાથે શાનદાર બેટિંગ કરીને ટીમનો સ્કોર 438 રન સુધી પહોંચાડ્યો. તે આઉટ થનાર છેલ્લો બેટ્સમેન હતો. તે આઉટ થતાની સાથે જ અમ્પાયરે ચા બ્રેકની જાહેરાત કરી. તેણે ઈશાન કિશન (25) સાથે સાતમી વિકેટ માટે 33 રન અને જયદેવ ઉનડકટ (07) સાથે આઠમી વિકેટ માટે 23 રનની ભાગીદારી કરીને ટીમને 400 રનની પાર પહોંચાડી હતી. અશ્વિને 78 બોલની ઈનિંગમાં આઠ ચોગ્ગા ફટકાર્યા હતા.

વેસ્ટ ઈન્ડિઝ માટે રોચે 104 અને જોમેલ વોરિકને 89 રનમાં ત્રણ વિકેટ ઝડપી હતી. જેસન હોલ્ડરે 57 રન આપ્યા હતા જ્યારે શેનન ગેબ્રિયલને એક વિકેટ મળી હતી.