KXIP vs RR: ‘યુનિવર્સ બોસ’ ક્રિસ ગેઈલે રચ્યો ઈતિહાસ, ટી20 ક્રિકેટમાં આ રેકોર્ડ તોડવો અસંભવ !

ગેઈલ જ્યારે રાજસ્થાન વિરુદ્ધ બેટિંગ કરવા આવ્યો હતો ત્યારે તેને આ મુકામ સુધી પહોંચવા માટે 7 સિક્સની જરૂર હતી. એવામાં આક્રમક બેટિંગ કરતા 19મીં ઓવરમાં કાર્તિક ત્યાગીની 5મી બોલ પર પોતાના કેરિયરની 1000મી સિક્સ નોંધાવી હતી.

તસવીર- આઈપીએલ ટ્વિટર

IPL 2020: આઈપીએલના 50મી મેચમાં રાજસ્થાન રોયલ્સ વિરુદ્ધ ‘યુનિવર્સ બોસ’ ક્રિસ ગેઈલે 99 રનની તોફાની બેટિંગ કરી હતી. આ ઈનિંગ દરમિયાન તેણે 6 ફોર અને 8 સિક્સ ફટકારી હતી. તેની સાથે જ ગેઈલના નામે ટી20 ક્રિકેટમાં 1000 સિક્સ મારવાનો રેકોર્ડ નોંધાય ગયો છે. ટી20 ક્રિકેટમાં આ કારનામું કરનાર ગેઈલ પહેલો બેટ્સમેન બની ગયો છે. ગેઈલ જ્યારે રાજસ્થાન વિરુદ્ધ બેટિંગ કરવા આવ્યો હતો ત્યારે તેને આ મુકામ સુધી પહોંચવા માટે 7 સિક્સની જરૂર હતી. એવામાં આક્રમક બેટિંગ કરતા 19મીં ઓવરમાં કાર્તિક ત્યાગીની 5મી બોલ પર પોતાના કેરિયરની 1000મી સિક્સ નોંધાવી હતી. આ ઈનિંગમાં તેણે 99 રનનો સ્કોર નોંધાવ્યો હતો.

ટી20 ક્રિકેટમાં ગેઈલનો આ રેકોર્ડ તોડવું હવે અસંભવ માનવામાં આવી રહ્યું છે. કારણ કે આ લિસ્ટમાં બીજા નંબરે કીરન પોલાર્ડનું નામ છે અને પોલાર્ડના નામે ટી20માં 690 સિક્સ છે અને ગેલના નામે હજાર સિક્સ થઈ ગઈ છે. પોલાર્ડ ગેઈલથી ઘણો પાછળ છે, એવામાં આ રેકોર્ડ તોડવું અસંભવ માનવામાં આવી રહ્યું છે.