IPL: ક્લૉઝિંગ સેરેમનીમાં બૉલીવુડ સ્ટાર્સ બિખેરશે જલવો, જાણો રંગા-રંગ કાર્યક્રમ વિશે........
બન્ને ખિતાબ માટે ફરી એકવાર અમદાવાદના નરેન્દ્ર મોદી સ્ટેડિયમમાં આમને સામને થશે, એકબાજુ સંજૂ સેમસન હશે તો બીજીબાજુ હાર્દિક પંડ્યા હશે.
IPL 2022 Closing Ceremony: ઇન્ડિયન પ્રીમિયર લીગ 2022ની ફાઇનલ મેચ આગામી 29 મેએ અમદાવાદમાં રમાશે. આ વખતે પહેલીવાર ગુજરાત ટાઇટન્સ અને રાજસ્થાન રૉયલ્સ વચ્ચે ખિતાબી જંગ જામશે. બન્ને ટીમો આ સિઝનમાં દમદાર પ્રદર્શન કરીને ફાઇનલમાં પહોંચી છે. બન્ને ખિતાબ માટે ફરી એકવાર અમદાવાદના નરેન્દ્ર મોદી સ્ટેડિયમમાં આમને સામને થશે, એકબાજુ સંજૂ સેમસન હશે તો બીજીબાજુ હાર્દિક પંડ્યા હશે.
પરંતુ ખાસ વાત છે કે, આઇપીએલ 2022ની ફાઇનલ મેચ પહેલા સમાપન સમારોહ (IPL 2022 Closing Ceremony)નુ આયોજન થશે. આમાં એક્ટર રણવીર સિંહ (Ranveer Singh) અને સંગીતકાર એઆર રહેમાન (AR Rahman) ઉપરાંત ક્રિકેટ જગતની કેટલીય હસ્તીઓ અને આઇસીસીના અધિકારીઓ હાજરી આપશે. મીડિયા રિપોર્ટ્સ અનુસાર પીએમ મોદી અને ગૃહમંત્રી અમિત શાહ ફાઇનલ મેચ જોવા પહોંચી શકે છે.
2018માં થયુ હતુ આયોજન
આઇપીએલમાં લગભગ 4 વર્ષના લાંબા ઇન્તજાર બાદ ક્લૉઝિંગ સેરેમની જોવા મળશે. આ મેચ શરૂ થયાના 50 મિનીટ પહેલા આયોજિત કવરામાં આવશે. આ પછી 8 વાગ્યાથી મેચ શરૂ થશેો. આયોજન દરમિયાન બીસીસીઆઇ ભારતીય સ્વતંત્રતાના 75 વર્ષના જશ્નને બહુજ અનોખી રીતે મનાવશે. કોરોના મહામારીના કારણે છેલ્લા ચાર વર્ષથી આઇપીએલનો આવો કોઇ કાર્યક્રમ નથી થયો. આ પહેલા છેલ્લીવાર વર્ષ 2018માં IPL ક્લૉઝિંગ સેરેમની આયોજિત થઇ હતી.
ક્રિકેટ યાત્રાને બતાવવામાં આવશે -
અમદાવાદમાં લીગની 15મી સિઝનની ફાઇનલના ઠીક પહેલા આઇપીએલનુ સમાપન સમારોહ આયોજિત કરવામાં આવશે. મીડિયા રિપોર્ટ્સ અનુસાર,ક્લૉઝિસ સેરેમની 45 મિનીટની હશે. આના આયોજન માટે બોર્ડે એક એજન્સીને જવાબદારી સોંપી છે. સમાપન સમારોહ દરમિયાન ભારતીય ક્રિકેટની યાત્રાને પણ પ્રદર્શિત કરવામાં આવશે. આ દરમિયાન આમિર ખાનની અપકમિંગ ફિલ્મ લાલ સિંહ ચડ્ઢાનુ ટ્રેલર પણ લૉન્ચ થશે. આવુ પહેલીવાર બનશે જ્યારે ભારતીય ટેલિવિઝન પર ક્રિકેટ મેચ દરમિયાન કોઇ ફિલ્મનુ ટ્રેલર લૉન્ચ કરવામાં આવશે.
ટોપ સ્ટોરી
ટ્રેન્ડિંગ સમાચાર
