IPL News: અત્યાર સુધી આઇપીએલમાં કેટલી સુપર ઓવર રમાઇ ? કઇ ટીમ સૌથી વધુ જીતી, જુઓ લિસ્ટ...
IPL Super Over History: આ IPLની 18મી સિઝન છે અને અત્યાર સુધીમાં 15 મેચ ટાઇ થઈ છે, જેનો નિર્ણય સુપર ઓવર દ્વારા લેવામાં આવ્યો હતો
IPL Super Over History: આઇપીએલ 2025 ની પહેલી સુપર ઓવર રાજસ્થાન રૉયલ્સ અને દિલ્હી કેપિટલ્સ વચ્ચે ગઇકાલે રમાઇ, જેમાં ઘરઆંગણાની ટીમ દિલ્હી જીતી ગઈ. રાજસ્થાન રોયલ્સ સુપર ઓવર પણ પૂર્ણ કરી શક્યું નહીં. માત્ર 5 બોલમાં 11 રન બન્યા અને બે વિકેટ પડી ગઈ. દિલ્હીએ ચોથા બોલ પર જ લક્ષ્ય હાંસલ કર્યું અને મેચ જીતી લીધી. આ પછી, ચાહકોના મનમાં ચોક્કસપણે આ પ્રશ્ન ઉદ્ભવશે કે IPLમાં અત્યાર સુધી કેટલી સુપર ઓવર થઈ છે અને કઈ ટીમે સુપર ઓવરમાં સૌથી વધુ મેચ જીતી છે. તો ચાલો તમને આઇપીએલ સુપર ઓવર ઇતિહાસ વિશે જણાવીએ...
આ IPLની 18મી સિઝન છે અને અત્યાર સુધીમાં 15 મેચ ટાઇ થઈ છે, જેનો નિર્ણય સુપર ઓવર દ્વારા લેવામાં આવ્યો હતો. દિલ્હી કેપિટલ્સ (જે પહેલા દિલ્હી ડેરડેવિલ્સ તરીકે ઓળખાતું હતું) એ સૌથી વધુ સુપર ઓવર રમી છે, એટલે કે 5. મુંબઈ ઇન્ડિયન્સનો શ્રેષ્ઠ સુપર ઓવર રેકોર્ડ છે - પાંચ મેચમાં ચાર જીત. બીજી બાજુ, કોલકાતા નાઈટ રાઈડર્સનો રેકોર્ડ સૌથી ખરાબ છે - ચાર મેચમાંથી, KKR 3 મેચ હારી ગયું છે.
IPLની 2020-21 સિઝનમાં મહત્તમ 4 મેચ ટાઇ થઈ હતી, જેનું પરિણામ સુપર ઓવરમાં નક્કી થયું હતું. આ પછી, 2019 અને 2013 સિઝનમાં 2-2 મેચ સુપર ઓવરમાં ગઈ.
આઇપીએલ ઇતિહાસમાં સુપર ઓવર વાળી મેચોનું લિસ્ટ -
1. રાજસ્થાન રૉયલ્સે કોલકાતા નાઈટ રાઈડર્સને હરાવ્યું – 23 એપ્રિલ, 2009, કેપ ટાઉન
2. કિંગ્સ ઇલેવન પંજાબે ચેન્નાઈ સુપર કિંગ્સને હરાવ્યું - 12 માર્ચ, 2010, ચેન્નાઈ
3. સનરાઇઝર્સ હૈદરાબાદ રોયલ ચેલેન્જર્સ બેંગ્લોરને હરાવ્યું – 7 એપ્રિલ 2013, હૈદરાબાદ
4. રોયલ ચેલેન્જર્સ બેંગ્લોરે દિલ્હી ડેરડેવિલ્સ (દિલ્હી કેપિટલ્સ) ને હરાવ્યું - 16 એપ્રિલ, 2013, બેંગ્લોર
5. રાજસ્થાન રોયલ્સે કોલકાતા નાઈટ રાઈડર્સને હરાવ્યું – 29 એપ્રિલ, 2014, અબુ ધાબી
6. કિંગ્સ ઇલેવન પંજાબે રાજસ્થાન રોયલ્સ સામે જીત મેળવી – 21 એપ્રિલ, 2015, અમદાવાદ
7. મુંબઈ ઈન્ડિયન્સે ગુજરાત લાયન્સ સામે જીત મેળવી – 29 એપ્રિલ, 2017, રાજકોટ
8. દિલ્હી કેપિટલ્સે કોલકાતા નાઈટ રાઈડર્સને હરાવ્યું – 30 એપ્રિલ, 2019, દિલ્હી
9. મુંબઈ ઈન્ડિયન્સે સનરાઈઝર્સ હૈદરાબાદને હરાવ્યું - 2 મે, 2019, મુંબઈ
10. દિલ્હી કેપિટલ્સે કિંગ્સ ઇલેવન પંજાબને હરાવ્યું - 20 સપ્ટેમ્બર 2020, દુબઈ
11. રોયલ ચેલેન્જર્સ બેંગ્લોરે મુંબઈ ઈન્ડિયન્સને હરાવ્યું - 28 સપ્ટેમ્બર 2020, દુબઈ
12. કોલકાતા નાઈટ રાઈડર્સે સનરાઈઝર્સ હૈદરાબાદને હરાવ્યું - 18 ઓક્ટોબર, 2020, અબુ ધાબી
13. કિંગ્સ ઇલેવન પંજાબે મુંબઈ ઇન્ડિયન્સને હરાવ્યું - 18 ઓક્ટોબર 2020, દુબઈ
14. દિલ્હી કેપિટલ્સે સનરાઇઝર્સ હૈદરાબાદને હરાવ્યું - 25 એપ્રિલ, 2021, ચેન્નાઈ
ટોપ સ્ટોરી
ટ્રેન્ડિંગ સમાચાર
