IPL Title Rights: હવે આઇપીએલમાં ચાઇનીઝ બ્રાન્ડની 'નૉ એન્ટ્રી', BCCI એ તૈયાર કરી નવી ગાઇડલાઇન્સ
આગામી આઇપીએલ 2024 માટે તૈયારીઓ શરૂ થઇ ચૂકી છે, બીસીસીઆઇએ આ માટે ખાસ પ્લાન પણ બનાવી લીધો છે
IPL Title Rights Conditions: આગામી આઇપીએલ 2024 માટે તૈયારીઓ શરૂ થઇ ચૂકી છે, બીસીસીઆઇએ આ માટે ખાસ પ્લાન પણ બનાવી લીધો છે. ભારતીય ક્રિકેટ કંટ્રોલ બોર્ડ (BCCI) ઇન્ડિયન પ્રીમિયર લીગ (IPL) માટે ટાઇટલ સ્પૉન્સર શોધી રહ્યું છે. આ માટે BCCIએ કડક શરતો સાથે પ્લાન તૈયાર કર્યો છે. આ વખતે ચીનની કંપની કે બ્રાન્ડ IPL ટાઇટલ સ્પૉન્સર માટે હરાજીમાં સામેલ નહીં થઇ શકે. ચીન જેવા દેશો સાથે ભારતના સરળ સંબંધો ના હોવાથી તે દેશની કંપની બ્રાન્ડ કે IPL ટાઇટલ સ્પૉન્સર બની શકતી નથી.
ચાઇનીઝ કંપનીઓ ઉપરાંત આ બ્રાન્ડોને પણ નૉ એન્ટ્રી -
ક્રિકબઝના સમાચાર અનુસાર, IPL ટાઇટલ સ્પૉન્સર માટે રિઝર્વ પ્રાઇસ 360 કરોડ રૂપિયા છે. આ ઉપરાંત સટ્ટાબાજી, ફેન્ટેસી ગેમ્સ, સ્પૉર્ટસવેર, આલ્કોહૉલ પ્રૉડક્ટ્સ અને ક્રિપ્ટૉકરન્સી સાથે સંબંધિત કંપનીઓ IPL ટાઇટલ સ્પૉન્સર માટે હરાજીમાં ભાગ લઈ શકશે નહીં. જો આવી કંપનીઓ અથવા બ્રાન્ડ્સ સાથે કોઈ સીધું કનેક્શન ન હોય તો પણ BCCIએ આ કંપનીઓ અને બ્રાન્ડ્સ સામે કડક કાર્યવાહી કરી છે.
આગામી 5 વર્ષો માટે હશે ટાઇટલ સ્પૉન્સર -
તમને જણાવી દઈએ કે ગઇ સિઝન સુધી ટાટા આઈપીએલ ટાઈટલ સ્પૉન્સર હતુ. પરંતુ હવે આ કૉન્ટ્રાક્ટ ખતમ થઈ ગયો છે. જોકે, BCCI ટાઈટલ સ્પૉન્સરની શોધમાં છે. આગામી 5 વર્ષ સુધી IPLનો ટાઈટલ સ્પૉન્સર રહેશે. એટલે કે આ કરાર IPL 2024થી લાગુ થશે અને IPL 2028 સુધી ચાલશે. આ માટે BCCIએ વાર્ષિક 360 કરોડ રૂપિયાની અનામત કિંમત નક્કી કરી છે. નોંધનીય છે કે Vivo જેવી ચીની કંપની IPLની ટાઈટલ સ્પૉન્સર રહી છે, પરંતુ હવે ચીની કંપનીઓ કે બ્રાન્ડ્સ માટે IPL ટાઈટલ સ્પૉન્સર બનવાનો રસ્તો બંધ થઈ ગયો છે. આ માટે બીસીસીઆઈએ કડક શરતો સાથે તેની માર્ગદર્શિકા તૈયાર કરી છે.
આ વખતે નવા નિયમ સાથે રમાઇ શકે છે આઇપીએલ, બૉલરોને થશે મોટો ફાયદો
ગઇકાલે 19 ડિેસેમ્બરે, દુબઇમાં ઇન્ડિયન પ્રીમિયર લીગની 2024 મિની ઓક્શન પુરી થઇ ચૂકી છે. 230 કરોડથી વધુ રૂપિયા 233 ખેલાડીઓ પર દાંવે લાગ્યા છે. ત્યારે આ બધાની વચ્ચે હવે એક મોટો સમાચાર સામે આવ્યા છે કે, આ વખતે આઇપીએલમાં કેટલાક નિયમોમાં ફેરફાર જોવા મળી શકે છે. તાજેતરના અહેવાલ મુજબ, IPLની આ આગામી સિઝનમાં કેટલાક નિયમોમાં ફેરફાર કરવામાં આવશે, અને કેટલાક નવા નિયમો ઉમેરવામાં આવશે. તમને યાદ હશે કે છેલ્લી IPL પહેલા પણ ઈમ્પેક્ટ પ્લેયર અને નૉ બૉલ, વાઈડ બૉલની રિવ્યૂ કરવાનો નિયમ લાગુ કરવામાં આવ્યો હતો.
એક ઓવરમાં બે બાઉન્સર્સ
ESPNcricinfo ના રિપોર્ટ અનુસાર, IPL એટલે કે IPL 2024 ની આગામી સિઝનથી બૉલર IPL મેચોની દરેક ઓવરમાં વધુમાં વધુ 2 બાઉન્સર ફેંકી શકે છે. અત્યાર સુધી આવું નહોતું. અત્યાર સુધી આઈપીએલમાં પણ ઈન્ટરનેશનલ ક્રિકેટની જેમ જ નિયમોનું પાલન કરવામાં આવતું હતું, જે મુજબ બોલર એક ઓવરમાં વધુમાં વધુ એક બાઉન્સર ફેંકી શકતા હતા, તેનાથી વધુ બૉલિંગને નૉ બૉલ માનવામાં આવતું હતું. જો કે, હવે આઈપીએલમાં આવું થશે નહીં, પરંતુ હજુ સુધી આ નવા નિયમને લઈને બીસીસીઆઈ તરફથી કોઈ ઓફિશિયલ નિવેદન આવ્યું નથી.
દર વર્ષે IPLમાં કેટલાક નવા નિયમો ઉમેરવામાં આવે છે. ગયા વર્ષે આઈપીએલ મેચોમાં ઈમ્પેક્ટ પ્લેયર નિયમની ઘણી અસર થઈ હતી. કેટલાક લોકોને આ નિયમ પસંદ આવ્યો તો કેટલાક લોકોએ તેનો વિરોધ પણ કર્યો. તે જ સમયે, વાઇડ અને નૉ બૉલના કિસ્સામાં પણ બેટ્સમેનને રિવ્યૂ કરવાનો અધિકાર આપવામાં આવ્યો હતો, જેથી જો તેને કોઈ શંકા હોય તો તે પોતે જ તેનું નિરાકરણ કરી શકે.
ટ્રેન્ડિંગ સમાચાર
ટોપ સ્ટોરી
