Smoking: શું તમે પણ ચા અને સિગારેટ એકસાથે પી રહ્યા છો? આ કેન્સરનો વધી જાય છે ખતરો

Tea And Smoking:આજકાલ યુવાનોમાં ચા સાથે સિગારેટ પીવાનું ચલણ ઝડપથી વધી રહ્યું છે.

( Image Source :Freepik )

Tea And Smoking: આજકાલ યુવાનોમાં ચા સાથે સિગારેટ પીવાનું ચલણ ઝડપથી વધી રહ્યું છે. આ ખૂબ જ ખતરનાક આદત છે. તેનાથી સ્વાસ્થ્યને ગંભીર નુકસાન થઈ શકે છે. ચા અને સિગારેટનું મિશ્રણ ખૂબ જ ઝેરી હોઈ શકે છે (Tea With Cigarette Side Effects) એક રિપોર્ટ અનુસાર, જો તમે ચા સાથે સિગારેટ પીતા હોવ તો અન્નનળીના કેન્સરનું જોખમ 30 ટકા વધી જાય છે. સિગારેટના ધુમાડા સાથે ચામાં રહેલું કેફીન જીવલેણ બની શકે છે. તેથી, જો કૂલ દેખાવા માટે અથવા તણાવ દૂર કરવા માટે તમે ચા-સિગારેટ સાથે પી રહ્યા છો તો તરત જ સાવધાન થઈ જાવ

 ચા-સિગારેટનું મિશ્રણ કેટલું જોખમી છે?

2023માં જર્નલ એનલ્સ ઓફ ઈન્ટરનલ મેડિસિનમા પ્રકાશિત થયેલા અહેવાલમાં જણાવાયું છે કે ગરમ ચા ફૂડ પાઈપના સેલ્સ માટે ખતરનાક બની શકે છે. જ્યારે સિગારેટ ચા સાથે આવે છે ત્યારે તેના નુકસાનનું જોખમ બમણું થઈ જાય છે. જો આ આદત લાંબા સમય સુધી ચાલુ રહે તો તેનાથી કેન્સર પણ થઈ શકે છે.

સ્વાસ્થ્ય નિષ્ણાતોના મતે ચામાં કેફીન હોય છે જે પેટમાં એક પ્રકારનું એસિડ બનાવે છે, જે પાચનમાં મદદ કરે છે, પરંતુ જ્યારે આ કેફીન વધુ માત્રામાં લેવામાં આવે છે, તો તે પેટને નુકસાન પહોંચાડે છે. સિગારેટમાં નિકોટિન જોવા મળે છે. જ્યારે ખાલી પેટે ચા અને સિગારેટ એકસાથે પીવામાં આવે તો માથાનો દુખાવો કે ચક્કર આવવા જેવી સમસ્યાઓ થઈ શકે છે. એક રિપોર્ટ અનુસાર સિગારેટ પીનારાઓને હાર્ટ એટેકનો ખતરો 7 ટકા વધુ હોય છે. તેમની ઉંમર 17 વર્ષ સુધી ઘટાડી શકાય છે.

ચા અને સિગારેટ પીવાથી કયા રોગો થાય છે?

1. હાર્ટ એટેકનું જોખમ
2. અન્નનળીનું કેન્સર
3. ગળાનું કેન્સર
4. ફેફસાનું કેન્સર
5. નપુંસકતા અને વંધ્યત્વનું જોખમ
6. પેટનું અલ્સર
7. હાથ અને પગનું અલ્સર
8. યાદશક્તિ ગુમાવવાનું જોખમ
9. બ્રેઈન સ્ટ્રોક અને હાર્ટ સ્ટ્રોકનું જોખમ
10. ઉંમર ઘટે છે