Omicron Variant: જાણો કેવી રીતે કામ કરશે, ઓમિક્રોન વેરિયન્ટના ટેસ્ટિંગની કિટ, Omisure, ICMRએ આપી મંજૂરી

ઓમિસુર કિટ ઓમિક્રોન વેરિઅન્ટને શોધવામાં મદદ કરશે. આ કિટ ટાટા મેડિકલ દ્વારા તૈયાર કરવામાં આવી છે.

test

ઓમિસુર કિટ ઓમિક્રોન વેરિઅન્ટને શોધવામાં મદદ કરશે. આ કિટ ટાટા મેડિકલ દ્વારા તૈયાર કરવામાં આવી છે.

કો રોનાનું નવું વેરિઅન્ટ ઓમિક્રોન વેરિઅન્ટ દેશમાં ઝડપથી ફેલાઈ રહ્યું છે. કોરોનાના વધતા જતા કેસો વચ્ચે ICMR દ્વારા Omicronને શોધવા માટેની પ્રથમ કીટ Omisureને મંજૂરી આપવામાં આવી છે. અત્યાર સુધીમાં ભારતના 23 રાજ્યો અને કેન્દ્રશાસિત પ્રદેશોમાંથી ઓમિક્રોનના 1892 કેસ નોંધાયા છે. ઓમિક્રોનમાં મહારાષ્ટ્રમાં સૌથી વધુ 568 કેસ નોંધાયા છે, ત્યારબાદ દિલ્હીમાં 382, ​​કેરળમાં 185, રાજસ્થાનમાં 174, ગુજરાતમાં 152 અને તમિલનાડુમાં 121 કેસ નોંધાયા છે.

           

કેવી રીતે કામ કરશે ઓમિસ્યોર

Omisure ટેસ્ટ કીટ અન્ય કોઈપણ RT-PCR ટેસ્ટ કીટની જેમ કામ કરશે. આ કીટ સાથે પરીક્ષણ માટે નાક અથવા મોંમાંથી સ્વેબ પણ લેવામાં આવશે. પછી ટેસ્ટ રિપોર્ટ અન્ય RT-PCR ટેસ્ટની જેમ 10 થી 15 મિનિટમાં આવશે. Omisure સાથે પરીક્ષણ કરવાની પદ્ધતિ અન્ય RT-PCR પરીક્ષણોથી અલગ નહીં હોય. હાલમાં, અમેરિકન કંપની થર્મો ફિશરની મલ્ટીપ્લેક્સ કીટનો ઉપયોગ દેશમાં ઓમિક્રોન વેરિઅન્ટ સાથે ચેપના પરીક્ષણ માટે કરવામાં આવી રહ્યો છે. આ કિટ એસ-જીન ટાર્ગેટ ફેલો સ્ટ્રેટેજી પર આધારિત છે. ઓમિક્રોન વેરિઅન્ટ એસ-જીનમાં બહુવિધ પરિવર્તનો ધરાવે છે, તેથી એસજીટીએફ વ્યૂહરચના ઓમિક્રોન દર્દીઓમાં એસ-જીનની ગેરહાજરી દર્શાવે છે.

ટાટા મેડિકલ એન્ડ ડાયગ્નોસ્ટિક્સ લિમિટેડે બનાવેલી કિટને  ICMR દ્વારા TATA MD ચેક RT-PCR OmiSure ની મંજૂરી મેળવ્યા પછી, હવે Omicron કેસોની ટૂંક સમયમાં તપાસ કરવામાં આવશે

કોરોનાના કેસ વધતાં આ 7 રાજ્યોમાં સ્કૂલો બંધ 

શનાં મોટા ભાગનાં રાજ્યોમાં કોરોનાના નવા વેરિયન્ટ ઓમિક્રોનના ઝડપથી વધી રહેલા કેસોના લીધે ફરીથી પ્રતિબંધો લગાવવાના શરૂ કરાયા છે. આ પૈકી મોટા ભાગનાં રાજ્યોએ શાળા-કોલેજો બંધ કરવાથી શરૂઆત કરી છે. હાલમાં દેશનાં સાત રાજ્યોમાં શાળા-કોલેજો સંપૂર્ણપણે બંધ કરી દેવાઈ છે જ્યારે મુંબઈમાં પણ તમામ શાળા 31 જાન્યુઆરી સુધી બંધ કરી દેવાઈ છે.

પશ્ચિમ બંગાળ, તમિલનાડુ, ઓડિશા, ઝારખંડ, દિલ્હી, હરિયાણા અને રાજસ્થાન દેશનાં છ રાજ્યોમાં શાળા-કોલેજો સંપૂર્ણપણે બંધ કરી દેવાઈ છે. આ ઉપરાંત  ઘણાં રાજ્યોમાં સ્કૂલો અને કોલેજોમાં પ્રાથમિક વિભાગો બંધ કરી દેવાયા છે.  ફરીથી બીજા પણ કેટલાક રાજ્યો સ્કૂલો બંધ કરવા અંગે વિચાર કરી રહ્યા છે. જે રાજ્યોમાં સો ટકા સ્કૂલો ખુલ્લી હતી. એ રાજ્યો હવે તે પણ સ્કૂલોને બંધ કરી રહ્યા છે.

હરિયાણા સરકારના આદેશ મુજબ સ્કૂલ, કોલેજ, પોલિટેકનિક, આઇટી, કોચિંગ સંસ્થા, લાઇબ્રેરી અને તાલીમ સંસ્થાઓ, આંગણવાડી કેન્દ્ર અને શિશુગૃહ બંધ રહેશે. હરિયાણાની સ્કૂલો અને કોલેજોમાં 12 જાન્યુઆરી સુધી બંધ રહેશે. સ્થિતી સુધરશે તો તે પછી ઓફલાઇન ક્લાસ શરૂ થઈ શકે છે.

તમિલનાડુએ પહેલાથી આઠમી ધોરણ સુધીની બધી સ્કૂલો 10 જાન્યુઆરી સુધી બંધ રાખવાના આદેશ જારી કર્યા છે. જયારે નવથી બારના ક્લાસ કોરોનાના ચુસ્ત પ્રોટોકોલ હેઠળ ચાલશે.

ઓડિશા સરકારે જણાવ્યું હતું કે તે ત્રણ જાન્યુઆરીથી પહેલીથી પાંચમા ધોરણની સ્કૂલો ખોલવાનો અગાઉનો આદેશ પરત લઈ રહી છે. વિદ્યાલય અને જનશિક્ષા મંત્રી એસ આર દાસે એક નિવેદનમાં જણાવ્યું હતું કે અધિકારીઓએ જુદાાજુદાપ્રાથમિક શિક્ષણ કેન્દ્રોનું નિરીક્ષણ કર્યા પછી નિર્ણય લીધો હતો. જો કે છથી દસમા ધોરણના વિદ્યાર્થીઓનો અભ્યાસ કરાશે. પશ્ચિમ બંગાળે તેના બધા શૈક્ષણિક એકમોને 15 જાન્યુઆરી સુધી બંધ રાખવાનો આદેશ આપ્યો છે.સ્કૂલ, કોલેજ અને યુનિવર્સિટીઓમાં ફક્ત 50 ટકા સ્ટાફ જ જશે.