Ahmedabad News: પોલીસ બની પ્રજાનો સાચો મિત્ર, ઓઢવ પોલીસે નિરાધાર લોકોને ધાબળાનું કર્યું વિતરણ

Ahmedabad News:અમદાવાદના ઓઢવ વિસ્તારની પોલીસ સાચા અર્થમાં પ્રજાની મિત્ર બની હતી

અમદાવાદ પોલીસની પ્રશંસનીય કામગીરી

Ahmedabad News: અમદાવાદના ઓઢવ વિસ્તારની પોલીસ સાચા અર્થમાં પ્રજાની મિત્ર બની હતી. ઓઢવ પોલીસ ફૂટપાથ પર રહેતા નિરાધાર લોકોની મદદે આવી હતી. શિયાળાની કાતિલ ઠંડીમાં રક્ષણ મળી રહે તે માટે પોલીસે ગરીબોને ધાબળાનું વિતરણ કર્યું હતું.

નિરાધાર અને નિ:સહાય, જરૂરીયાતમંદ માણસો પાસે રૂબરૂ જઈ તેઓને ઠંડીથી બચવા માંટે ધાબળાઓનું વિતરણ કરી અમદાવાદ પોલીસ ડીપાર્ટમેન્ટ તમામ વર્ગના લોકો માંટે ગમે તેવી વિકટ પરિસ્થિતીમાં તેઓની સાથે તેઓની સેવા માંટે તત્પર છે અને પોલીસ પ્રજાનો સાચો મિત્ર છે@sanghaviharsh @GujaratPolice pic.twitter.com/u6e0V7soNr

— Ahmedabad Police અમદાવાદ પોલીસ (@AhmedabadPolice) December 17, 2023

પોલીસ વિભાગ જે ગમે તેવી વિકટ પરિસ્થિતિમાં તમામ વર્ગના લોકોની સેવા માટે તત્પર હોય છે. ફરી એકવાર આ વાત ઓઢવ પોલીસે સાબિત કરી હતી. શહેરમાં જાહેર રસ્તાઓ પર રહેતા નિરાધાર લોકોની સ્થિતિનો વિચાર કરી ઓઢવ પોલીસ મદદે આવી છે.

ઓઢવ પોલીસ સ્ટેશનના જવાનો મોડી રાત્રે સિવિલ હોસ્પિટલ અને પાસેના વિસ્તારોમાં પહોંચ્યા હતા અને નિરાધાર લોકોને ધાબળા ઓઢાડી કાતિલ ઠંડીથી રક્ષણ અપાવ્યુ હતું. આ દ્રશ્યોથી ફરી એક વખત સાબિત થયું છે કે પોલીસ પ્રજાનો સાચો મિત્ર છે. ઓઢવ પોલીસ સ્ટેશનના જવાનો તરફથી સરાહનીય કામગીરી કરવામાં આવી હતી.