અમદાવાદીઓ માટે મોટો ખતરોઃ સાબરમતી નદીમાંથી મળ્યા કોરોના વાયરસ, જાણો બીજાં ક્યાં જળાશયમાંથી પણ મળ્યા ?
IIT ગાંધીનગર સહિત દેશની 8 સંસ્થાએ સાથે મળીને આ અભ્યાસ કર્યો હતો. નવી દિલ્હી ખાતે આવેલી જેએનયુની સ્કૂલ ઓફ એન્વાયર્નમેન્ટલ સાયન્સીઝના સંશોધકોનો પણ સમાવેશ થાય છે. આસામના ગુવાહાટી ક્ષેત્રમાં નદીઓની તપાસ કરી તો ત્યાં પણ ભારૂ નદીમાંથી લેવાયેલું એક સેમ્પલ કોરોના સંક્રમિત આવ્યું છે.
અમદાવાદઃ ગુજરાતમાં કોરોનાની બીજી લહેર ખૂબ જ ઘાતક સાબિત થઈ છે. જોકે, હવે સંક્રમણ ધીમે ધીમે ખટી રહ્યું છે. ત્યારે હવે અમદાવાદની સાબરમતી નદી, કાંકરિયા તળાવ અને ચંડોળા તળાવમાંથી કોરોના વાયરસ મળ્યો છે. અત્યાર સુધીમાં દેશનાં અનેક શહેરોની સુએજ લાઈનમાં જીવિત કોરોના વાયરસ મળવાની પૃષ્ટિ થઈ ચૂકી છે. ત્રણેય પાણીનાં સેમ્પલ લેવાયાં હતાં અને તમામ સેમ્પલ્સ સંક્રમિત જણાયાં છે. ચાર મહિનામાં 16 જેટલાં સેમ્પલ લેવાયાં હતાં, જેમાં 5 જેટલાં સેમ્પલ પોઝિટિવ જણાયા હતા.
નોંધનીય છે કે, IIT ગાંધીનગર સહિત દેશની 8 સંસ્થાએ સાથે મળીને આ અભ્યાસ કર્યો હતો. નવી દિલ્હી ખાતે આવેલી જેએનયુની સ્કૂલ ઓફ એન્વાયર્નમેન્ટલ સાયન્સીઝના સંશોધકોનો પણ સમાવેશ થાય છે. આસામના ગુવાહાટી ક્ષેત્રમાં નદીઓની તપાસ કરી તો ત્યાં પણ ભારૂ નદીમાંથી લેવાયેલું એક સેમ્પલ કોરોના સંક્રમિત આવ્યું છે. સુએજ સેમ્પલ લઈને કરાયેલી તપાસ દરમિયાન કોરોના વાયરસની ઉપસ્થિતિ જણાઇ આવી હતી.
દુનિયામાં કોરોના મહામારી હજુ લાંબી ચાલી શકે છે. વર્લ્ડ હેલ્થ ઓર્ગેનાઇઝેશને એક નવા વેરિએન્ટની ઓળખ કરી છે, અને તેનાથી સાવધાન રહેવા અપીલ કરી છે. વર્લ્ડ હેલ્થ ઓર્ગેનાઇઝેશને (WHO) 16 જૂન, 2021એ સૂચિત કર્યુ છે કે COVID-19ના એક નવા વેરિએન્ટ લેમ્બ્ડાની ઓળખ 29 દેશોમાં કરવામાં આવી છે, એટલે કે આ ઘાતક વેરિએન્ટ 29 દેશોમાંથી મળી આવ્યો છે જેમાં મુખ્ય રીતે ઓળખ દક્ષિણ અમેરિકામાં કરવામાં કરવામાં આવી છે, અને અહીં જે તેની ઉત્પતિ હોવાનુ પણ માનવામાં આવી રહ્યુ છે.
વર્લ્ડ હેલ્થ ઓર્ગેનાઇઝેશન (WHO) અનુસાર, પહેલીવાર પેરુમાં સામે આવેલા આ લેમ્બ્ડા વેરિએન્ટને દક્ષિણ અમેરિકામાં 'વ્યાપક ઉપસ્થિતિ'ના કારણે 14 જૂને ‘ગ્લૉબલ વેરિએન્ટ ઓફ ઇન્ટરેસ્ટ’ તરીકે પણ વર્ગીકૃત કરવામાં આવ્યો હતો.
પેરુમાં લેમ્બ્ડા વેરિએન્ટ મોટા પ્રમાણમાં ફેલાયેલો છે, જ્યાં એપ્રિલ, 2021થી અત્યાર સુધી 81% COVID-19 કેસો આ વેરિએન્ટ સાથે જોડાયેલા હતા.
ચિલીમાં, છેલ્લા 60 દિવસોમાં તમામ સબમીટ કરવામાં આવેલા સિક્વેન્સના 32%માં આ લેમ્બ્ડા વેરિએન્ટની ઓળખ થઇ હતી, અને આને ફક્ત ગામા વેરિએન્ટ દ્વારા ઓછો આંકવામાં આવ્યો હતો, જેને પહેલીવાર બ્રાઝીલમાં ઓળખવામાં આવ્યો હતો.
દક્ષિણ અમેરિકાના અન્ય દેશો જેવા કે આર્જેન્ટિના અને ઇક્વાડૉરે પણ પોતાના દેશમાં આ નવા COVID-19 વેરિએન્ટને ફેલાવવાની સૂચના આપી છે.
આ નવો COVID-19 વેરિએન્ટે કેટલો છે પ્રભાવી?
વર્લ્ડ હેલ્થ ઓર્ગેનાઇઝેશન અનુસાર લેમ્બ્ડા વેરિએન્ટમાં ઉત્પરિવર્તન હોય છે, જે સંક્રમણને વધારી શકે છે કે એન્ટીબૉડી માટે વાયરસના પ્રતિરોધને વધુ મજબૂત કરી શકે છે. જોકે, આ જિનેવા આધારિત સંગઠન અનુસાર, આ નવો વેરિએન્ટ કેટલો પ્રભાવી હશે, તેનુ પ્રમાણ હાલ બહુજ સિમીત છે, અને લેમ્બ્ડા વેરિએન્ટને સારી રીતે સમજવા માટે વધુ અભ્યાસ કરવાની જરૂર છે. આ લેમ્બ્ડા વેરિએન્ટને દક્ષિણ અમેરિકામાં 'વ્યાપક ઉપસ્થિતિ'ના કારણે 14 જૂને ‘ગ્લૉબલ વેરિએન્ટ ઓફ ઇન્ટરેસ્ટ’ તરીકે પણ વર્ગીકૃત કરવામાં આવ્યો હતો.
ટોપ સ્ટોરી
ટ્રેન્ડિંગ સમાચાર
