ભારતના GDPને લઈ ખરાબ સમાચાર, ચાલુ નાણાકીય વર્ષમાં વૃદ્ધિની રફતાર ધીમી રહેશે
ભારતીય અર્થવ્યવસ્થા માટે ખરાબ સમાચાર આવ્યા છે. ચાલુ નાણાકીય વર્ષ (2024-2025)માં દેશનો GDP વૃદ્ધિ દર 6.4 ટકા રહેવાનો અંદાજ છે.
નવી દિલ્હી: ભારતીય અર્થવ્યવસ્થા માટે ખરાબ સમાચાર આવ્યા છે. ચાલુ નાણાકીય વર્ષ (2024-2025)માં દેશનો GDP વૃદ્ધિ દર 6.4 ટકા રહેવાનો અંદાજ છે. ગયા નાણાકીય વર્ષમાં દેશની અર્થવ્યવસ્થા 8.2 ટકાના દરે વૃદ્ધિ પામી હતી. મંગળવારે જાહેર કરવામાં આવેલા સરકારી આંકડામાં આ માહિતી આપવામાં આવી છે. NSO એ નાણાકીય વર્ષ 2024-25 માટે રાષ્ટ્રીય આવકના પ્રથમ અંદાજ જાહેર કરતા કહ્યું કે આ નાણાકીય વર્ષમાં વાસ્તવિક જીડીપી 6.4 ટકાના દરે વધવાનો અંદાજ છે. નાણાકીય વર્ષ 2023-24 માટે જીડીપી વૃદ્ધિનો કામચલાઉ અંદાજ 8.2 ટકા રહેવાની વાત કરવામાં આવી છે.
Real GDP has been estimated to grow by 6.4% in FY 2024-25 as compared to the growth rate of 8.2% in Provisional Estimate (PE) of GDP for FY 2023-24, says Government of India pic.twitter.com/aL25QXv2q6
— ANI (@ANI) January 7, 2025
RBI કરતા પણ ઓછો અંદાજ
ચાલુ નાણાકીય વર્ષ માટે NSOનો GDP વૃદ્ધિનો અંદાજ ભારતીય રિઝર્વ બેન્ક (RBI)ના અંદાજ કરતાં ઓછો છે. આરબીઆઈએ નાણાકીય વર્ષ 2024-25માં જીડીપી 6.6 ટકાના દરે વૃદ્ધિનો અંદાજ મૂક્યો છે. આ કોરોના મહામારી પછીનો સૌથી ધીમો વાર્ષિક જીડીપી વૃદ્ધિ દર છે, જ્યારે વર્ષ 2020-21 દરમિયાન તે ઘટીને -5.8% થયો હતો.
RBIના 6.6 ટકાના તાજેતરના અંદાજ કરતા ઓછો
સ્ટેટેસ્ટીક ડીપાર્ટમેન્ટના આ અંદાજ માર્ચ 2025માં પૂરા થતા ચાલુ નાણાકીય વર્ષ માટે રિઝર્વ બેંક ઓફ ઈન્ડિયા (RBI)ના 6.6 ટકાના તાજેતરના અંદાજ કરતા ઓછો છે. નાણાકીય વર્ષ 2024-25ના પ્રથમ અર્ધવાર્ષિક (H1)માં ધીમી કામગીરી હોવા છતાં, મંત્રાલયને અપેક્ષા છે કે ગ્રામીણ માંગ મજબૂત રહેવા સાથે બીજા અર્ધવાર્ષિક (H2)માં કૃષિ અને ઔદ્યોગિક પ્રવૃત્તિઓમાં તેજી આવશે. આના કારણે ભારત 6.4% થી 6.8% નો વિકાસ દર હાંસલ કરે તેવી શક્યતા છે. સરકાર માને છે કે આ ક્ષેત્રોમાં સુધારાથી આર્થિક વિકાસના લક્ષ્યને હાંસલ કરવામાં મદદ મળશે.
એડવાન્સ જીડીપી અંદાજ કેન્દ્રીય બજેટ તૈયાર કરવામાં મહત્વની ભૂમિકા ભજવે છે. આ અંદાજ FY24 ના જુલાઈ-સપ્ટેમ્બર ક્વાર્ટર દરમિયાન વૃદ્ધિમાં તીવ્ર ઘટાડા પછી આવ્યો છે, જે 5.4% પર હતો. બીજા ક્વાર્ટરમાં સ્લોડાઉને આરબીઆઈને નાણાકીય વર્ષ 24 માટે વિકાસના અનુમાનને રિવાઈઝ કરવા માટે મજબૂર કર્યા.બાદમાં આરબીઆઈએ તેના અનુમાનને ઘટાડીને 6.6% કર્યો, જે અગાઉના 7.2%ના અંદાજ કરતા ઓછો છે.
ટોપ સ્ટોરી
ટ્રેન્ડિંગ સમાચાર
