Jioની નવી ઇન્ડિપેન્ડન્સ રિચાર્જ ઑફર: 750 રૂપિયામાં દરરોજ 2GB ડેટા, અમર્યાદિત ફોન કૉલ્સ સાથે મળશે આ લાભો, જાણો વિગતે

આ પ્લાનમાં અન્ય નેટવર્ક પર અમર્યાદિત વૉઇસ કૉલ્સ, દરરોજ 100 SMS, Jio Saavn, Jio સિનેમા સહિતની તમામ Jio ઍપની મફત ઍક્સેસનો સમાવેશ થાય છે.

પ્રતિકાત્મક તસવીર

Jio's new Independence Recharge offer: ભારતના 75મા સ્વતંત્રતા દિવસના અવસર પર, Reliance Jio એ 750 રૂપિયાનો નવો પ્રીપેડ રિચાર્જ પ્લાન લૉન્ચ કર્યો છે. આમાં, તમને દરરોજ 2GB ડેટા, અમર્યાદિત ફોન કૉલ્સ અને અન્ય લાભો પણ મળશે. તમે MyJio એપ પરથી નવો Jio પ્લાન ખરીદી શકો છો.

Jio રૂ. 750 પ્રીપેડ પ્લાનમાં યુઝર્સને કુલ 90 દિવસની વેલિડિટી મળશે. આ પ્લાનમાં અન્ય નેટવર્ક પર અમર્યાદિત વૉઇસ કૉલ્સ, દરરોજ 100 SMS, Jio Saavn, Jio સિનેમા સહિતની તમામ Jio ઍપની મફત ઍક્સેસનો સમાવેશ થાય છે.

Jioના રૂ. 2,999ના પ્લાનના લાભો

750 રૂપિયાનો પ્રીપેડ પ્લાન લાવતા પહેલા કંપનીએ 2,999 રૂપિયાનો પ્લાન રજૂ કર્યો છે. આમાં કોઈપણ નેટવર્ક પર અનલિમિટેડ ફ્રી કોલિંગની સાથે દરરોજ 2.5GB ડેટા મળશે. સાથે જ 75GB ડેટા અલગથી આપવામાં આવશે. આ સિવાય દરરોજ 100 SMS પણ આપવામાં આવી રહ્યા છે.

આ પ્લાનમાં તમને 1 વર્ષ માટે Disney + Hotstar મોબાઈલનું સબસ્ક્રિપ્શન પણ આપવામાં આવી રહ્યું છે. આ પ્લાનની વેલિડિટી 365 દિવસની છે. વપરાશકર્તાઓને Jio એપ્સ અને સેવાઓનો પણ ઍક્સેસ મળશે.

તમને આ વધારાના લાભો મળશે

• આ પ્લાનમાં યુઝર્સને 75GB હાઇ સ્પીડ ડેટા વાઉચર મળશે. આ સિવાય Netmeds, Ixigo અને Ajio તરફથી કૂપન મળશે.
• Netmeds ના કૂપન્સની મદદથી, વપરાશકર્તાઓને 25% નું ડિસ્કાઉન્ટ મળશે. આ ડિસ્કાઉન્ટ રૂ.1000 અને તેનાથી વધુની ખરીદી પર ઉપલબ્ધ છે.
• આ સિવાય સબ્સ્ક્રાઇબર્સને Ixigo પર 750 રૂપિયાનું ફ્લેટ ડિસ્કાઉન્ટ મળશે. આ ડિસ્કાઉન્ટ 4500 રૂપિયા અને તેનાથી વધુના ખર્ચ પર મળશે.
• Ajio રૂ. 2,990 અથવા તેનાથી વધુ ખર્ચવા પર 1000ની છૂટ. આ તમામ કૂપન યુઝર્સને તેમની My Jio એપમાં ઉપલબ્ધ હશે.
• વપરાશકર્તાઓ 31 ડિસેમ્બર સુધી Ixigo કૂપનનો ઉપયોગ કરી શકે છે, જ્યારે Ajio કૂપનનો સમય 31 ઓક્ટોબર સુધી છે.
• તમે માત્ર 31 ઓક્ટોબર સુધી Netmeds કૂપનનો ઉપયોગ કરી શકશો.