![ABP Premium](https://cdn.abplive.com/imagebank/Premium-ad-Icon.png)
Sahara Refund Portal: CRCS સહારા રિફંડ પોર્ટલ પર ક્લેમ કરવાની અંતિમ તારીખ કઇ છે? જાણો ક્યાં સુધીમાં મળશે પૈસા?
સહારા સોસાયટીમાં ફસાયેલા નાણાંની રિકવરી માટે સરકારે 18 જુલાઈના રોજ CRCS સહારા રિફંડ પોર્ટલ શરૂ કર્યું છે
![Sahara Refund Portal: CRCS સહારા રિફંડ પોર્ટલ પર ક્લેમ કરવાની અંતિમ તારીખ કઇ છે? જાણો ક્યાં સુધીમાં મળશે પૈસા? Sahara Refund Portal: What is the deadline to claim refund for Sahara societies depositors? Sahara Refund Portal: CRCS સહારા રિફંડ પોર્ટલ પર ક્લેમ કરવાની અંતિમ તારીખ કઇ છે? જાણો ક્યાં સુધીમાં મળશે પૈસા?](https://feeds.abplive.com/onecms/images/uploaded-images/2023/05/25/8d75bf012e1f948143789a5523f7b90d1685010612394666_original.jpg?impolicy=abp_cdn&imwidth=1200&height=675)
Sahara Refund Portal: સહારા સોસાયટીમાં ફસાયેલા નાણાંની રિકવરી માટે સરકારે 18 જુલાઈના રોજ CRCS સહારા રિફંડ પોર્ટલ શરૂ કર્યું છે. સહારા સોસાયટીમાં વર્ષોથી જેમના નાણા અટવાયેલા છે તેવા તમામ થાપણદારો આ પોર્ટલ દ્વારા દાવો કરી શકે છે. જો તમે પણ તેના ડિપોઝીટર્સ છો તો તમે આ પોર્ટલ પર રજિસ્ટ્રેશન કરીને તમારી રકમ મેળવી શકો છો. નોંધનીય છે કે ચાર સોસાયટીના ડિપોઝીટર્સ આ પોર્ટલ પર ક્લેમ કરી શકે છે.
કોણ ક્લેમ કરી શકે છે?
સહારા ક્રેડિટ કોઓપરેટિવ સોસાયટી લિમિટેડ લખનઉ, હમારા ઈન્ડિયા ક્રેડિટ કોઓપરેટિવ સોસાયટી લિમિટેડ કોલકાતા, સહારાયન યુનિવર્સલ મલ્ટિપર્પઝ સોસાયટી લિમિટેડ ભોપાલ અને સ્ટાર્સ મલ્ટીપર્પઝ કોઓપરેટિવ સોસાયટી લિમિટેડ હૈદરાબાદના ડિપોઝીટર્સ આ પોર્ટલ દ્વારા રિફંડ માટે ક્લેમ કરી શકે છે
કેવી રીતે ક્લેમ કરી શકો છો
રિફંડ મેળવવા માટે થાપણદારોએ પહેલા CRCS સહારાના રિફંડ પોર્ટલ પર જઈને પોતાનું રજીસ્ટ્રેશન કરાવવું પડશે. આગળ તમારે Depositor Login પર ક્લિક કરવાનું રહેશે અને પછી તમારા આધાર કાર્ડ અને આધાર લિંક્ડ મોબાઈલ નંબરના છેલ્લા ચાર અંકો દાખલ કરવા પડશે. આ પછી ગેટ OTP પર ક્લિક કરીને તમારે અહીં OTP દાખલ કરવો પડશે. આગળ તમારે તમારો OTP વેરીફાઇ કરવો પડશે.
રિફંડ ક્લેમ કરવાની ડેડલાઇન શું છે ?
જો આપણે વર્તમાન વિશે વાત કરીએ તો સરકારે CRCS સહારાના રિફંડ પોર્ટલ પર થાપણદારો માટે ક્લેમ કરવા માટે કોઈ ડેડલાઇન નક્કી કરી નથી. તમે ઇચ્છો ત્યાં સુધી આ પોર્ટલ પર તમારા રિફંડનો દાવો કરી શકો છો. જો તમારી દાવાની રકમ 50,000 રૂપિયાથી વધુ છે તો તમારે પાન કાર્ડ સબમિટ કરવું જરૂરી છે. આ સાથે આધાર લિંક મોબાઈલ નંબર અને બેન્ક એકાઉન્ટ હોવું પણ જરૂરી છે. આ વિના તમે પોર્ટલ પર રિફંડ માટે દાવો કરી શકતા નથી.
ક્યાં સુધી મળશે પૈસા ?
નોંધનીય છે કે રિફંડ ક્લેમ કર્યા બાદ તમારી બધી માહિતીની ચકાસણી કરવામાં આવશે. સહારા સોસાયટી આ દાવાની પ્રક્રિયાને 30 દિવસમાં માન્ય કરશે. આ પછી અધિકૃત CRCS 15 દિવસની અંદર તેની પ્રક્રિયા કરશે અને આધાર સાથે જોડાયેલા બેન્ક ખાતામાં પૈસા ટ્રાન્સફર કરશે. આ સમગ્ર પ્રક્રિયામાં કુલ 45 દિવસનો સમય લાગી શકે છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)