રાખડી બાંધવાને લઈ મૂંઝવણ યથાવત, ડાકોર-દ્વારકામાં 31 તો ઇસ્કોન મદિરમાં 30 ઓગસ્ટે ઉજવણી
ડાકોરના રણછોડરાયજી મંદિર, દ્વારકા, શક્તિપીઠ અબાજીમાં રક્ષાબંધનની ઉજવણી 31 ઓગસ્ટે થશે.
Raksha Bandhan 2023: આ વર્ષે રક્ષાબંધનમાં રાખડી 30 ઓગસ્ટે બાંધવી કે 31 ઓગસ્ટના તેને લઈ ભારે મૂંઝવણ છે. મંદિરોમાં પણ અલગ અલગ દિવસે ઉજવણી કરવામાં આવી રહી છે. ડાકોરના રણછોડરાયજી મંદિર, દ્વારકા, શક્તિપીઠ અબાજીમાં રક્ષાબંધનની ઉજવણી 31 ઓગસ્ટે થશે. જ્યારે અમદાવાદના સુપ્રસિદ્ધ જગન્નાથ મંદિરમાં 31 ઓગસ્ટે, જ્યારે ઈસ્કોન, હરેકૃષ્ણ મદિરમાં 30મી તારીખે રક્ષાબંધનના તહેવારની ઉજવણી કરવામાં આવશે. જો કે જ્યોતિષીઓનં માનવું છે કે શ્રાવણ સુદ પૂનમ આ વખતે 30 ઓગસ્ટે સવારે 10 વાગ્યેને 59 મિનિટથી શરૂ થાય છે અને તે 31 ઓગસ્ટે સવારે 7 વાગ્યેને 6 મિનિટ સુધી છે. 30 ઓગસ્ટે રાત્રે 9 વાગ્યાના 5 મિનિટેથી 10 વાગ્યાને 55 મિનિટનો રાખડી બાંધવા માટે મૂહૂર્ત છે.
રક્ષાબંધન ક્યારે છે? રક્ષાબંધન ક્યાં છે?
રક્ષાબંધન 30 કે 31 તારીખે છે, તેને લઈને લોકોમાં મતભેદ છે. પરંતુ જ્યોતિષ અને પંચાંગ અનુસાર શ્રાવણી અથવા સાવન પૂર્ણિમા તિથિ 30 ઓગસ્ટના રોજ સવારે 10:58 કલાકે શરૂ થઈ રહી છે અને 31મી ઓગસ્ટના રોજ સવારે 07:05 કલાકે સમાપ્ત થશે. બીજી તરફ 30 ઓગસ્ટે પૂર્ણિમા તિથિ સાથે ભદ્રકાળ પણ સવારે 10:58થી શરૂ થઈ રહ્યો છે, જે રાત્રે 09:02 સુધી ચાલશે. શાસ્ત્રોમાં ભદ્રકાળમાં રાખડી બાંધવી અશુભ માનવામાં આવે છે. બપોરનો સમય રાખડી બાંધવા માટે યોગ્ય છે. પરંતુ વર્ષ 30 અને 31 ઓગસ્ટના કોઈપણ દિવસે બપોરે રાખડી બાંધવાનો કોઈ શુભ સમય નથી.
તેથી, 30 ઓગસ્ટના રોજ ભદ્રકાળની સમાપ્તિ પછી, તમે રાત્રે 09:03 થી 31 ઓગસ્ટની સવારે 7:05 સુધી રાખડી બાંધી શકો છો. આ સમય રાખડી બાંધવા માટે યોગ્ય છે.
રાખડી બાંધવાનો શુભ સમય (રક્ષાબંધન શુભ મુહૂર્ત)
અમૃત સર્વોત્તમ મુહૂર્ત: 30 ઓગસ્ટ રાત્રે 9.34 થી 10.58 સુધી.
યોગ્ય સમય: 30 ઓગસ્ટ રાત્રે 09:03 વાગ્યાથી 31 ઓગસ્ટ સવારે 07:05 વાગ્યા સુધી.
ભદ્રકાળમાં શા માટે રાખડી ન બાંધીએ?
પૌરાણિક માન્યતા અનુસાર, એવું કહેવાય છે કે લંકાપતિ રાવણની બહેન શૂર્પણખાએ ભદ્રકાળમાં જ પોતાના ભાઈને રાખડી બાંધી હતી, જેના કારણે રાવણનો નાશ થયો હતો. આ માન્યતાના આધારે ભદ્રકાળમાં રાખડી ન બાંધવી જોઈએ. ભદ્રકાળમાં રાખડી બાંધવાથી ભાઈની ઉંમર ઓછી થાય છે અને ભાઈ પર આફત આવે છે.
રક્ષા બંધન નામનો અર્થ
રક્ષાબંધનનું નામ સંસ્કૃત પરિભાષા પરથી પડ્યું છે. આમાં 'રક્ષા' એટલે રક્ષણ કરવું અને 'બંધન' એટલે બાંધવું. તેથી જ આ દિવસે બહેનો તેમના ભાઈના કાંડા પર રક્ષાસૂત્ર બાંધે છે, જેને રાખડી પણ કહેવાય છે. તેમજ રક્ષાસૂત્ર બાંધીને બહેનો ભાઈના લાંબા આયુષ્ય, સારા સ્વાસ્થ્ય, પ્રગતિ અને ઉજ્જવળ ભવિષ્યની કામના કરે છે. તે જ સમયે, ભાઈઓ તેમની બહેનોને તેમની ક્ષમતા અનુસાર ભેટ આપે છે અને જીવનભર તેમની રક્ષા કરવાનું વચન પણ આપે છે.
ડિસ્ક્લેમર: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે ABPLive.com કોઈપણ પ્રકારની ઓળખ, માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો.
ટોપ સ્ટોરી
ટ્રેન્ડિંગ સમાચાર
