Mehsana: ST બસમાં મુસાફરને આવ્યો હાર્ટ એટેક, ડેન્ટિસ્ટે સીઆરપી આપીને બચાવ્યો જીવ

ત્વરિત સી પી આર મળતા યુવાનનો જીવ બચ્યો હતો. જે બાદ એસ ટી ના ચાલક અને કંડકટર યુવાનને સારવાર માટે લઈ ગયા હતા.

યુવકને સીપીઆપ આપતી ડેન્ટિસ્ટ

Mehsana News: રાજ્યમાં હાર્ટ એટેકનો (heart attack cases in Gujarat) સિલસિલો યથાવત છે. સુરત - પાટણ એસ ટી (Surat – Patan ST Bus) બસમાં મુસાફરી કરતા યુવાનને એટેક (heart attack) આવ્યો હતો. રસ્તા વચ્ચે ચાલુ મુસાફરી દરમિયાન મહેસાણા નજીક એટેક આવ્યો હતો. જયા ઠક્કર નામની બસમાં મુસાફરી કરી રહેલી ડેન્ટિસ્ટ યુવતીએ (lady dentist) યુવાનને સી પી આર (CPR) આપી જીવ બચાવ્યો હતો. રોડ ઉપર બસ થોભાવી યુવતીએ સી પી આર આપી હતી. ત્વરિત સી પી આર મળતા યુવાનનો જીવ બચ્યો હતો. જે બાદ એસ ટી ના ચાલક અને કંડકટર યુવાનને સારવાર માટે લઈ ગયા હતા.

હાર્ટ એટેક એક ખતરનાક રોગ છે જે અચાનક આવે છે અને ક્યારેક જીવલેણ પણ હોય છે.  દેશમાં નાના બાળકોથી લઈને મોટી ઉંમરના લોકોમાં હાર્ટ એટેકનું પ્રમાણ ખૂબ જ વધુ ગયું છે. ખરાબ કોલેસ્ટ્રોલ અને હાઈ બ્લડ પ્રેશરથી પીડિત દર્દીઓએ વધુ સાવધ રહેવાની જરૂર છે. 

બ્લડ પ્રેશરને નિયંત્રિત કરો

જો તમે સ્ટ્રોક અને હાર્ટ એટેકના જોખમોને ઘટાડવા માંગતા હો, તો બીપીને નિયંત્રણમાં રાખવું સૌથી મહત્વપૂર્ણ છે. ખોરાકમાં મીઠું ઓછું કરો અને ફળો, લીલા શાકભાજી અને સલાડનું પ્રમાણ વધારવું. નિયમિત કસરત કરવાનું ભૂલશો નહીં.

ધૂમ્રપાનથી દૂર રહો

ધૂમ્રપાન, આલ્કોહોલ, તમાકુનું સેવન સ્ટ્રોકનું જોખમ અનેકગણું વધારી શકે છે. આવી સ્થિતિમાં આલ્કોહોલ, સિગારેટ કે કોઈપણ નશીલા પદાર્થનું સેવન ટાળો. એટલું જ નહીં,ઇન્સ્ટન્ટ  એનર્જી ડ્રિંક્સ અથવા સોડાથી પણ બચો.

કસરતને રૂટીનમાં સામેલ કરો

દિવસમાં માત્ર 30 મિનિટ જ વર્કઆઉટ કરો. કોઈપણ પ્રકારની હાર્ડકોર કસરત ટાળો. મોર્નિંગ વોક અથવા સીડી ચડવા જેવી કસરતો સારી સાબિત થઈ શકે છે. સાયકલિંગ, જોગિંગ જેવી એરોબિક કસરતો પણ ફાયદાકારક સાબિત થઈ શકે છે.

કોલેસ્ટ્રોલ નિયંત્રમાં રાખવું જોઈએ

લોહીમાં એલડીએલ કોલેસ્ટ્રોલનું સ્તર ઊંચું ન થવા દો. નહિંતર, તેઓ નસોમાં એકઠા થઈ શકે છે અને રક્ત પરિભ્રમણને વિક્ષેપિત કરી શકે છે. તેથી, કોલેસ્ટ્રોલને નિયંત્રિત કરવા માટે, તમે સવારે ખાલી પેટ કાચા લસણ અને મેથી ખાવાનું શરૂ કરી શકો છો.

નિયમિત બ્લડ ટેસ્ટ કરાવો

તમારું શરીર હવે કયા સ્તરે કામ કરી રહ્યું છે? તેમાં કોઈ સમસ્યા નથી. તે જાણવા માટે  ડોક્ટરની સલાહ પર શુગર, બ્લડપ્રેશર અને કોલેસ્ટ્રોલની તપાસ કરાવો. જો કોઈપણ પ્રકારની સમસ્યા દેખાય તો ડોક્ટરની સલાહ લો.