Vadodara: વડોદરામાં ખાદ્યતેલના વેપારીઓ પર તવાઇ, લેબૉરેટરી રિપોર્ટમાં તેલના નમૂના ફેઇલ નીકળતા 593 લીટર તેલનો જથ્થો સીઝ

માહિતી પ્રમાણે, લેબૉરેટરી રિપોર્ટમાં આ તમામ નમૂના ફેઇલ નીકળતાની સાથે જ નાની શાકમાર્કેટમાંથી સિદ્ધિવિનાયક સિંગતેલ ડેપો દુકાનથી રિફાઇન્ડ કપાસીયા તેલ સીઝ કરવામાં આવ્યુ છે.

તસવીર

Vadodara: વડોદરા શહેરમાં આરોગ્ય ટીમ દ્વારા મોટી કાર્યવાહી કરવામાં આવી છે, શહેરના નાની શાકમાર્કેટ અને કડક બજારની દુકાનોમાંથી લેવામાં આવેલા ખાદ્ય તેલના પાંચ નમૂના આરોગ્ય માટે હાનિકારક સાબિત થયા છે, કેમ કે હાલમાં જ ફૂડ એનાલિસ્ટ પબ્લિક હેલ્થ લેબૉરેટરીના પૃથક્કરણ રિપોર્ટમાં આ તમામ નમૂના ફેલ નીકળ્યા છે. આ સાથે જ મોટી કાર્યવાહી કરીને અંદાજિત 76 હજારની કિંમત 593 લીટર તેલનો જથ્થો  સીઝ કરી દેવામાં આવ્યો છે. 

માહિતી પ્રમાણે, લેબૉરેટરી રિપોર્ટમાં આ તમામ નમૂના ફેઇલ નીકળતાની સાથે જ નાની શાકમાર્કેટમાંથી સિદ્ધિવિનાયક સિંગતેલ ડેપો દુકાનથી રિફાઇન્ડ કપાસીયા તેલ સીઝ કરવામાં આવ્યુ છે. ખોરાક શાખાની ટીમે લીધેલા આ નમુનાઓ ફેઇલ થયા છે.  

ફૂડ લેબૉરેટરીનો રિપોર્ટ આવ્યા બાદ 76,674ની કિંમતનો 593 લીટર તેલનો જથ્થો સીઝ કરી લેવામા આવ્યો છે. નાની શાકમાર્કેટના સિદ્ધિવિનાયક સીંગતેલ ડેપો, અમરનાથ ટ્રેડિંગ કંપની અને કડક બજારમાં આવેલા શાહ કલ્યાણ પ્રસાદ ગ્યાસીરામ નામની દુકાનના વેપારીઓ સામે હવે કાર્યવાહી થશે.

 

Vadodara: વડોદરાની 13 મહિલાઓનો કમાલ, 5380 મીટરે એવરેસ્ટ બેઝ કેમ્પ પર પહોંચી......

Vadodara: વડોદરાની મહિલાઓએ ફરી એકવાર કમાલ કરી દીધો છે. શહેરની 13 મહિલાઓ 5380 મીટરે એવરેસ્ટ બેઝ કેમ્પ પર પહોંચી ગઇ છે. ખાસ વાત છે કે, આ ઘટના ગુજરાતમાં પહેલીવાર બની છે, ગુજરાતમાંથી પહેલીવાર આટલી મોટી સંખ્યામાં મહિલા ટ્રેકર એવરેસ્ટ પર પહોંચી છે. 

આ ટ્રેકિંગમાં કુલ 13 ટ્રેકર મહિલાઓ હતી, જેમાં 4 ટીનેજર્સ અને 9 મહિલાઓ 40થી વધુની ઉંમરની હતી, આ તમામે 16મી મેને મંગળવારે આ કારનામુ કર્યુ હતુ, આ 13 ટ્રેકર મહિલાઓ 9 દિવસમાં 75 કલાક ટ્રેકિંગ કરીને સફળતા પૂર્વક એવરેસ્ટ પહોંચી. આ ગ્રુપના પીડિયાટ્રીસન ડૉ. ઉર્જીતા ભાલાણીએ ઇ.બી.સી ટ્રેકિંગનો જાન્યુઆરીમાં પ્લાન બનાવ્યો હતો. ખાસ વાત છે કે, આ ટ્રેકિંગ તમામ મહિલાઓના જીવનનું પહેલું ટ્રેકિંગ હતું.

Vadodara: વડોદરામાં સગીરા પર દુષ્કર્મના કેસમાં દોષિતને 10 વર્ષની સજા, લગ્નની લાલચ આપી આચર્યું હતું દુષ્કર્મ

વડોદરાઃ વડોદરામાં સગીરાનું અપહરણ કરીને દુષ્કર્મ કરવાના ગુનામાં કોર્ટે દોષિતને 10 વર્ષની સજા ફટકારી હતી. મળતી જાણકારી અનુસાર, વડોદરામાં સગીરાનું અપહરણ કરી દુષ્કર્મ કરનાર દોષિતને કોર્ટે 10 વર્ષની સજા આપી હતી. સાથે કોર્ટે સગીરાને વળતર આપવાનો પણ આદેશ કર્યો હતો. કોર્ટે દોષિતને 10 વર્ષની સજાનો હુકમ કર્યો છે અને 5 હજારનો દંડ ફટકાર્યો હતો. દંડ ના ભરે તો વધુ છ માસની સજાનો હુકમ કર્યો હતો. પોલીસ તપાસમાં ખુલાસો થયો હતો કે દોષિતે સગીરા પર લગ્નની લાલચ આપી વારંવાર દુષ્કર્મ આચર્યું હતું. છોટાઉદેપુર જિલ્લાના સંખેડા તાલુકા મોતીપુરા ગામના અંકિત પટેલે લગ્નની લાલચ આપી વડોદરાના માંજલપુર વિસ્તારમાં રહેતી સગીરાનું અપહરણ કર્યું હતું અને તેના પર વારંવાર દુષ્કર્મ આચર્યું હતું. ઉલ્લેખનીય છે કે  વર્ષ 2016માં અંકિત સગીરાને દમણ લઈ ગયો હતો અને લગ્નની લાલચ આપીને ગેસ્ટ હાઉસમાં વારંવાર દુષ્કર્મ આચર્યું હતું