રાજા બન્યો રંકઃ અફઘાનિસ્તાનના પૂર્વ IT મંત્રી જર્મનીમાં પિઝા ડિલીવરી કરી રહ્યા છે

ડિસેમ્બર 2020માં સૈયદ અહમદ શાહ અફઘાનિસ્તાન છોડીને જર્મની આવ્યા.

સૈયદ અહમદ શાહ

નવી દિલ્હી: અફઘાનિસ્તાનમાં તાલિબાનના લોહિયાળ એજન્ડાથી ડરતા સામાન્ય લોકો સાથે સત્તાના સુકાન પર બેઠેલા લોકો પણ દેશ છોડીને ભાગી રહ્યા છે. અફઘાનિસ્તાનના ભૂતપૂર્વ સંચાર મંત્રીની તસવીર સામે આવી છે, જેના પર વિશ્વાસ કરવો મુશ્કેલ છે. ભૂતપૂર્વ મંત્રી સૈયદ અહમદ શાહે જર્મનીના લીપઝિગ શહેરમાં આશ્રય લીધો છે, જ્યાં તેઓ છેલ્લા બે મહિનાથી પિઝા ડિલિવરી બોય તરીકે કામ કરી રહ્યા છે.

જ્યારે અફઘાનિસ્તાનમાં લોકશાહી શાસન કરતી હતી ત્યારે સૈયદ અહમદ શાહ સદ્દત રાજા હતા, તાલિબાન આવ્યા અને સદ્દત જર્મની ભાગી ગયા પરંતુ એક રંક બનીને. તસવીર જોઈને માનવું મુશ્કેલ છે કે સૈયદ અહેમદ શાહ સદ્દત જે એક સમયે સૂટ બૂટમાં રહેતા હતા. સુરક્ષા કર્મચારીઓથી ઘેરાયેલા સદ્દત આજે પિઝા પહોંચાડવાનું કામ કરી રહ્યા છે.

ડિસેમ્બર 2020માં સૈયદ અહમદ શાહ અફઘાનિસ્તાન છોડીને જર્મની આવ્યા. સદ્દત પણ ઉચ્ચ શિક્ષિત છે, તેણે ઓક્સફર્ડ યુનિવર્સિટીમાંથી કમ્યુનિકેશનમાં એમએસસી કર્યું છે. તેઓ ઇલેક્ટ્રિકલ એન્જિનિયર પણ છે. સૈયદ અહમદ શાહે વિશ્વના 13 મોટા શહેરોમાં 23 વર્ષથી વિવિધ પ્રકારના કામ કર્યા છે. પણ કદાચ દેશ છોડ્યો તો નસીબે પણ તેને છોડી દીધો. આટલું ભણ્યા પછી પણ તેને ઘરે -ઘરે પીઝા પહોંચાડવાની ફરજ પડે છે.

સૈયદ અહેમદ શાહ સદ્દાતે એક ન્યૂઝ એજન્સી સાથે વાત કરતા જણાવ્યું હતું કે શરૂઆતના દિવસોમાં મને આ શહેરમાં રહેવા માટે કોઈ કામ મળતું નહોતું કારણ કે હું જર્મન ભાષા જાણતો નથી. અત્યારે હું જર્મન શીખવા માટે પિઝા ડિલિવર તરીકે કામ કરું છું. આ નોકરી દ્વારા હું શહેરના વિવિધ ભાગોની મુલાકાત લઈ રહ્યો છું અને લોકોને મળી રહ્યો છું જેથી આગામી દિવસોમાં હું મારી જાતને સુધારી શકું અને બીજી નોકરી મેળવી શકું.

અફઘાનિસ્તાન પર તાલિબાનના લોહિયાળ કબજા પછી ભૂતપૂર્વ રાષ્ટ્રપતિ સહિત ઘણા મોટા નેતાઓએ અફઘાનિસ્તાન છોડી દીધું છે અને જુદા જુદા દેશોમાં આશરો લીધો છે. પરંતુ પ્રથમ વખત કોઈ મોટા મંત્રી આ રીતે પિઝા વેચતા હોવાની તસવીરો સામે આવી છે.