Russia-Ukraine War: બે પત્રકારની હત્યા માટે રશિયાએ યુક્રેનને ઠેરવ્યું જવાબદાર, 7 લોકોની ધરપકડ

Russia-Ukraine: ગયા વર્ષે રશિયામાં બોમ્બ હુમલામાં રશિયન પત્રકાર ડારિયા ડુગીના અને લશ્કરી બ્લોગર વ્લાડલેન તાટાસ્કી માર્યા ગયા હતા. રશિયાએ તેમની હત્યા માટે યુક્રેનને જવાબદાર ઠેરવ્યું છે.

પ્રતિકાત્મક તસવીર

Russia-Ukraine War: રશિયાની ફેડરલ સિક્યુરિટી સર્વિસ (FSB) એ બે અગ્રણી રશિયન પત્રકારોની હત્યાના આરોપમાં 7 લોકોની ધરપકડ કરી. રશિયાની સત્તાવાર સમાચાર એજન્સી TASSના રિપોર્ટ અનુસાર આરોપીઓએ યુક્રેનના કહેવા પર બે રશિયન પત્રકારોની હત્યા કરવાની યોજના બનાવી હતી.

⚡️🇷🇺🇺🇦7 neo-Nazis arrested over assassination attempts on prominent Russian journalists including RT Chief Simonyan.

Video shows terrorists detained by Russia’s Federal Security Service (FSB). pic.twitter.com/l6WJ3UWcdJ

— Natalie Norea Burea (@NatalieBurea) July 15, 2023

બે પત્રકારની હત્યા માટે રશિયાએ યુક્રેનને ઠેરવ્યું જવાબદાર

15 જુલાઈના રોજ કોર્ટે ગુંડાગીરીના ગુનાહિત આરોપમાં પાંચ સગીર અને બે પુરૂષોની 14 સપ્ટેમ્બર સુધી અટકાયત કરવાની મંજૂરી આપી હતી, TASSએ અહેવાલ આપ્યો હતો. આ તમામ લોકો એક સંગઠિત જૂથનો ભાગ હતા.

હુમલાની તૈયારી કરી હોવાનું કબૂલ્યું હતું,

ફેડરલ સિક્યુરિટી સર્વિસ (FSB) એ રાજ્યના મીડિયા આઉટલેટ RTના વડા માર્ગારીતા સિમોનિયન અને 2018 માં રાષ્ટ્રપતિ વ્લાદિમીર પુતિન સામે લડનારા કેસેનિયા સોબચકના ઘરો અને ઓફિસોની આસપાસ તપાસ કરનારા લોકોની ધરપકડ કરી છે.

પત્રકારો યુદ્ધમાં કોઈ મહત્વની ભૂમિકા ભજવતા નથી

પત્રકાર સાથે જોડાયેલી આ ઘટના પર રાષ્ટ્રપતિ વોલોદિમિર ઝેલેન્સકીના સલાહકાર મિખાઈલો પોડોલ્યાકે કહ્યું કે રશિયા એક વાહિયાત વાર્તામાં જીવી રહ્યું છે. પોડોલ્યાકે વધુમાં કહ્યું કે પત્રકારો યુદ્ધમાં કોઈ મહત્વની ભૂમિકા ભજવતા નથી.

 હત્યાના આરોપમાં પોલીસે 7 લોકોની કરી ધરપકડ

જોકે ઇન્ટરફેક્સ ન્યૂઝ એજન્સીએ FSBને ટાંકીને જણાવ્યું હતું કે ધરપકડ કરાયેલા લોકોએ યુક્રેન વતી બે મહિલાઓ પર હુમલાની તૈયારી કરી હોવાનું કબૂલ્યું હતું અને માર્યા ગયેલા દરેક મહિલા પત્રકાર માટે 1.5 મિલિયન રુબેલ્સ ($16,620)નું ઇનામ આપવાનું વચન આપ્યું હતું.

યુક્રેન હત્યા માટે જવાબદાર 

ગયા વર્ષે રશિયાની અંદર બોમ્બ હુમલામાં અગ્રણી યુદ્ધ તરફી રશિયન પત્રકાર ડારિયા ડુગીના અને લશ્કરી બ્લોગર વ્લાડલેન ટાટારસ્કી માર્યા ગયા હતા. રશિયાએ તેમની હત્યાઓ માટે યુક્રેનને જવાબદાર ઠેરવ્યું હતું, જ્યારે કિવે તેનો ઇનકાર કર્યો હતો.

યુક્રેન વતી કામ કરવાનું સ્વીકાર્યું

મે મહિનામાં અગ્રણી રશિયન રાષ્ટ્રવાદી લેખક ઝખાર પ્રિલેપિન કાર બોમ્બ વિસ્ફોટમાં ઘાયલ થયા હતા જેમાં તેમના ડ્રાઇવરનું મૃત્યુ થયું હતું. તપાસકર્તાઓએ જણાવ્યું કે એક શંકાસ્પદને કસ્ટડીમાં લેવામાં આવ્યો છે અને તેણે યુક્રેન વતી કામ કરવાનું સ્વીકાર્યું છે.