Russia Ukraine War: કીવ બાદ રશિયાની બીજી સૌથી મોટી હાર! હવે અહીંયાથી રશિયન સૈનિકોને હાંકી કઢાયા
Russia Ukraine War: યુક્રેનિયન સૈનિકોએ રશિયાને જોરદાર ફટકો માર્યો છે. યૂક્રેનના સૈનિકો રશિયાના મજબૂત કબજાવાળા ખારકીવ પ્રાંતના ઇજિયમ શહેરમાં ઘૂસી ગયા છે.
Russia Ukraine War: રશિયા અને યુક્રેન વચ્ચે છેલ્લા છ મહિનાથી યુદ્ધ ચાલી રહ્યું છે. આ છ મહિનામાં એવા ઘણા પ્રસંગો બન્યા જ્યારે એવું લાગતું હતું કે યુક્રેનના સૈનિકો શક્તિશાળી રશિયાને વશ થઈ જશે, પરંતુ પ્રમુખ વોલોદિમીર ઝેલેન્સ્કીની હિંમત અને સૈનિકોની હિંમતે યુક્રેનને યુદ્ધમાં જકડી રાખ્યું હતું.
હવે અહેવાલ છે કે યુક્રેનિયન સૈનિકોએ રશિયાને જોરદાર ફટકો માર્યો છે. યૂક્રેનના સૈનિકો રશિયાના મજબૂત કબજાવાળા ખારકીવ પ્રાંતના ઇજિયમ શહેરમાં ઘૂસી ગયા છે. દરમિયાન રશિયાના સંરક્ષણ મંત્રાલયે ખારકીવમાંથી કામચલાઉ ધોરણે પોતાના સૈનિકોને પાછા ખેંચી લીધા છે. રશિયાની ભલે આ બાબતમાં પોતાની અલગ અલગ દલીલો હોય પરંતુ તેનો આ નિર્ણય યુદ્ધમાં ટર્નિંગ પોઇન્ટ સાબિત થઇ શકે છે. માર્ચમાં કિવને ગુમાવ્યા બાદ રશિયા માટે આ બીજો સૌથી મોટો ફટકો માનવામાં આવે છે.
રશિયા યુદ્ધનું બદલી શકે છે વલણ
રશિયન સૈનિકોએ યુક્રેન પર આક્રમણ કર્યાના એક અઠવાડિયાની અંદર ખારકીવના ઇજિયામ શહેર પર કબજો કરી લીધો હતો. ઇજિયમ એ વ્યૂહાત્મક રીતે મહત્વપૂર્ણ લોજિસ્ટિક્સ માર્ગ છે. રશિયન સૈનિકો અહીંથી ખસી ગયા પછી તરત જ યુક્રેને પણ અહીંના કુપિયાન્સ્ક રેલવે જંક્શન પર કબજો કરી લીધો હતો. આનાથી રશિયા માટે ડોનાબાસાસને લોજિસ્ટિક્સ પહોંચાડવાનો માર્ગ સંપૂર્ણપણે બંધ થઈ ગયો. આ ઉપરાંત રશિયન સૈનિકો પણ મોટી સંખ્યામાં દારૂગોળાનો ભંડાર અને સાધનો અહીં મૂકીને પરત ફર્યા હતા. રશિયા માટે પણ આ એક મોટું નુકસાન માનવામાં આવે છે.
2000 ચોરસ કિલોમીટર વિસ્તાર પર કબજો
યુક્રેનિયન સૈનિકોએ આ મહિનાની શરૂઆતથી જ રશિયન સૈનિકો પર હુમલા વધુ તીવ્ર બનાવ્યા છે અને તેઓ ઝડપથી આગળ વધી રહ્યા છે. જવાબી કાર્યવાહી શરૂ થયા પછી લગભગ 2,000 ચોરસ વિસ્તારને મુક્ત કરવામાં આવ્યો છે. યુક્રેનના રાષ્ટ્રપતિ વોલોદિમીર ઝેલેન્સ્કીએ એક રાતના સંબોધનમાં જણાવ્યું હતું કે, "અમારી સેનાએ ખારકિવમાં 30 થી વધુ મોરચાઓ પર ફરીથી કબજો જમાવ્યો છે." હવે આગળ વધવાની પ્રક્રિયા ચાલુ રહેશે. વોશિંગ્ટન સ્થિત થિંક ટેંક ધ ઈન્સ્ટીટ્યૂટ ફોર ધ સ્ટડી ઓફ વોરના અભ્યાસ અનુસાર આ સપ્તાહથી શરૂ થયેલા અભિયાન હેઠળ રશિયાને અત્યાર સુધી 2500 વર્ગ કિલોમીટરના ક્ષેત્રમાંથી બહાર કાઢવામાં આવ્યું છે.
ખારકીવમાંથી સેનાને હાલ પૂરતી પાછી ખેંચી લેવામાં આવીઃ રશિયા
રશિયાના સંરક્ષણ મંત્રાલયે શનિવારે જણાવ્યું હતું કે રશિયન સેનાને હાલ પૂરતું અસ્થાયી રૂપે ખારકીવ ક્ષેત્ર છોડવાનું કહેવામાં આવ્યું છે. છેલ્લા કેટલાક સપ્તાહમાં યુક્રેનની સેનાએ ખૂબ જ આક્રમક રીતે હુમલા કર્યા છે, જેના કારણે રશિયન સેનાએ પીછેહઠ કરવાનો નિર્ણય લેવો પડ્યો છે.
ટ્રેન્ડિંગ સમાચાર
ટોપ સ્ટોરી
