રાજસ્થાન-ગુજરાતમાં આકરી ગરમી, પૂર્વોત્તરમાં વરસાદ, યુપી-હરિયાણામાં બદલાશે હવામાન, આવું રહેશે આ સપ્તાહનું હવામાન

India Weather Update: ભારતના હવામાન વિભાગે જણાવ્યું હતું કે ઉત્તરી દ્વીપકલ્પ, મધ્ય ભારત અને રાજસ્થાન સહિત ઘણા ભાગોમાં ગરમી વધી રહી છે અને વધુ વધશે.

તેને ધ્યાનમાં રાખીને હીટ વેવને લઈને ચેતવણી જારી કરવામાં આવી છે.

હવામાન વિભાગે જણાવ્યું હતું કે 27 થી 31 માર્ચ દરમિયાન પશ્ચિમ હિમાલય ક્ષેત્ર અને ઉત્તર પશ્ચિમ ભારતના આસપાસના મેદાનોમાં હળવાથી મધ્યમ વરસાદની સંભાવના છે.

IMDએ કહ્યું કે 30 માર્ચથી 1 એપ્રિલ સુધી પૂર્વોત્તર ભારતમાં ભારે વરસાદ પડશે. ઉત્તર-પૂર્વ ભારતમાં અરુણાચલ પ્રદેશ, આસામ, મણિપુર, મેઘાલય અને સિક્કિમ સહિત ઘણા રાજ્યોનો સમાવેશ થાય છે.

હવામાન વિભાગે ગુરુવારે (28 માર્ચ, 2024) જમ્મુ અને કાશ્મીર, હરિયાણા, પશ્ચિમ યુપી અને હિમાચલ પ્રદેશમાં ગાજવીજની ચેતવણી આપી છે. વેસ્ટર્ન ડિસ્ટર્બન્સના કારણે આવું થશે.

હવામાન વિભાગે કહ્યું કે વેસ્ટર્ન ડિસ્ટર્બન્સના કારણે હરિયાણા અને રાજસ્થાનના કેટલાક ભાગોમાં વરસાદ પડી શકે છે. આ ઉપરાંત પશ્ચિમ બંગાળમાં પણ વરસાદની સંભાવના છે.

હવામાન વિભાગે જણાવ્યું હતું કે 27-29 માર્ચ, 2024 દરમિયાન ઉત્તરીય કર્ણાટક અને ગુજરાતના કચ્છમાં વિવિધ સ્થળોએ હીટવેવ આવવાની શક્યતા છે.