Asia Cup 2023, IND vs PAK : સપ્ટેમ્બરમાં ફરી થશે એશિયાના બે કટ્ટર હરિફ ભારત-પાકિસ્તાનનો મુકાબલો, જાણો એશિયા કપમાં કયા ગ્રુપમાં છે કઈ ટીમો

IND vs PAK, Asia Cup 2023: એશિયન ક્રિકેટ કાઉન્સિલ (ACC)ના પ્રમુખ જય શાહે ગયા વર્ષે કહ્યું હતું કે ટુર્નામેન્ટ તટસ્થ સ્થળે રમાશે.

એશિયા કપ 2023માં ફરી થશે ભારત-પાકિસ્તાનનની ટક્કર

Source : PTI

IND vs PAK: એશિયા કપ 2023 માટે ગ્રુપ સ્ટેજની યાદી જાહેર કરવામાં આવી છે. ભારત અને પાકિસ્તાનની ટીમો એક જ ગ્રુપમાં છે. આવી સ્થિતિમાં સપ્ટેમ્બરમાં ફરી એકવાર બંને ટીમો આમને-સામને થશે. છેલ્લી વખત બંને ઓસ્ટ્રેલિયાના મેલબોર્ન ક્રિકેટ ગ્રાઉન્ડમાં T20 વર્લ્ડ કપમાં મળ્યા હતા. ત્યારપછી ટીમ ઈન્ડિયાએ મેચ જીતી લીધી જે છેલ્લા બોલ સુધી પહોંચી હતી. એશિયા કપની વાત કરીએ તો ગયા વર્ષે બંને ટીમો વચ્ચે બે મેચ રમાઈ હતી. ભારતે પ્રથમ મેચ જીતી હતી અને બીજી મેચ પાકિસ્તાને જીતી હતી. ટીમ ઈન્ડિયા સુપર-4 રાઉન્ડમાં બહાર થઈ ગઈ હતી. આ સાથે જ શ્રીલંકાએ ફાઇનલમાં પાકિસ્તાનને હરાવીને ટાઇટલ કબજે કર્યું હતું.

એશિયા કપ આ વખતે પાકિસ્તાનમાં રમાવાનો છે. જોકે, એશિયન ક્રિકેટ કાઉન્સિલ (ACC)ના પ્રમુખ જય શાહે ગયા વર્ષે કહ્યું હતું કે ટુર્નામેન્ટ તટસ્થ સ્થળે રમાશે. ટીમ ઈન્ડિયા પાકિસ્તાનનો પ્રવાસ નહીં કરે. તેમના નિવેદનનો પાકિસ્તાને વિરોધ કર્યો હતો. ત્યારથી અત્યાર સુધી એ નક્કી નથી થયું કે ટૂર્નામેન્ટ ક્યાં રમાશે. અત્યારે પાકિસ્તાન સત્તાવાર યજમાન છે.

આ વખતે ટૂર્નામેન્ટ ODI ફોર્મેટમાં યોજાશે

એશિયા કપ છેલ્લે T20 ફોર્મેટમાં યોજાયો હતો. 2016માં પણ આવું જ બન્યું હતું. આ બંને વર્ષો T20 વર્લ્ડ કપને કારણે થયું. આ વખતે ઓક્ટોબર-નવેમ્બરમાં યોજાનાર ODI વર્લ્ડ કપને ધ્યાનમાં રાખીને ફોર્મેટમાં ફેરફાર કરવામાં આવ્યો છે. હવે તે તેના મૂળ ફોર્મેટ (ODI)માં રમાશે. સ્પર્ધાની 16મી આવૃત્તિમાં સુપર 4 સ્ટેજ અને ફાઈનલ સહિત કુલ 13 મેચો રમાશે.

એશિયા કપના બે ગ્રુપ

ગ્રુપ-એ	ગ્રુપ-બી
ભારત	શ્રીલંકા
પાકિસ્તાન	બાંગ્લાદેશ
ક્વોલિફાયર	અફઘાનિસ્તાન

પ્રીમિયર કપની વિજેતા ટીમને એશિયા કપમાં સ્થાન મળશે.

એશિયન ક્રિકેટ કાઉન્સિલ (ACC) ના પ્રમુખ જય શાહે 2023-24 માટે ક્રિકેટ કેલેન્ડર બહાર પાડ્યું. જેમાં સહયોગી દેશો માટે સ્પર્ધામાં સ્થાન બનાવવાનો માર્ગ પણ જણાવવામાં આવ્યો છે. ભારત, પાકિસ્તાન, બાંગ્લાદેશ, અફઘાનિસ્તાન અને શ્રીલંકા પહેલાથી જ પોતપોતાનું સ્થાન સુરક્ષિત કરી ચૂક્યા છે. મેન્સ પ્રીમિયર કપના વિજેતાને ટુર્નામેન્ટમાં સ્થાન મળશે.

પ્રીમિયર કપમાં 10 ટીમો રમશે

પ્રીમિયર કપમાં 10 ટીમો રમશે. તેઓ બે જૂથોમાં વહેંચાયેલા છે. આ દરમિયાન કુલ 20 મેચો રમાશે. 2022માં હોંગકોંગે એશિયા કપમાં જગ્યા બનાવી હતી. તે ભારત અને પાકિસ્તાન સાથે ગ્રૂપ હતું. આ વખતે પ્રીમિયર કપના ગ્રુપ-એમાં UAE, નેપાળ, કુવૈત, કતાર અને ક્લેરિફાયર-1ની ટીમો હશે. જ્યારે ગ્રુપ-બીમાં ઓમાન, હોંગકોંગ, સિંગાપોર, મલેશિયા અને ક્લેરિફાયર-2 હશે. પ્રીમિયર કપના ક્વોલિફાયર-1 અને ક્વોલિફાયર-2નો નિર્ણય ચેલેન્જર કપ દ્વારા લેવામાં આવશે.

ACC releases calendar for next two years, India, Pakistan in same group for Asia Cup 2023

Read @ANI Story | https://t.co/EnCoowmLtO#AsiaCup2023 #India #Pakistan #INDvsPAK #cricket pic.twitter.com/yijxgynFGI

— ANI Digital (@ani_digital) January 5, 2023