સાવધાન, આ App ને ડાઉનલૉડ કરશો તો ખાલી થઇ જશે તમારું બેન્ક એકાઉન્ટ

Cyber Fraud: હેકર્સ આ ફેક એપ દ્વારા તમારા ફોનની તમામ મહત્વપૂર્ણ માહિતી ચોરી કરે છે. એપ ડાઉનલૉડ કર્યા બાદ હેકર્સ તમારા ફોનના OTP અને અન્ય બેંકિંગ મેસેજને એક્સેસ કરે છે

(તસવીર- એબીપી લાઇવ)

Source : એબીપી લાઇવ

Cyber Fraud: દેશમાં સાયબર ફ્રૉડના કેસ દિવસેને દિવસે વધી રહ્યા છે. હવે છેતરપિંડી કરનારા લોકો નવી રીતોથી છેતરપિંડી કરી રહ્યા છે. આવો જ એક કિસ્સો તામિલનાડુમાંથી સામે આવ્યો છે. ખરેખર, અહીં હેકર્સ "PM કિસાન યોજના"ના નામે નકલી એપ દ્વારા લોકોને છેતરે છે. આવી સ્થિતિમાં જે પણ આ એપને પોતાના સ્માર્ટફોનમાં ડાઉનલૉડ કરે છે, તેનો ફોન હેક થઈ જાય છે.

કઇ રીતે કરે છે છેતરપિંડી ? 
હેકર્સ આ ફેક એપ દ્વારા તમારા ફોનની તમામ મહત્વપૂર્ણ માહિતી ચોરી કરે છે. એપ ડાઉનલૉડ કર્યા બાદ હેકર્સ તમારા ફોનના OTP અને અન્ય બેંકિંગ મેસેજને એક્સેસ કરે છે. આ સિવાય છેતરપિંડી કરનારાઓ તમારો આધાર નંબર, પાન કાર્ડ નંબર અને જન્મ તારીખ જેવી માહિતી ચોરી લે છે. આ બધી માહિતી મેળવ્યા પછી, હેકર્સ તમારા ફોનને UPI પેમેન્ટ માટે રજિસ્ટર કરે છે અને તમારા બેંક ખાતામાંથી પૈસા ઉપાડી લે છે.

સરકારી યોજનાઓનો થઇ રહ્યો છે દુરપયોગ 
છેતરપિંડી કરનારા લોકો સરકારી યોજનાઓના નામે લોકોનો વિશ્વાસ જીતી લે છે અને પછી તેમને આર્થિક નુકસાન પહોંચાડે છે. હેકર્સ નકલી વેબસાઇટ દ્વારા લોકો પાસેથી આધાર, PAN અને અન્ય માહિતી માંગે છે. આ પછી, યુપીઆઈ એકાઉન્ટ હેક કરીને બેંકમાંથી પૈસા ઉપાડવામાં આવે છે. મળતી માહિતી મુજબ, ઘણા લોકો આ પ્રકારની છેતરપિંડીનો શિકાર બન્યા છે.

આવી છેતરપિંડીથી બચવાના ઉપાયો - 
હવે અમે તમને જણાવીએ કે તમે આવી છેતરપિંડીથી કેવી રીતે બચી શકો.

અજાણી એપ્સથી દૂર રહોઃ વૉટ્સએપ કે અન્ય કોઈ અજાણી લિંક પરથી કોઈપણ એપ ડાઉનલૉડ કરશો નહીં.
માત્ર અધિકૃત સ્ત્રોતોનો ઉપયોગ કરો: સરકારી યોજનાઓ સાથે સંબંધિત એપ્લિકેશન્સ અથવા માહિતી માટે માત્ર સત્તાવાર વેબસાઇટ અથવા પ્લે સ્ટોરનો ઉપયોગ કરો.
છેતરપિંડીની જાણ કરો: જો તમને લાગે કે તમારી સાથે સાયબર છેતરપિંડી થઈ છે, તો તરત જ પોલીસને જાણ કરો.
સાવચેત રહો અને તમારી બેંકિંગ વિગતો અને ફોનની સુરક્ષાને પ્રાથમિકતા આપો. સરકારી યોજનાઓના નામે કોઈ શંકાસ્પદ એપ કે વેબસાઈટ પર વિશ્વાસ ન કરો.

આ પણ વાંચો