Hyundai Electric Car in India: ક્રેટા ઇવીની લૉન્ચિંગ પહેલા હ્યૂન્ડાઇએ માર્કેટમાંથી ગાયબ કરી આ ઇલેક્ટ્રિક કાર, જાણો

Hyundai Electric Car: Hyundai Motor India એ ભારતીય બજારમાં તેની એક ઈલેક્ટ્રિક કારને બંધ કરી દીધી છે. કંપનીએ હ્યૂન્ડાઇ કોના ઇલેક્ટ્રિકને બજારમાંથી ગાયબ કરી દીધી છે

(તસવીર- એબીપી લાઇવ)

Hyundai Electric Car: Hyundai Motor India એ ભારતીય બજારમાં તેની એક ઈલેક્ટ્રિક કારને બંધ કરી દીધી છે. કંપનીએ હ્યૂન્ડાઇ કોના ઇલેક્ટ્રિકને બજારમાંથી ગાયબ કરી દીધી છે. સાથે જ આ ઈલેક્ટ્રિક કારને હ્યૂન્ડાઇ ઈન્ડિયાની વેબસાઈટ પરથી પણ હટાવી દેવામાં આવી છે. હ્યૂન્ડાઇએ ક્યારેય કોના ઈલેક્ટ્રિકને બજારમાં અપડેટ કર્યું નથી અને તે હ્યૂન્ડાઇની પહેલી ઇલેક્ટ્રિક કાર હતી જેને કંપનીએ ભારતીય બજારમાં લૉન્ચ કરી હતી.

ક્રેટા ઇવીના કારણે ગાયબ થઇ કોના ઇલેક્ટ્રિક 
એવું લાગે છે કે કાર નિર્માતા બજારમાં Creta EV લૉન્ચ કરવા વિશે વિચારી રહી છે, કંપનીએ Kona Electricને ભારતીય બજારમાંથી પાછી ખેંચી લેવાની યોજના બનાવી છે. કોના ઈલેક્ટ્રિકનું વેચાણ ઘટી રહ્યું હતું કારણ કે આ કારની ઈન્ટિરિયર ડિઝાઈન સમયની સાથે જૂની થઈ ગઈ હતી અને આજની કારમાં તે ઘણો બદલાઈ ગયો છે.

2025માં આવશે Creta EV 
Hyundai India એ પુષ્ટિ કરી છે કે તે જાન્યુઆરી 2025માં તેનું પ્રથમ માસ માર્કેટ ઇલેક્ટ્રિક વાહન લૉન્ચ કરવા જઈ રહી છે. આ કાર Cretaનું ઈલેક્ટ્રીફાઈડ વર્ઝન હોઈ શકે છે અને આ કાર કંપનીની તમિલનાડુ ફેક્ટરીમાં તૈયાર થઈ શકે છે. એવી અપેક્ષા રાખવામાં આવે છે કે કંપની હ્યૂન્ડાઇની Creta EVને સૌપ્રથમ લૉન્ચ કરશે, કારણ કે આ કારનું ICE વર્ઝન ભારતીય બજારમાં સૌથી લોકપ્રિય SUV પૈકીનું એક રહ્યું છે.

ક્રેટા ઇવીની રેન્જ  
હ્યૂન્ડાઇએ હજુ સુધી Creta EVના સ્પેસિફિકેશન્સ અંગે કોઈ માહિતી શેર કરી નથી. પરંતુ આ કાર સિંગલ ચાર્જિંગમાં લગભગ 400 થી 500 કિલોમીટરની રેન્જ આપી શકે છે. તમે મારુતિ સુઝુકીની આગામી ઇલેક્ટ્રિક કાર eVX માં પણ આ જ કેટેગરીમાં જોઈ શકો છો. મારુતિની ઇલેક્ટ્રિક કાર લગભગ 550 કિલોમીટરની રેન્જ સાથે આવી શકે છે.

ક્રેટા ઇવીની શું છે કિંમત ?
Creta EV ભારતીય બજારમાં લૉન્ચ થનારી ઘણી ઈલેક્ટ્રિક કારને ટક્કર આપી શકે છે. આ કાર MG ZS EV, Tata Curve, Maruti Suzuki eVX, BYD Atto 3 અને Mahindra XUV400ની હરીફ સાબિત થઈ શકે છે. Hyundaiની આ EVની કિંમત 20 લાખથી 30 લાખ રૂપિયાની વચ્ચે હોઈ શકે છે.