'સીઝફાયર નહીં થવા પાછળ રશિયા જવાબદાર...' હવે પુતિન પર ભડક્યા ટ્રમ્પ
ટ્રમ્પે કહ્યું કે જો તમે રશિયા પાસેથી તેલ ખરીદો છો તો તમે અમેરિકામાં વ્યવસાય કરી શકતા નથી
રશિયા-યુક્રેન યુદ્ધનો અંત લાવવાનો પ્રયાસ કરી રહેલા અમેરિકાના રાષ્ટ્રપતિ ડોનાલ્ડ ટ્રમ્પે પુતિન પર યુદ્ધવિરામ કરારમાં અવરોધ લાવવાનો આરોપ લગાવ્યો છે અને કહ્યું જો તેમને લાગે છે કે રશિયા યુદ્ધવિરામના પ્રયાસોમાં અવરોધ લાવી રહ્યું છે તો તેઓ રશિયન તેલ પર 25 થી 50 ટકા સુધી સેકન્ડરી ટેરિફ લાદશે.
એવું કહેવામાં આવી રહ્યું છે કે જ્યારે રશિયન રાષ્ટ્રપતિ વ્લાદિમીર પુતિને યુક્રેનિયન રાષ્ટ્રપતિ વોલોડીમીર ઝેલેન્સકીના નેતૃત્વની વિશ્વસનીયતાની ટીકા કરી ત્યારે ટ્રમ્પ ગુસ્સે થયા અને કહ્યું કે તેમની ટિપ્પણીઓ યોગ્ય દિશામાં જઈ રહી નથી.
ડોનાલ્ડ ટ્રમ્પે રવિવારે સવારે એનબીસી ન્યૂઝ સાથે ફોન પર વાતચીતમાં ડોનાલ્ડ ટ્રમ્પે કહ્યું હતું કે, 'જો રશિયા અને હું યુક્રેનમાં યુદ્ધ રોકવા માટે કોઈ કરાર પર પહોંચી શકતા નથી તો મને લાગે છે કે આ રશિયાની ભૂલ છે. જો મને ખબર પડશે કે આ રશિયાની ભૂલ છે તો હું રશિયાથી આવતા તમામ તેલ પર સેક્રેટરી ટેરિફ લગાવવા જઇ રહ્યો છું.
ટ્રમ્પે કહ્યું કે જો તમે રશિયા પાસેથી તેલ ખરીદો છો તો તમે અમેરિકામાં વ્યવસાય કરી શકતા નથી અને બધા તેલ પર 25 ટકા ટેરિફ લાદશે જે બધા તેલ પર 25 થી 50 પોઈન્ટ ટેરિફ હશે. તેમણે એમ પણ કહ્યું કે જો યુદ્ધવિરામ નહીં થાય તો તેઓ એક મહિનાની અંદર તેનો અમલ કરશે. તેઓ આવતા અઠવાડિયામાં પુતિન સાથે વાત કરવાની યોજના ધરાવે છે.
ટ્રમ્પે કહ્યું કે પુતિન જાણે છે કે હું તેમનાથી ગુસ્સે છું, પરંતુ મારા તેમની સાથે ખૂબ સારા સંબંધો છે. જો પુતિન યોગ્ય કાર્ય કરશે તો મારો ગુસ્સો જલદી શાંત થઈ જશે. ટ્રમ્પની આ ટિપ્પણીઓ તેમણે અગાઉ ઝેલેન્સકીની ટીકા કર્યા બાદ આવી છે જેમાં તેમણે કહ્યું હતું કે તેઓ યુદ્ધના તેમના સંચાલનથી કંટાળી ગયા છે અને તેમને ખોટી રીતે સરમુખત્યાર કહે છે. ટ્રમ્પે વેનેઝુએલા પર ગૌણ ટેરિફની જાહેરાત કરી અને કહ્યું કે આ ટેરિફ એવા દેશો પર લાદવામાં આવશે જે વેનેઝુએલા પાસેથી તેલ અને ગેસ ખરીદે છે.
શું ભારતને પણ નુકસાન થશે?
સેન્ટર ફોર રિસર્ચ ઓન એનર્જી એન્ડ ક્લીન એરના વિશ્લેષણ મુજબ, રશિયન ક્રૂડ ઓઇલના ટોચના આયાતકારોમાં ભારત, ચીન, તુર્કી અને બ્રાઝિલનો સમાવેશ થાય છે. જો ટ્રમ્પ ગૌણ ટેરિફ સાથે આગળ વધે છે તો આ દેશોને વધારાની ટેરિફનો ભોગ બનવું પડી શકે છે.
ટ્રમ્પે તેમના ચૂંટણી પ્રચાર દરમિયાન યુક્રેનમાં યુદ્ધનો અંત લાવવાનું પોતાનું સૌથી મોટું વિદેશ નીતિ વચન આપ્યું હતું, જેના કારણે તેમના બીજા કાર્યકાળના પ્રથમ થોડા મહિના દરમિયાન યુએસ, યુક્રેનિયન અને રશિયન અધિકારીઓ વચ્ચે બેઠકો થઈ હતી. ગયા અઠવાડિયે રશિયા અને યુક્રેન આંશિક અને મર્યાદિત યુદ્ધવિરામ માટે સંમત થયા હતા જે બ્લેક સીમાં સુરક્ષિત શિપિંગને મંજૂરી આપશે અને એકબીજાની ઊર્જા સુવિધાઓ પર હુમલાઓને અટકાવશે.
ટોપ સ્ટોરી
ટ્રેન્ડિંગ સમાચાર
