Retail Inflation Data: ટામેટા સહિતના શાકભાજીના ભાવમા ઘટાડો થતાં જથ્થાબંધ મોંઘવારી દરમાં થયો ઘટાડો, 15 મહિનાની ટોચ પર હતો

રિટેલ ફુગાવો ઓગસ્ટમાં ઘટીને 6.83 ટકા થયો છે, જે જુલાઈમાં 7.44 ટકાની 15 મહિનાની ટોચે પહોંચ્યો હતો.

ફાઈલ તસવીર

Source : Pexels

Retail Inflation Data For August 2023: ખાદ્ય ચીજવસ્તુઓ, ખાસ કરીને ટામેટાંના ભાવમાં ઘટાડાને કારણે ઓગસ્ટ 2023માં છૂટક ફુગાવાના દરના આંકડામાં ઘટાડો થયો છે. રિટેલ ફુગાવો ઓગસ્ટમાં ઘટીને 6.83 ટકા થયો છે, જે જુલાઈમાં 7.44 ટકાની 15 મહિનાની ટોચે પહોંચ્યો હતો. જૂન 2023માં છૂટક ફુગાવાનો દર 4.81 ટકા હતો. ગયા વર્ષે ઓગસ્ટ 2022માં છૂટક ફુગાવાનો દર 7 ટકા હતો. ઓગસ્ટમાં છૂટક ફુગાવો ઘટ્યો હોવા છતાં, તે હજુ પણ આરબીઆઈના 6 ટકાના ટોલરેંસ બેન્ડના ઉપલા લેવલ 6 ટકાથી ઉપર છે.

ખાદ્ય ફુગાવાના દરમાં ઘટાડો

આંકડા અનુસાર, ગ્રામીણ વિસ્તારોમાં છૂટક ફુગાવાનો દર 7.63 ટકાથી ઘટીને 7.02 ટકા થયો છે, જ્યારે શહેરી વિસ્તારોમાં મોંઘવારી દર 7.20 ટકાથી ઘટીને 6.59 ટકા પર આવી ગયો છે. તે જ સમયે, ઓગસ્ટ મહિનામાં ખાદ્ય ચીજવસ્તુઓના મોંઘવારી દરમાં જુલાઈની સરખામણીમાં ઘટાડો થયો છે અને તે 10 ટકાથી નીચે પહોંચી ગયો છે. ખાદ્ય ફુગાવાનો દર ઓગસ્ટમાં ઘટીને 9.94 ટકા થયો છે, જે જુલાઈમાં 11.51 ટકા હતો.

Retail inflation eases to 6.83 pc in August form 7.44 pc in July: Govt data

— Press Trust of India (@PTI_News) September 12, 2023

ખાદ્ય ચીજવસ્તુઓના ભાવની સ્થિતિ

શાકભાજીનો મોંઘવારી દર ઓગસ્ટમાં ઘટીને 26.14 ટકા થયો હતો જે જુલાઈમાં 37.34 ટકા હતો. કઠોળના ફુગાવાના દરમાં પણ થોડો ઘટાડો થયો છે અને તે ઘટીને 13.04 ટકા પર આવી ગયો છે, જે ઓગસ્ટમાં 13.27 ટકા હતો. મસાલાનો મોંઘવારી દર વધીને 23.19 ટકા થયો છે જે જુલાઈમાં 21.53 ટકા હતો. દૂધ અને તેનાથી સંબંધિત ઉત્પાદનોનો ફુગાવાનો દર 7.73 ટકા રહ્યો છે જે જુલાઈ 2023માં 8.34 ટકા હતો. આનો અર્થ એ થયો કે દૂધ અને તેનાથી સંબંધિત ઉત્પાદનોની મોંઘવારી ઘટી છે. અનાજ અને સંબંધિત ઉત્પાદનોનો ફુગાવાનો દર 11.85 ટકા થયો છે, જે ગયા મહિને 13.04 ટકા હતો. તેલ અને ચરબીના ફુગાવાનો દર -15.28 ટકા રહ્યો છે જે જુલાઈમાં -16.80 ટકા હતો.

આરબીઆઈના ટોલરેંસ બેંડથી ઉપર છે મોંઘવારી દર

ઓગસ્ટમાં છૂટક ફુગાવાનો દર 7 ટકાથી ઘટીને 6.83 ટકા થયો હોવા છતાં, તે હજુ પણ આરબીઆઈના સહનશીલતા બેન્ડથી ઉપર છે. ફુગાવાના સંદર્ભમાં, આરબીઆઈએ 2 થી 6 ટકાનો ટોલરેંસ બેન્ડ નક્કી કર્યો છે. ઓગસ્ટમાં રિટેલ ફુગાવો આરબીઆઈના 6 ટકાના ટોલરેંસ બેન્ડના ઉપલા સ્તરથી ઉપર હતો.