મોટી છટણીની તૈયારીમાં છે Swiggy, આ કંપનીએ તો એક ઝાટકે 70 ટકા કર્મચારીઓને કાઢી મુક્યા

ફૂડ યુનિકોર્નએ ઓક્ટોબરમાં પ્રદર્શન સમીક્ષા હાથ ધરી હતી અને સંખ્યાબંધ કર્મચારીઓને પ્રદર્શન સુધારણા કાર્યક્રમ પર મૂક્યા હતા. સ્વિગી પણ IPO લાવવા માગે છે.

પ્રતિકાત્મક તસવીર

Layoffs: સ્ટાર્ટઅપ્સ દ્વારા કર્મચારીઓને દૂર કરવાની પ્રક્રિયા અટકવાનું નામ નથી લઈ રહી. કર્મચારીઓની છટણી કરતી કંપનીઓની યાદીમાં હવે કાર રિપેર સ્ટાર્ટઅપ GoMechanic Layoffનું નામ પણ જોડાઈ ગયું છે. કંપનીએ તેના 70 ટકા સ્ટાફને એક જ ઝાટકે બહારનો રસ્તો બતાવી દીધો છે. આ સિવાય ફૂડ ડિલિવરી કંપની સ્વિગી લેઓફ પણ મોટા પાયે કર્મચારીઓને છૂટા કરવાની યોજના બનાવી રહી છે. સ્વિગીમાં 6 હજાર કર્મચારીઓ કામ કરે છે. સ્વિગીની હરીફ ઝોમેટો લેઓફ પહેલાથી જ તેના કર્મચારીઓમાં 3 ટકાનો ઘટાડો કરી ચૂકી છે.

ફાઇનાન્શિયલ એક્સપ્રેસ અખબારના અહેવાલ અનુસાર, સ્વિગી તેના 10 ટકા કર્મચારીઓની છટણી કરશે. પ્રોડક્ટ, એન્જિનિયરિંગ અને ઓપરેશન્સ વિભાગમાંથી વધુ કર્મચારીઓને દૂર કરવામાં આવશે. ફૂડ યુનિકોર્નએ ઓક્ટોબરમાં પ્રદર્શન સમીક્ષા હાથ ધરી હતી અને સંખ્યાબંધ કર્મચારીઓને પ્રદર્શન સુધારણા કાર્યક્રમ પર મૂક્યા હતા. સ્વિગી પણ IPO લાવવા માગે છે. પરંતુ, શેરબજારમાં ટેક કંપનીઓના શેરના નબળા પ્રદર્શનને કારણે, સ્વિગીએ હજુ સુધી પબ્લિક ઇશ્યૂ માટે સેબીને પેપર સબમિટ ન કરવાનો નિર્ણય લીધો છે.

મીડિયા અહેવાલ અનુસાર સ્વિગી પાસે નંબર આધારિત રેટિંગ સિસ્ટમ છે. જે કર્મચારીઓનું રેટિંગ બે કે તેથી ઓછું છે તેમને PIP માં મૂકવામાં આવે છે. છેલ્લા 6 મહિનાથી કંપનીના કર્મચારીઓ પર કામનું ઘણું દબાણ છે. તેનું કારણ એ છે કે કંપની પોતાનો પબ્લિક ઈશ્યુ લાવતા પહેલા પ્રોફિટમાં આવવા માંગે છે.

70 ટકા કર્મચારીઓની નોકરી ગઈ

ઓટોમોબાઈલ આફ્ટર-સેલ્સ સર્વિસ પૂરી પાડતી કંપની GoMechanicનું નામ પણ રિટેન્ચમેન્ટ સ્ટાર્ટઅપ્સની યાદીમાં ઉમેરવામાં આવ્યું છે. કંપનીના સહ-સ્થાપક અમિત ભસીને 18 જાન્યુઆરીએ લિંક્ડઇન પોસ્ટ દ્વારા માહિતી આપી હતી કે કંપનીએ તેના 70% કર્મચારીઓને છૂટા કરી દીધા છે. ભસીને લખ્યું, “આ માટે સંપૂર્ણ જવાબદારી લેતા સહ-સ્થાપકોએ ભંડોળ એકત્ર કરવાનો અને વ્યવસાયનું પુનર્ગઠન કરવાનો નિર્ણય લીધો છે. પુનર્ગઠન પીડાદાયક છે. તે દુર્ભાગ્યપૂર્ણ છે કે અમારે અમારા 70 ટકા કર્મચારીઓની છટણી કરવી પડી છે."

ફોરેન્સિક ઓડિટ થશે

દરમિયાન, એવા પણ સમાચાર છે કે GoMechanicની સૌથી મોટી રોકાણકાર કંપની Sequoia Capital એ GoMechanic કંપનીમાં નાણાકીય ગેરરીતિઓ શોધી કાઢ્યા બાદ કંપનીની બેલેન્સ શીટનું ફોરેન્સિક ઓડિટ કરવાનો નિર્ણય લીધો છે. ભસીને પોતાની પોસ્ટમાં એમ પણ લખ્યું છે કે બિઝનેસનું ઓડિટ થર્ડ પાર્ટી કંપની કરશે.