'દાદાની સવારી...' આજથી પ્રવાસીઓને મળી નવી 20 હાઇટેક વૉલ્વો એસટી બસ, હર્ષ સંઘવીએ કર્યુ લોકાર્પણ
Gujarat ST Volvo Bus: આજથી રાજ્યમાં એસટીમાં મુસાફરી કરતા પ્રવાસીઓને વધુ એક મોટી ગિફ્ટ મળી છે
Gujarat ST Volvo Bus: આજથી રાજ્યમાં એસટીમાં મુસાફરી કરતા પ્રવાસીઓને વધુ એક મોટી ગિફ્ટ મળી છે. રાજ્યના વાહનવ્યવહાર મંત્રી હર્ષ સંઘવીએ રાજ્યમાં 20 નવી વૉલ્વો બસનું લોકાર્પણ કર્યુ છે. આ વૉલ્વો બસોમાં પ્લેન અને સબમરીનમાં વપરાતી ટેકનોલોજીનો ઉપયોગ કરવામાં આવ્યો છે. ખાસવાત છે કે, ઉંમરલાયક પ્રવાસીઓ બસમાં બેસાડવા માટે હાઇડ્રૉલિક સિસ્ટમ પણ લગાવવામાં આવી છે.
આજે રાજ્યના વાહન વ્યવહાર રાજ્યમંત્રી હર્ષ સંઘવીએ ગાંધીનગર બસ સ્ટેશન ખાતેથી નાગરિકોની પરિવહન સેવામાં 20 હાઇટેક વૉલ્વો એસટી બસોને ફ્લેગ ઓફ આપી પ્રસ્થાન કરાવ્યું છે. મંત્રીએ નાગરિકોની સુરક્ષાને લગતી સુવિધાઓનું જાત નિરીક્ષણ કરી માહિતી મેળવી હતી.
આ પ્રસંગે મંત્રીએ જણાવ્યું કે, ગુજરાતના મુખ્યમંત્રી ભૂપેન્દ્ર પટેલના માર્ગદર્શનમાં નવા યુગની નવી બસોની શરૂઆત થઇ ગઈ છે. આ અધતન ટેક્નોલોજી યુક્ત 20 નવીન હાઈટેક બસો આજથી ગુજરાતના નાગરીકો માટે કાર્યરત રહેશે. જેમાં અમદાવાદ નેહરૂનગરથી સુરત માટે 8 બસો, અમદાવાદ નેહરુનગરથી વડોદરા ખાતે 8 બસો તેમજ અમદાવાદથી રાજકોટ માટે 4 બસોનું સંચાલન આજથી નાગરિકો માટે કરવામાં આવશે.
વધુમાં હર્ષ સંઘવીએ નવીન બસમાં સુરક્ષા અંગેની માહિતી આપતા જણાવ્યું હતું કે, આ બસ દેશની પ્રથમ સૌથી સુરક્ષિત બસ છે, આ બસમાં એરફોર્સના એરક્રાફ્ટ અને નેવીની સબમરીનમાં જે પ્રકારની ફાયર સેફટીની સુવિધા હોય છે તે પ્રકારની ફાયરસેફટીની સુવિધા ઉપલબ્ધ છે. જેમાં ફાયર ડીટેકશન અને અલાર્મ, ફાયર ડીટેકશન અને સપ્રેશન, અને ફાયર ડીટેકશન અને પ્રૉટેક્શનનો સમાવેશ થાય છે. બસમાં કોઈ પણ કારણસર આગની દૂર્ઘટના અથવા ધુમાડો ઉત્પન્ન થાય ત્યારે નાઈટ્રોજન ગેસ અને 250 લીટરની પાણીની બે ટેન્કો દ્વારા બસની અંદર સ્પ્રિંકલર ટેક્નોલોજીની મદદથી પાણીનો છંટકાવ થશે અને નાગરીકો સુરક્ષિત બહાર આવી શકશે. સાથોસાથ આ બસોમાં મહિલાઓની સુરક્ષાને ધ્યાને રાખીને એક ઈમરજન્સી બટન આપવામાં આવ્યું છે. યાત્રા દરમિયાન મહિલાઓ સાથે કોઈ બનાવ બને ત્યારે મહિલાઓ દ્વારા આ બટન દબાવવાથી નજીકના પોલીસ સ્ટેશનમાં જાણ થશે અને ગુનેગારને પકડવામાં સરળતા રહેશે.
વધુમાં મંત્રીએ ઉમેર્યું કે આ નવીન બસોમાં નાગરિકો માટે વિશેષ સુવિધાઓ ધ્યાનમાં રાખવામાં આવી છે, જેમાં 47 સીટીંગ કેપેસીટી, 2x2 લેધર અને આરામદાયક પુશબેક સીટ, સી.સી.ટી.વી કેમેરા, મોબાઈલ ચાર્જીંગ ફેસીલીટી, ફાયરસેફટી માટે અધ્યતન સ્પ્રિંકલર સિસ્ટમ, સ્મૉક ડિટેક્ટર એલાર્મ, એલ.ઇ.ડી. ટી.વી, એકઝૉસ્ટ ફેન સાથેના હેચ, ઇમર્જન્સી એક્ઝિટ ડૉર વગેરે આધુનિક ટેકનોલોજી સુવિધાઓથી સજજ આ વૉલ્વો બસો નાગરિકોની મુસાફરીને વધુ આરામદાયક બનાવશે.
આ પણ વાંચો
ટ્રેન્ડિંગ સમાચાર
ટોપ સ્ટોરી
