Mehsana: સાગરદાણ કૌભાંડ મામલે વિપુલ ચૌધરીને મોટો ઝટકો, કોર્ટે દોષિત જાહેર કર્યા
દિગ્ગજ રાજનેતા ગણાતા વિપુલ ચૌધરીને કોર્ટ તરફથી મોટો ફટકો લાગ્યો છે, આજે મહેસાણાના દૂધસાગર ડેરી સાગરદાણ કૌભાંડ મામલે આવેલા ચૂકાદામાં વિપુલ ચૌધરીને દોષી જાહેર કરવામાં આવ્યો છે.
Mehsana: દિગ્ગજ રાજનેતા ગણાતા વિપુલ ચૌધરીને કોર્ટ તરફથી મોટો ફટકો લાગ્યો છે, આજે મહેસાણાના દૂધસાગર ડેરી સાગરદાણ કૌભાંડ મામલે આવેલા ચૂકાદામાં વિપુલ ચૌધરીને દોષી જાહેર કરવામાં આવ્યો છે. આ કેસમાં કોર્ટે કુલ 15 આરોપીએને દોષિત ઠેરવ્યા છે. સાગરદાણ કૌભાંડમાં મહેસાણાની કોર્ટે આજે ચૂકાદો આપતા આ કેસના 15 જેટલા આરોપીઓને દોષિત ઠેરવ્યા છે. આમાં દૂધ સાગર ડેરીના પૂર્વ ચેરમેન વિપુલ ચૌધરીનો પણ સમાવેશ થાય છે. મહારાષ્ટ્રમાં સાગરદાણ મોકલવા અંગે જે કૌભાંડ આચરવામાં આવ્યુ હતુ, તેમાં આ તમામ આરોપીઓને દોષિત ઠેરવવામાં આવ્યા છે. ખાસ વાત છે કે આ કેસમાં સામેલ 22 આરોપીઓમાંથી 3 આરોપીઓના કોર્ટનો ચૂકાદો આવે તે પહેલા જ મૃત્યુ પામી ચૂક્યા છે, અને હવે આ કેસમાં 19 વિરુદ્ધ જ કાર્યવાહી કરવામાં આવી રહી છે, કોર્ટમાં 23 સાક્ષીઓની આ કેસ મામલે જુબાની લેવામાં આવી હતી.
માહિતી પ્રમાણે, મહેસાણાની દૂધસાગર ડેરી સાગર દાણ કૌભાંડ મામલે કોર્ટમાં કેસ ચાલી રહ્યો હતો, આજે મહેસાણાની સેશન્સ કોર્ટે ચૂકાદો સંભળાવ્યો હતો, આ કેસમાં વિપુલ ચૌધરી અને પૂર્વ નિયામક મંડળના સભ્ય અને પૂર્વ એમ ડી છે પણ આરોપી હતા, અને તેમને દોષિત જાહેર કરવામાં આવ્યા છે. આ મામલે ડેરીને નુકસાન પહોંચાડવા મામલે ડેરીના તત્કાલીન ચેરમેન વિપુલ ચૌધરી સહિત નિયામક મંડળ વિરુદ્ધ ફરિયાદ નોંધાઇ હતી. આ કેસમાં ખાસ સરકારી વકીલ તરીકે વિજય બારોટની નિમણૂંક કરાઇ હતી. સાગરદાણ કૌભાંડમાં 19 પૈકી 4 અધિકારીઓને શંકાનો લાભ મળતા તેમને અપીલ પિરિયડ સુધીમાં 50,000ના જાત મુચરકાના જામીન પણ છોડવામાં આવ્યા છે. આ સિવાય 13 નિયામક મંડળના સભ્યો અને બે અધિકારીઓને દોષિત ઠેરવવામાં આવ્યા છે જેમાં વિપુલ ચૌઘરીનો પણ સમાવેશ થાય છે.
Join Our Official Telegram Channel: https://t.me/abpasmitaofficial
ટ્રેન્ડિંગ સમાચાર
ટોપ સ્ટોરી
