બોલીવૂડની આ હોટ એક્ટ્રેસે સાજીદ ખાન પર લગાવ્યા ગંભીર આરોપ, ટ્વિટર પર ટેગ કરી પૂછ્યા સવાલ

આ એ સમય હતો જ્યારે 2015માં શર્લિનના પિતાનું નિધન થયું હતું અને તે કામના કારણે સાજિદ ખાનને મળવા પહોંચી હતી. પરંતુ આ દરમિયાન સાજિદે તેની સાથે યોગ્ય રીતે વ્યવ્હાર ન કર્યો અને જે કર્યું તે હરકત ન તો યાદ રાખવા લાયક છે અને ન તો ભુલવા જેવી.

શર્લિન ચોપરાએ આજે બપોરે એક ટ્વિટ કર્યું જેને જોઈ દરેકના હોંશ ઉડી ગયા હતા. ટ્વિટમાં સાજિદ ખાનને સવાલ પુછતા શર્લિન ચોપરાએ સાજિદ પર મોટા અને ગંભીર આરોપ લગાવ્યા છે.

આ ટ્વિટમાં શર્લિને સાજિદ ખાન પર ઉત્પીડનનો આરોપ લગાવ્યો છે. તેનું કહેવું છે કે જ્યારે તે 2015માં તેને મળવા પહોંચી હતી ત્યારે કંઈક એવું થયું જે કદાચ ક્યારેય ન થવું જોઈતું હતું અને તેણે ક્યારેય તેની કલ્પના નહોતી કરી.

વર્ષ 2018માં #MeToo Movement દરમિયાન પણ સાજિદ ખાન પર યૌન ઉત્પીડનના ઘણા આરોપ લાગ્યા હતા. એ સમયે મંદના કરીમી, સલોની ચોપડા, સિમરન સૂરી, મરીના કુંવર અને પત્રકાર કરિશ્મા ઉપાધ્યાયએ તેના પર ગંભીર આરોપ લગાવ્યા હતા. આજ કારણે તેને હાઉસફૂલ 4 માંથી કાઢી નાખવામાં આવ્યો હતો. જ્યારે આ આરોપ તેના પર લાગ્યો ત્યારે તે આ ફિલ્મનું નિર્દેશન કરી રહ્યો હતો.

હાલમાં જ દિવંગત અભિનેત્રી જિયા ખાનની બહેન કરિશ્માએ પણ સાજિદ પર કંઈક આવો જ આરોપ લગાવ્યો છે. જે મુજબ હાઉસફુલની શૂટિંગ દરમિયાન જિયા ખાન સાથે પણ સાજિદે ખરાબ વ્યવહાર કર્યો હતો. જેનાથી જિયા ખૂબ જ દુખી હતી. પરંતુ તે ન્યૂ કમર હતી એટલે કંઈ ન કરી શકી. સાજિદ એ સમયે હાઉસફૂલ ફિલ્મને ડાયરેક્ટ કરી રહ્યો હતો.