Health Tips: વૃદ્ધાવસ્થા સુધી સ્વસ્થ રહેવા માટે દરેકે 40 બાદ આ મેડિકલ ટેસ્ટ કરાવવા જરૂરી

ખાસ કરીને 40 વર્ષની ઉંમર પછી શરીર નબળુ પડવા લાગે છે. સ્વાસ્થ્ય પર સંપૂર્ણ ધ્યાન આપવું જરૂરી છે. ખાસ કરીને 40 વર્ષ બાદ આ મેડિકલ ટેસ્ટ કરાવવા જરૂરી છે.

પ્રતીકાત્મક તસવીર

વધતી ઉંમર સાથે શરીર નબળું પડતું જાય છે અને ઘણી બીમારીઓ તમને પરેશાન કરવા લાગે છે. વૃદ્ધત્વ સાથે, તે લોકો માટે રોગોનું જોખમ વધુ છે જેઓ પોતાની સંભાળ યોગ્ય રીતે લેતા નથી. ખાસ કરીને 40 વર્ષની ઉંમર પછી સ્વાસ્થ્ય પર સંપૂર્ણ ધ્યાન આપવું જરૂરી છે.

જો આપ વૃદ્ધાવસ્થામાં પણ બીમારીઓથી બચવા માંગતા હોવ તો તમારે વર્ષમાં એક વખત કેટલાક ખાસ મેડિકલ ટેસ્ટ કરાવવા જરૂર છે.40 વર્ષની ઉંમર પછી પુરુષો અને સ્ત્રીઓ માટે કયા 5 મેડિકલ ટેસ્ટ જરૂરી છે. જાણીએ...

આજે પણ ભારતમાં આયરન ટેસ્ટ વિશે ઘણી માન્યતાઓ છે. મોટાભાગના લોકો માને છે કે આયર્ન ટેસ્ટ ફક્ત ગર્ભાવસ્થા દરમિયાન જ કરવામાં આવે છે, પરંતુ આ ટેસ્ટ દરેક ઉંમરના લોકો માટે જરૂરી છે. જો શરીરમાં હિમોગ્લોબિન ઓછું હોય તો આયર્ન લેવલની તપાસ કરાવવી જરૂરી છે. આ ટેસ્ટ દ્વારા શરીરમાં લોહીની ઉણપ જાણવા મળે છે.

કોઈપણ ઉંમરે વિટામિન બીની ઉણપ ખતરનાક સાબિત થાય છે. શરીરમાં વિટામિન બીની ઉણપને કારણે થાક, ચેતામાં દુખાવો, સુન્નતા, માથાનો દુખાવો અને ચીડિયાપણું જેવી સમસ્યાઓ થઈ શકે છે. જો તમે નિયમિતપણે વિટામિન B12 ટેસ્ટ કરાવો તો આવી સમસ્યાઓથી બચી શકાય છે.

વધતી ઉંમરની સાથે લિવરમાં કોઈ પ્રકારની બીમારી છે કે કેમ તે જાણવા માટે LFT ટેસ્ટ કરવામાં આવે છે. લોહીમાં હાજર એક ખાસ પ્રકારના પ્રોટીન અને એન્ઝાઇમનું એલએફટી દ્વારા પરીક્ષણ કરવામાં આવે છે. આ દર્શાવે છે કે વ્યક્તિનું લીવર યોગ્ય રીતે કામ કરી રહ્યું છે કે નહીં.

ડાયાબિટીસ, હૃદયના દર્દીઓ અને હાઈ બ્લડ પ્રેશર ધરાવતા લોકો માટે કિડની ફંક્શન ટેસ્ટ અથવા રેનલ ફંક્શન ટેસ્ટ ખૂબ જ મહત્વપૂર્ણ માનવામાં આવે છે. આના દ્વારા, કિડની યોગ્ય રીતે કામ કરી રહી છે કે નહીં, તમને કિડની સંબંધિત કોઈ બીમારી છે કે નહીં, તે જાણી શકાય છે.

પ્રિ-ડાયાબિટીસ, બોર્ડર લાઇન ડાયાબિટીસ અથવા ડાયાબિટીસ જેવા રોગો HbA1c ટેસ્ટ દ્વારા શોધી કાઢવામાં આવે છે. ડૉક્ટરનું કહેવું છે કે HbA1c ટેસ્ટ દ્વારા છેલ્લા ત્રણ મહિનાથી વ્યક્તિનું સરેરાશ બ્લડ શુગર લેવલ શોધી કાઢવામાં આવે છે. આ ટેસ્ટ દ્વારા ડાયાબિટીસ જેવી અસાધ્ય બીમારીઓથી બચી શકાય છે.