IPL Auction 2024: 72 ખેલાડીઓને ખરીદવા વિવિધ ફ્રેન્ચાઇઝીએ ખર્ચ્યા 230.45 કરોડ, સ્ટીવ સ્મિથ સહિત આ ખેલાડીઓને ન મળ્યા ખરીદદાર, જુઓ લિસ્ટ
IPL 2024: હરાજીમાં ભારત તરફથી હર્ષલ પટેલ સૌથી મોંઘો વેચાયો હતો. તેને પંજાબ કિંગ્સે 11.75 કરોડ રૂપિયામાં ખરીદ્યો હતો.
IPL Auction 2023: આઈપીએલની હરાજી પૂરી થઈ ગઈ છે. આ મીની હરાજીમાં 300થી વધુ ખેલાડીઓનું ભાવિ દાવ પર હતું. જો કે, તેમાંથી માત્ર 72 ખેલાડીઓ પર જ બોલી લગાવવામાં આવી હતી, જેના માટે ફ્રેન્ચાઇઝી દ્વારા 230.45 કરોડ ખર્ચવામાં આવ્યા હતા. ઓક્શનમાં ઓસ્ટ્રેલિયાનો ફાસ્ટ બોલર મિચેલ સ્ટાર્ક સૌથી મોંઘો ખેલાડી રહ્યો હતો. તેને કોલકાતા નાઈટ રાઈડર્સે 24.75 કરોડ રૂપિયામાં ખરીદ્યો હતો. જ્યારે પેટ કમિન્સને સનરાઇઝર્સ હૈદરાબાદે 20.50 કરોડ રૂપિયામાં ખરીદ્યો હતો. આ હરાજીમાં છ ખેલાડીઓ પર 10 કરોડ રૂપિયા કે તેથી વધુની બોલી લગાવવામાં આવી હતી. કુલ 39 ખેલાડીઓ કરોડપતિ બન્યા. એટલે કે તેમના પર રૂ. 1 કરોડ કે તેથી વધુની બોલી લગાવવામાં આવી હતી.
હરાજીમાં ભારત તરફથી હર્ષલ પટેલ સૌથી મોંઘો વેચાયો હતો. તેને પંજાબ કિંગ્સે 11.75 કરોડ રૂપિયામાં ખરીદ્યો હતો. સમીર રિઝવી આ હરાજીમાં સૌથી મોંઘો અનકેપ્ડ ખેલાડી હતો. તેને ચેન્નાઈ સુપર કિંગ્સે 8.40 કરોડ રૂપિયામાં ખરીદ્યો હતો. હરાજી પહેલા તમામ ટીમો પાસે કુલ 262.95 કરોડ રૂપિયાનો ખર્ચ હતો. 10 ટીમોએ કુલ 230.45 કરોડ રૂપિયાનો ખર્ચ કર્યો હતો. આ હરાજીમાં કુલ નવ અનકેપ્ડ ખેલાડીઓ કરોડપતિ બન્યા અને તમામ ભારતીય છે.
IPLમાં પહેલીવાર બિડિંગ રૂ. 20 કરોડને પાર
IPLમાં પહેલીવાર બિડિંગ રૂ. 20 કરોડને વટાવી ગઈ. લીગના ઈતિહાસમાં સૌથી મોટી બોલી મિશેલ સ્ટાર્ક (24.75 કરોડ, KKR), પેટ કમિન્સ (20.5 કરોડ, SRH) પર લગાવવામાં આવી હતી અને બિડિંગ માટે ઓસ્ટ્રેલિયન ક્રિકેટરો આકર્ષણનું કેન્દ્ર હતા. લીગમાં આ દેશના ટોચના ક્રિકેટરોની ઉપલબ્ધતાની જાહેરાતના પરિણામે IPL ટીમોએ તેમના પર તેમની તિજોરી ખોલી.
Presenting the Top 5⃣ buys of #IPLAuction 2024 😎
— IndianPremierLeague (@IPL) December 19, 2023
Mitchell Starc tops the list with a whopping amount of INR 24.75 Crore 🔥#IPL pic.twitter.com/3ky8QsixV1
લેફ્ટ આર્મ ફાસ્ટ બોલર સ્પેન્સર જોન્સનનું નામ બહુ ઓછા લોકો જાણે છે, પરંતુ ગુજરાતે આ ક્રિકેટર પર 10 કરોડ રૂપિયાનું રોકાણ કર્યું છે. વર્લ્ડ કપ ફાઇનલમાં સદી ફટકારનાર ટ્રેવિસ હેડ (6.8 કરોડ)ને સનરાઇઝર્સ હૈદરાબાદે અને ફાસ્ટ બોલર જે રિચર્ડસન (5 કરોડ)ને દિલ્હીએ લીધો હતો. IPL ટીમોને ફાસ્ટ બોલરો અને ઓલરાઉન્ડરની જરૂરિયાતનો ફાયદો ઓસ્ટ્રેલિયન ક્રિકેટરોને મળ્યો. ટીમોની આ જરૂરિયાતને કારણે ડેરિલ મિશેલ (14 કરોડ), હર્ષલ પટેલ (11.75 કરોડ) અને અલઝારી જોસેફ (11.5 કરોડ) પણ અમીર બની ગયા.
યુપીના સમીર, યશ, શિવમ પર પૈસાનો વરસાદ થયો
યુપીના ક્રિકેટરોએ બિડિંગમાં પોતાની છાપ છોડી. CSKએ મેરઠના સમીર રિઝવી પર 8.40 કરોડ રૂપિયાનું રોકાણ કર્યું હતું, જે અત્યાર સુધી દુનિયા માટે અજાણ હતા. રિઝવીને UP T-20 લીગમાં તેના શાનદાર પ્રદર્શન માટે એવોર્ડ મળ્યો હતો. જ્યારે IPLમાં રિંકુ સિંહની એક ઓવરમાં સતત પાંચ સિક્સર ફટકારનાર પ્રયાગરાજના યશ દયાલને રોયલ ચેલેન્જર્સ બેંગ્લોરે 5 કરોડ રૂપિયામાં ખરીદ્યો હતો. નોઈડાના શિવમ માવી ફરી એકવાર આઈપીએલ ટીમોનું આકર્ષણ હતું. ગુજરાત બાદ આ વખતે લખનૌ સુપરજાયન્ટ્સે તેના પર 6.4 કરોડ રૂપિયા ખર્ચ્યા છે. હાપુરના કાર્તિક ત્યાગીને ગુજરાત ટાઇટન્સે 60 લાખમાં પોતાની ટીમમાં સામેલ કર્યો હતો.
સ્ટીવ સ્મિથ સહિત આ ખેલાડી અનસોલ્ડ રહ્યા
સ્ટીવ સ્મિથ, જોશ ઈંગ્લીશ, લોકી ફર્ગ્યુસન, આદિલ રશિદ, ઈશ સોઢી, મનીષ પાંડે, કરુણ નાયર, કુશલ મેંડિસ, કુલદીપ યાદવ, ઈશાન પોરેલ, સરફરાઝ ખાન સહિત ઘણા ખેલાડીઓ અનસોલ્ડ રહ્યા હતા.
અનસોલ્ડ રહેલા ખેલાડીઓનું લિસ્ટ
ટ્રેન્ડિંગ સમાચાર
ટોપ સ્ટોરી
