તોફાની બેટરોની તોફાની બેટિંગ... SRH ના હેડ-અભિષેક અને કિશને રાજસ્થાની કરી ધુલાઇ
SRH Powerplay Score: ચોથા ઓવરના પહેલા બોલ પર અભિષેક શર્મા આઉટ થયો, ત્યાં સુધીમાં SRHનો સ્કોર 45 રન સુધી પહોંચી ગયો હતો
SRH Powerplay Score: IPL 2025 ની બીજી મેચમાં સનરાઇઝર્સ હૈદરાબાદે અપેક્ષા મુજબ બેટિંગમાં તે જ રંગ બતાવ્યો છે જે તેણે ગઇ સિઝનમાં બતાવ્યો હતો. હૈદરાબાદના રાજીવ ગાંધી ઇન્ટરનેશનલ ક્રિકેટ સ્ટેડિયમમાં હૈદરાબાદને પ્રથમ બેટિંગ માટે આમંત્રણ આપવામાં આવ્યું હતું. હૈદરાબાદ તરફથી અભિષેક શર્મા અને ટ્રેવિસ હેડે ઇનિંગની શરૂઆત કરી. પહેલી જ ઓવરમાં અભિષેકે તોફાની રીતે બેટ ફેરવવાનું શરૂ કરી દીધું. ટ્રેવિસ હેડે પણ બીજી ઓવરમાં પોતાની છાપ છોડવાનું શરૂ કર્યું.
અભિષેક પછી કિશન અને હેડે હાહાકાર મચાવ્યો -
ચોથા ઓવરના પહેલા બોલ પર અભિષેક શર્મા આઉટ થયો, ત્યાં સુધીમાં SRHનો સ્કોર 45 રન સુધી પહોંચી ગયો હતો. સામાન્ય રીતે વિકેટ પડ્યા પછી બેટિંગ ટીમ દબાણમાં આવે છે, પરંતુ ઇશાન કિશને ટ્રેવિસ હેડને ખૂબ જ સારો ટેકો આપ્યો. પાંચમી ઓવર સુધીમાં, હૈદરાબાદ 78 રન બનાવી ચૂક્યું હતું અને રન રેટ 15 થી ઉપર હતો.
પાંચમી ઓવર ઘાતક બોલર જોફ્રા આર્ચર દ્વારા ફેંકવામાં આવી હતી અને ટ્રેવિસ હેડ દ્વારા તેને ખરાબ રીતે ફટકારવામાં આવ્યો હતો. હેડે તેની ઓવરમાં 23 રન બનાવ્યા, જેમાં ચાર ચોગ્ગા અને એક છગ્ગાનો સમાવેશ થતો હતો. છઠ્ઠી ઓવરમાં, હેડ અને કિશનએ મળીને 16 રન બનાવ્યા, આમ SRH એ પાવરપ્લેમાં એક વિકેટના નુકસાને 94 રન બનાવ્યા. આ સમય સુધીમાં, હેડે તોફાની રીતે 18 બોલમાં 46 રન બનાવી લીધા હતા. જ્યારે કિશને 9 બોલમાં 20 રન બનાવ્યા હતા.
પાવરપ્લેમાં પણ SRHનો સ્કૉર સૌથી વધુ -
આઈપીએલના ઇતિહાસમાં પાવર પ્લેમાં સૌથી વધુ સ્કોર બનાવવાનો રેકોર્ડ પણ સનરાઇઝર્સ હૈદરાબાદના નામે છે. IPL 2024 માં દિલ્હી કેપિટલ્સ સામે સનરાઇઝર્સ હૈદરાબાદે પ્રથમ 6 ઓવરમાં કોઈ વિકેટ ગુમાવ્યા વિના 125 રન બનાવ્યા હતા. SRH પણ આ મામલે બીજા સ્થાને છે, ગયા સિઝનમાં હૈદરાબાદની ટીમે લખનૌ સુપર જાયન્ટ્સ સામે પાવર પ્લેમાં 107 રન બનાવ્યા હતા.
ટ્રેન્ડિંગ સમાચાર
ટોપ સ્ટોરી
