Royal Enfieldની પહેલી ઇલેક્ટ્રિક બાઇકની આ તારીખે થશે ભારતમાં એન્ટ્રી, લોન્ચ પહેલા ફોટો થયો લીક

Royal Enfield Electric Photo Leaked: રોયલ ઈનફીલ્ડ (Royal Enfield) ભારતમાં પ્રથમ ઇલેક્ટ્રિક બાઇક લોન્ચ કરવા જઈ રહી છે. પરંતુ આ ઈલેક્ટ્રિક બાઈકના લોન્ચિંગનો પહેલો ફોટો લીક થઈ ગયો છે. આ બાઇક 4 નવેમ્બરે લોન્ચ થશે.

રોયલ ઈનફીલ્ડ

Source : MCN

Royal Enfield Electric Motorcycle:  રોયલ ઈનફિલ્ડની બાઈક ભારતીય બજારમાં ઘણી લોકપ્રિય છે. હવે બ્રિટિશ ઓટોમેકર પ્રથમ ઇલેક્ટ્રિક બાઇક લોન્ચ કરવાની તૈયારી કરી રહી છે. ઈલેક્ટ્રિક મોટરસાઈકલના લોન્ચિંગમાં માત્ર થોડા જ દિવસો બાકી છે, પરંતુ તે પહેલા આ ઈવીનો પહેલો ફોટો સામે આવ્યો છે. આ તસવીર MCN દ્વારા શેર કરવામાં આવી છે. Royal Enfield Electricનું આ મોડલ બાઇકનું પ્રોટોટાઇપ બની શકે છે.

રોયલ એનફિલ્ડ ઇલેક્ટ્રિક ક્યારે લોન્ચ થશે?
બાઇક મેન્યુફેક્ચરિંગ કંપનીએ હાલમાં જ રોયલ એનફિલ્ડ ઇલેક્ટ્રિક વિશે એક ટીઝર શેર કર્યું હતું, જેમાં ઓટોમેકરે 4 નવેમ્બરની ખાસ તારીખ આપી છે, જેના પરથી અનુમાન લગાવી શકાય છે કે આ EV આ દિવસે માર્કેટમાં લોન્ચ થઈ શકે છે. બાઇક નિર્માતાએ આ બાઇકની રેન્જ તેમજ પર્ફોમન્સ પર ધ્યાન કેન્દ્રિત કર્યું છે.

રોયલ એનફિલ્ડ ઇલેક્ટ્રિકની રેન્જ
રોયલ એનફિલ્ડ ઇલેક્ટ્રિક આ બ્રાન્ડની અન્ય બાઇક્સની સરખામણીમાં સ્લિમ બોડી સાથે આવી શકે છે. આ EV શહેરની સવારી માટે વધુ સારો વિકલ્પ બની શકે છે. રોયલ એનફિલ્ડની અન્ય બાઈકની સરખામણીમાં આ મોટરસાઈકલનો દેખાવ પણ અલગ હોઈ શકે છે. Royal Enfieldની આ ઇલેક્ટ્રિક બાઇકની રેન્જ 100 થી 160 કિલોમીટરની વચ્ચે હોઇ શકે છે.

રોયલ એનફિલ્ડ ev ની કિંમત
રોયલ એનફિલ્ડ ઇલેક્ટ્રિકની પાવરટ્રેન અને તેની રેન્જ વાહનની કિંમતમાં વધારો કરી શકે છે. આ EVની કિંમત કન્વેન્શન બાઇક કરતાં વધુ હોઈ શકે છે. રોયલ એનફિલ્ડ આ બાઇકમાં ઘણા ફીચર્સનો સમાવેશ કરી શકે છે, જેમાં રાઇડિંગ મોડની સાથે ડ્યુઅલ-ચેનલ ABS પણ સામેલ હોઈ શકે છે. આ મોટરસાઇકલમાં એલોય વ્હીલ્સની સાથે ડિસ્ક બ્રેક પણ મળી શકે છે.

આ પ્રથમ ઈલેક્ટ્રિક બાઈક લૉન્ચ કર્યા બાદ Royal Enfield બજારમાં વધુ મોડલ રજૂ કરી શકે છે. આ પછી રોયલ એનફિલ્ડ હિમાલયન (Himalayan)નું ઇલેક્ટ્રિક મોડલ લાવી શકાય છે.

તમને જણાવી દઈએ કે, Royal Enfield એ સપ્ટેમ્બર 2024 માં તેના વેચાણમાં 6.82% નો વધારો નોંધાવ્યો છે. કંપનીએ આ મહિને કુલ 79,326 મોટરસાઇકલનું વેચાણ કર્યું હતું, જ્યારે ગયા વર્ષે આ જ મહિનામાં 74,261 એકમોનું વેચાણ થયું હતું. આ વૃદ્ધિએ ફરી એકવાર કંપનીની તાકાત અને લોકપ્રિયતા સાબિત કરી છે.

આ પણ વાંચો...