RRRમાં પતિ રામચરણનું કામ જોઈને ખુશ થઈ ગયેલી પત્નિ ઉપાસનાએ શું કર્યું ? જુઓ વીડિયો
RRR : ઉપાસના કામીનેની પણ થિયેટરમાં પહોંચીને ચાહકો સાથે રામચરણની સફળતાની ઉજવણી કરતી જોવા મળી હતી.
RRR : બોલિવૂડની ફિલ્મ 'કાશ્મીર ફાઇલ્સ'ને ટક્કર આપતી સાઉથની ફિલ્મ 'RRR'એ ધૂમ મચાવી છે. એસએસ રાજામૌલી દ્વારા નિર્દેશિત આ ફિલ્મે રિલીઝ થતાની સાથે જ ધૂમ મચાવી દીધી છે. જુનિયર એનટીઆર અને રામ ચરણની જોડીને થિયેટરોમાં સાથે જોઈને ચાહકો ખૂબ જ ખુશ છે. લોકો તેમની જોડીને ખૂબ પસંદ કરે છે. સિનેમા હોલમાં ફેન્સ ખુબ જ આનંદિત છે, રામચરણની પત્ની ઉપાસના કામીનેની પણ થિયેટરમાં પહોંચીને ચાહકો સાથે રામચરણની સફળતાની ઉજવણી કરતી જોવા મળી હતી. આજે રામ ચરણનો જન્મદિવસ છે અને તેના માટે આનાથી વધુ સારી ભેટ બીજી કઈ હોય. ઉપાસનાનો ખુશી વ્યક્ત કરતો એક વીડિયો પણ સોશિયલ મીડિયા પર વાયરલ થઈ રહ્યો છે. જુઓ આ વિડીયો
View this post on Instagram
ફિલ્મ RRR રિલીઝ થયા બાદ રામ ચરણ તેની પત્ની ઉપાસના કામીનેની સાથે ફિલ્મ જોવા માટે થિયેટરમાં ગયા હતા. આ શાનદાર ફિલ્મમાં કામ કરીને રામચરણે પોતાના ચાહકોને એક મોટી ભેટ આપી દીધી હતી. બાદમાં તેણે પત્ની ઉપાસના કામીનેની સાથે થિયેટરમાં પહોંચીને ચાહકોને વધુ ખુશ કર્યા. રામ ચરણ થિયેટરમાં પહોંચતા જ ચાહકોએ તાળીઓ અને સીટીઓ વડે તેમનું સ્વાગત કર્યું.
રામ ચરણ પ્રત્યે ચાહકોના આ પ્રેમ અને ઉત્સાહને જોઈને, ઉપાસના કામીનેનીએ પણ તેને ટેકો આપવાનું શરૂ કર્યું અને થિયેટરમાં પ્રેક્ષકોની સાથે તેના પતિનો ઉત્સાહ વધારવાનું શરૂ કર્યું. આ પછી તેની પ્રતિક્રિયાના લોકોએ વીડિયો બનાવવાનું શરૂ કર્યું. કેમેરામાં કેદ થયેલ તેનો મસ્તીથી ભરેલો વીડિયો વાયરલ થવા લાગ્યો.
લોકો ઉપાસનાને ખૂબ પસંદ કરી રહ્યા છે. વીડિયોમાં તે ખૂબ જ ક્યૂટ લાગી રહી છે. રામચરણની પત્ની જ નહીં, તેના પિતા સાઉથ સુપરસ્ટાર ચિરંજીવી પણ તેની સફળતાથી ખૂબ જ ખુશ છે. પોતાના પુત્રની ફિલ્મ RRR જોયા બાદ ચિરંજીવીએ પણ ફિલ્મના વખાણ કરતા ટ્વિટ કરી હતી.
તમને જણાવી દઈએ કે રામચરણનું નામ સવારથી ટ્વિટર પર ટ્રેન્ડ કરી રહ્યું છે. લોકો તેની ફિલ્મની સફળતા અને જન્મદિવસ પર તેને અભિનંદન આપી રહ્યા છે.
ટ્રેન્ડિંગ સમાચાર
ટોપ સ્ટોરી
