Cycling Benefits: શું નિયમિત સાયક્લિંગથી આ જીવલેણ બીમારીનું ઘટે છે જોખમ, જાણો શું કહે છે રિસર્ચ

Health : રોજ એક કલાક સાયકલ ચલાવવાથી સ્વાસ્થ્યને પહોંચે આ અદભૂત ફાયદા, આ જીવેલણ રોગનું જોખમ ઘટે છે,જાણીએ સાયક્લિંગના અદભૂત અન્ય ફાયદા વિશે વિસ્તારથી

પ્રતીકાત્મક તસવીર ( freepik)

Source : freepik

Cycling Benefits:ફિટ રહેવા માટે, આપણા માટે શારીરિક રીતે સક્રિય રહેવું ખૂબ જ જરૂરી છે. તેથી, એ જરૂરી છે કે આપણે આપણી દિનચર્યામાં આવી કેટલીક પ્રવૃત્તિનો સમાવેશ કરીએ જેથી આપણે સક્રિય રહી શકીએ. સાયકલિંગ એ એક એવી પ્રવૃત્તિ છે જે આપણા સ્વાસ્થ્ય માટે ખૂબ જ ફાયદાકારક હોઈ શકે છે. જાણો દરરોજ થોડીવાર સાયકલ ચલાવવાના શું ફાયદા છે.

દરરોજ થોડો સમય સાયકલ ચલાવવાથી તમારું માનસિક સ્વાસ્થ્ય સુધરી શકે છે. સાયકલ ચલાવવાથી મનને આરામ મળે છે અને તણાવ અને ચિંતા જેવી સમસ્યાઓ ઓછી થાય છે. વાસ્તવમાં, સાયકલ ચલાવવી એ એક પ્રકારની કસરત છે, જેના કારણે બ્રેઇનમાં હેપ્પી  હોર્મોન્સ રીલીઝ થાય છે. . તેનાથી તમારો તણાવ ઓછો થાય છે અને તમારો મૂડ પણ સુધરે છે.

બેઠાડુ જીવનશૈલીના કારણે વજન વધવાની સમસ્યા સામાન્ય છે, પરંતુ તેના કારણે વ્યક્તિને મેદસ્વીતા, ડાયાબિટીસ વગેરે જેવી ઘણી બીમારીઓનો સામનો કરવો પડી શકે છે. આમાં સાયકલ ચલાવવી ખૂબ જ ફાયદાકારક સાબિત થઈ શકે છે. સાયકલ ચલાવવાથી આપણું શરીર કેલરી બર્ન કરે છે, જેના કારણે શરીરમાં વધારાની ચરબી જમા થતી નથી અને વજન વધવાની સમસ્યા ઓછી થાય છે. તેથી, સાયકલિંગ તંદુરસ્ત વજન જાળવવામાં ખૂબ મદદરૂપ સાબિત થઈ શકે છે.

સાયકલિંગ આપણા સ્નાયુઓની કસરત કરે છે, જે તેમને ટોન કરે છે અને તેમને મજબૂત બનાવે છે. પગના સ્નાયુઓ માટે આ ખાસ કરીને ફાયદાકારક છે. આ ઉપરાંત, તે હિપ્સ અને પીઠના સ્નાયુઓ માટે પણ ફાયદાકારક છે.

સાયકલિંગ એ એરોબિક કસરતનો એક પ્રકાર છે, જે હૃદય અને ફેફસાં માટે ખૂબ જ ફાયદાકારક છે. દરરોજ સાયકલ ચલાવવાથી રક્ત પરિભ્રમણ સુધરે છે અને બ્લડ પ્રેશર પણ જળવાઈ રહે છે. હૃદયને વધુ સારી રીતે કાર્ય કરવા માટે આ બંને જરૂરી છે.

હેવી વર્ક આઉટને કારણે આપણા સાંધાઓ પર તણાવ આવ રહે છે અને તેના કારણે ઘૂંટણમાં ઈજા થવાનું જોખમ રહેલું છે, પરંતુ સાઈકલ ચલાવવાથી તમારા ઘૂંટણ પર વધારે દબાણ નથી પડતું અને કસરત પણ થાય છે.