Gujarat Rain forecast: આ 4 જિલ્લામાં ભારેથી અતિભારે વરસાદની આગાહી, હવામાન વિભાગે આપ્યું રેડ એલર્ટ
Gujarat Rain forecast: બંગાળની ખાડીમાં સર્જાયેલી સિસ્ટમના કારણે ઉત્તર ગુજરાત, મધ્ય ગુજરાતમાં સહિતના કેટલાક જિલ્લામાં મેઘમહેર જોવા મળી રહી છે.
Gujarat Rain forecast: હવામાન વિભાગની (Meteorological Department) આગાહી મુજબ રાજ્યભરમાં આજે પણ ભારે વરસાદનું (rain) અનુમાન છે. હવામાન વિભાગે ભારે વરસાદની (heavy rain) આગાહી વ્યક્ત કરી છે. ભારે વરસાદના અનુમાનને લઇને હવામાન વિભાગે ચાર જિલ્લામાં રેડ એલર્ટ, તો 22 જિલ્લામાં ભારેથી અતિભારે વરસાદનું અનુમાન છે. હવામાન વિભાગે આઠ જિલ્લામાં વરસાદનું ઓરેન્જ એલર્ટ જાહેર કર્યું છે.
હવામાન વિભાગના અનુમાન મુજબ કચ્છ-સૌરાષ્ટ્રના અમરેલી અને ભાવનગર જિલ્લામાં અત્યંત ભારે વરસાદ વરસી શકે છે. તો જૂનાગઢ, ગીર સોમનાથ, રાજકોટ, બોટાદ, મોરબી અને સુરેન્દ્રનગરમાં પણ વરસાદનું ઓરેન્જ એલર્ટ અપાયું છે. , કચ્છ દ્વારકા,જામનગર, પોરબંદરમાં પણ ભારે વરસાદની શક્યતા છે.
દક્ષિણગુજરાતના ભરૂચ અને સુરતમાં આજે અત્યંત ભારે વરસાદને લઇને હવામાન વિભાગે રેડ એલર્ટ જાહેર કર્યું છે. તો નર્મદા, તાપી, ડાંગ, નવસારી અને વલસાડમાં પણ ભારેથી અતિભારે વરસાદ વરસી શકે છે.
મધ્ય ગુજરાતના 7 જિલ્લામાં વરસાદનું ઓરેન્જ એલર્ટ છે તો આણંદ, ખેડા, વડોદરા, પંચમહાલ, મહીસાગર, દાહોદ અને છોટા ઉદેપુર જિલ્લામાં છુટાછવાયા સ્થળો પર ભારેથી અતિભારે વરસાદ વરસી શકે છે
ઉત્તર ગુજરાતના ચાર જિલ્લામાં વરસાદનું યલો તો એક જિલ્લામાં વરસાદનું ઓરેન્જ એલર્ટ જાહેર કરવામાં આવ્યું છે.. પાટણ, મહેસાણા, સાબરકાંઠા અને બનાસકાંઠામાં ભારે વરસાદ વરસી શકે છે. તો અરવલ્લીમાં ભારેથી અતિભારે વરસાદની આગાહી કરવામાં આવી છે.
સંઘ પ્રદેશ દીવ, દમણ અને દાદરાનગર હવેલીમાં આજે છુટાછવાયા સ્થળોએ ભારેથી અતિભારે વરસાદની આગાહી છે. અતિભારે વરસાદની આગાહીને પગલે સ્થાનિક પ્રશાસન એલર્ટ મોડ પર છે.
સતત ચોથા દિવસે પાટણ જિલ્લામાં મેઘરાજા મહેરબાન છે. પાટણ શહેર સહિત અનાવાડા, ગોલાપુર, કતપુર, હાજીપુર સહિતના ગ્રામ્ય વિસ્તારોમાં ધોધમાર વરસાદ વરસતાં અને વિસ્તાર જળમગ્ન થયા છે. ..
રાજ્યના 206 પૈકી 94 જળાશયો હાઈએલર્ટ,એલર્ટ અને વોર્નિંગ પર છે. જેમાંથી પૈકી 90 ટકા ભરાયેલા 66 જળાશયો હાઈએલર્ટ પર છે. , 80થી 90 ટકા ભરાયેલા 17 જળાશયો એલર્ટ પર , તો 70થી 80 ટકા ભરાયેલા 11 જળાશયો વોર્નિંગ પર છે.
સિઝનનો અત્યાર સુધીમાં કેટલો વરસ્યો વરસાદ
ચોમાસાની સિઝનનો રાજ્યમાં અત્યાર સુધીમાં 74.68 ટકા વરસાદ વરસી ચૂક્યો છે. સૌથી વધુ દક્ષિણ ગુજરાતમાં 88.99, તો કચ્છમાં સિઝનનો અત્યાર સુધીમાં 88.97 ટકા વરસાદ વરસી ચૂક્યો છે.સૌરાષ્ટ્રમાં ચોમાસાની સિઝનનો અત્યાર સુધીમાં 82.26 ટકા વરસાદ.. તો મધ્ય ગુજરાતમાં 59.22 ટકા અને ઉત્તર ગુજરાતમાં ચોમાસાની સિઝનનો અત્યાર સુધીમાં 55.97 ટકા વરસાદ વરસી ચૂક્યો છે.
ટ્રેન્ડિંગ સમાચાર
ટોપ સ્ટોરી
