Weather: બેવડી ઋતુમાં મોટી આગાહી, આજે સૌરાષ્ટ્ર-ગુજરાતના આ ભાગોમાં થશે માવઠું
Gujarat Weather: રાજ્યમાં હવામાનમાં જોરદાર પલટો આવ્યો છે. સવારે ઠંડીનો અનુભવ થઇ રહ્યો છે તો વળી, બપોરે ભરઉનાળાનો અહેસાસ થઇ રહ્યો છે
Gujarat Weather: રાજ્યમાં અત્યારે બેવડી ઋતુનો અનુભવાઇ રહી છે. ક્યાંક હીટવેવ છે તો ક્યાંક ઠંડા પવનો ફૂંકાઇ રહ્યાં છે. હવામાનનું મૂડ અલગ જ દેખાઇ રહ્યું છે. પરંતુ આ બધાની વચ્ચે હવે હવામાન વિભાગે એક મોટી આગાહી કરી છે, તેમના મતે આજે અને આવતીકાલે સૌરાષ્ટ્ર, ઉત્તર અને મધ્ય ગુજરાતના કેટલાક ભાગોમાં માવઠુ થઇ શકે છે. તો વળી, બીજીબાજુ પહેલી એપ્રિલ સુધી ગુજરાતના દરિયાકાંઠાના વિસ્તારોમાં ગરમ અને ભેજવાળું હવામાન રહેશે તેવું અનુમાન પણ છે.
રાજ્યમાં હવામાનમાં જોરદાર પલટો આવ્યો છે. સવારે ઠંડીનો અનુભવ થઇ રહ્યો છે તો વળી, બપોરે ભરઉનાળાનો અહેસાસ થઇ રહ્યો છે. બેવડી ઋતુની વચ્ચે હવામાન વિભાગે માવઠાની આગાહી કરી છે. હવામાન વિભાગની આગાહી પ્રમાણે, આજે સૌરાષ્ટ્રમાં હીટવેવ તો રહેશે જ પરંતુ સાથે સાથે કેટલાક ભાગોમાં માવઠુ પણ થઇ શકે છે. આ ઉપરાંત દક્ષિણ ગુજરાતના કેટલાક સ્થળો પર માવઠુ થશે. આજે અને આવતીકાલ ઉપરાંત બુધવારે ઉત્તર ગુજરાત અને મધ્ય ગુજરાતમાં માવઠુ થવાની પુરેપુરી શક્યતા હવામાન વિભાગે વ્યક્ત કરી છે, સાથે જ આ સમયે 30 થી 40 કિલોમીટરની ઝડપે પવનો પણ ફૂંકાશે.
હવામાન વિભાગે આપેલી માહિતી પ્રમાણે, રવિવારે સૌથી વધુ તાપમાન મહુવામાં 41.6 ડિગ્રી નોંધાયું હતું. આ સાથે રાજકોટ, સુરેન્દ્રનગરમાં તાપમાનનો પારો 40 ડિગ્રી ઉપર પહોંચ્યો હતો. પોરબંદર અને વડોદરામાં 39 ડિગ્રીની ઉપર તાપમાન નોંધાયું હતું. આ સાથે અમદાવાદ, ગાંધીનગર, સુરત, ભાવનગરમાં તાપમાન 38 ડિગ્રીની ઉપર નોંધાયું હતું. તો બીજી બાજુ રવિવારે સૌથી નીચું લઘુત્તમ તાપમાન નલિયામાં 13.6 ડિગ્રી નોંધાયું હતું.
હવામાન વિભાગે આપેલી માહિતી પ્રમાણે, આજે માર્ચ મહિનાના છેલ્લા દિવસે પોરબંદર જિલ્લામાં હીટવેવની સાથે યલો એલર્ટ જાહેર કરવામાં આવ્યું છે. આ સાથે ગુજરાતના દરિયાકિનારાના વિસ્તારોમાં બફારો અનુભવાશે. આ ઉપરાંત, આજે સોમવારે અમદાવાદ અને તેની આસપાસના વિસ્તારોમાં મહત્તમ તાપમાન 40 ડિગ્રી અને લઘુતમ તાપમાન 20 ડિગ્રી રહેવાની શક્યતા છે. માવઠાની વાત કરીએ તો, દક્ષિણ ગુજરાતના નર્મદા, તાપી અને ડાંગ જિલ્લાઓમાં અલગ અલગ સ્થળોએ 30થી 40 કિમી પ્રતિ કલાકની ઝડપે વીજળી અને પવન સાથે હળવા વાવાઝોડા સાથે હળવો વરસાદ થવાની શક્યતા છે.
હવામાન વિભાગે એપ્રિલ મહિનાની પહેલી તારીખે વાવાઝોડાની ચેતવણી આપી છે. મંગળવારે સૌરાષ્ટ્રના અમરેલી અને ભાવનગર જિલ્લાઓમાં તથા દક્ષિણ ગુજરાતના છોટા ઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી, દમણ અને દાદરા નગર હવેલી જિલ્લાઓમાં અલગ અલગ સ્થળોએ 30થી 40 કિમી પ્રતિ કલાકની ઝડપે વીજળી અને પવન સાથે હળવા વાવાઝોડા સાથે હળવાથી મધ્યમ વરસાદની શક્યતા છે.
બીજી તારીખને બુધવારે પણ વાવાઝોડાની ચેતવણી હવામાન વિભાગ દ્વારા આપવામાં આવી છે. સૌરાષ્ટ્રના જિલ્લાઓમાં એટલે કે અમરેલી, ભાવનગર, ગીર સોમનાથ, બોટાદ અને દીવ તથા દક્ષિણ ગુજરાતના તમામ જિલ્લાઓમાં નર્મદા, ભરૂચ, સુરત, ડાંગ, નવસારી, વલસાડ, તાપી, દમણ અને દાદરા નગર હવેલી તથા વડોદરા, છોટા ઉદેપુર, ઉત્તર ગુજરાતના જિલ્લાઓ અરવલ્લી, ખેડા, આણંદ, પંચમહાલ, દાહોદ અને મહિસાગરમાં છૂટાછવાયા સ્થળોએ હળવાથી મધ્યમ વરસાદની શક્યતા છે. આ સાથે અહીં વીજળી અને 30થી 40 કિમી પ્રતિ કલાકના પવન સાથે હળવા વાવાઝોડા સાથે હળવા વરસાદની શક્યતા છે.
ટોપ સ્ટોરી
ટ્રેન્ડિંગ સમાચાર
