Local Body Election Result 2025: આ જગ્યાએ ચૂંટણીના પરિણામ બાદ લોરેન્સ બિશ્નોઇના પોસ્ટર સાથે ઉજવણી કરાઈ, વીડિયો વાયરલ થયો
ખેડામાં કુખ્યાત ગેંગસ્ટર લોરેન્સ બિશ્નોઇના પોસ્ટર સાથે મત ગણતરી કેન્દ્ર બહાર સમર્થકો ઉમટી પડ્યા હતા. મહેમદાવાદ સોનાવાલા હાઈસ્કૂલ નજીક આ ઘટના બની હતી.
Local Body Election Result 2025 : સ્થાનિક સ્વરાજની ચૂંટણીના પરિણામો આજે જાહેર થઈ રહ્યા છે. સવારે 9 વાગ્યાથી મતગણતરી શરૂ કરવામાં આવી હતી. જૂનાગઢ મહાનગરપાલિકા, 68 નગરપાલિકા અને 3 તાલુકા પંચાયતની ચૂંટણી માટે સરેરાશ 57 ટકા મતદાન થયું હતું. સ્થાનિક સ્વરાજની ચૂંટણીમાં ભારતીય જનતા પાર્ટીનો દબદબો જોવા મળી રહ્યો છે. ખેડામાં કુખ્યાત ગેંગસ્ટર લોરેન્સ બિશ્નોઇના પોસ્ટર સાથે મત ગણતરી કેન્દ્ર બહાર સમર્થકો ઉમટી પડ્યા હતા.
સોશિયલ મીડિયામાં આ વીડિયો વાયરલ થયો
મહેમદાવાદ સોનાવાલા હાઈસ્કૂલ નજીક આ ઘટના બની હતી. મહેમદાવાદના ચૂંટણી પરિણામોમાં લોરેન્સ બિસ્નોઈના પોસ્ટર સાથે ઉજવણી કરવામાં આવી હતી. હાલ તો સોશિયલ મીડિયામાં આ વીડિયો વાયરલ થયો છે. ભારે પોલીસ બંદોબસ્ત વચ્ચે જીતના ઉમેદવારને વધાવવા લોરેન્સના પોસ્ટર લહેરાવ્યા હતા.
બે ઈસમોની અટકાયત કરવામાં આવી
સમગ્ર અહેવાલ અનુસાર, મહેમદાવાદ નગરપાલિકામા લોરેન્સ બિશ્નોઇના બેનરો સાથેનો વિડિયો વાઇરલ થયો છે. સોનાવાલા હાઇસ્કુલ પાસે ઘટના બની હતી. ચૂંટણીનું પરિણામ જાહેર થતાં બેનરો સાથે ઉજવણી કરવામાં આવી હતી. વોર્ડ નંબર 4ના ભાજપના ઉમેદવારની જીતની ખુશીમાં સમર્થકોએ બેનર સાથે ચૂંટણીની જીતનો ઉત્સાહ બતાવ્યો હતો. લોરેન્સ બિશ્નોઇના પોસ્ટર વાળો વિડિયો સોશિયલ મીડિયામાં વાયરલ થયો છે. લોરેન્સના બેનર ફરકાવનાર બે ઈસમોની અટકાયત કરવામાં આવી છે. મહેમદાવાદ પોલીસ સ્ટેશન લઈ જવાયા છે. આ બન્ને લોરેન્સ જોડે સંપર્કમાં છે કે કેમ ! તે અંગે તપાસ શરુ કરવામાં આવી છે. ભાજપના વિજેતા ઉમેદવાર લોરેન્સના સંપર્કમા છે કે કેમ! તે અંગે પણ પોલીસે તપાસ શરુ કરી છે.
5 હજાર ઉમેદવારો મેદાનમાં હતા
સ્થાનિક સ્વરાજ્યની ચૂંટણીમાં 5775 દાવેદારો મેદાનમાં ઉતર્યા હતા અને કુલ 36 લાખ 71 હજાર 479 મતદારોને મતાધિકાર મળ્યો હતો. રાજ્યમાં પાલિકા-પંચાયતના યોજાયેલા મતદાનમાં ઘણા મતદાન મથકો પર મતદારોની લાંબી લાંબી કતારો પણ જોવા મળી હતી.
ઉલ્લેખનીય છે કે, આ વખતે સ્થાનિક સ્વરાજ્યની ચૂંટણી માટે કુલ 7036 ઉમેદવારીપત્રો દાખલ થયા હતા, જેમાંથી 1261 પત્રો અમાન્ય ઠર્યા, જ્યારે કે 5775 ઉમેદવારોની ઉમેદવારી માન્ય રાખવામાં આવી. જે બાદ 478 ઉમેદવારોએ ઉમેદવારીપત્ર પરત ખેંચ્યા, જેના કારણે 213 બેઠકો બિનહરીફ થઈ ગઈ. જેના પગલે હરિફાઇ હેઠળની બેઠકો માટે કુલ 5 હજાર 84 ઉમેદવારો ચૂંટણીના જંગમાં મેદાને ઉતર્યા હતાં.
Local Body Election Result 2025: ધોરાજી પાલિકામાં BJPનો ભગવો લહેરાયો, જાણો કેટલી બેઠકો જીતી
ટ્રેન્ડિંગ સમાચાર
ટોપ સ્ટોરી
