New Covid-19 Strain: કોરોનાના નવા સ્ટ્રેન બાદ દક્ષિણ આફ્રિકાથી મુંબઈ આવનારા મુસાફરોનું શું કરાશે ? જાણો વિગત
Omicron: મુંબઈના મેયર કિશોરી પેડનેકરે કહ્યું કે, જો કોઈ વ્યક્તિ કોવિડ-19 પોઝિટિવ આવશે તો જીનોમ સિક્વેસિંગ કરાશે.
New Covid-19 Strain: દક્ષિણ આફ્રિકામાં કોરોનાનો નવો સ્ટ્રેન મળ્યા બાદ વિશ્વભરમાં ફફડાટ ફેલાયો છે. આ બાજુ તંત્રએ કડકાઈ દાખવતાં દક્ષિણ આફ્રિકાથી મુંબઈ એરપોર્ટ આવતા પેસેન્જર્સ માટે ક્વોરન્ટાઈ અને જીનોમ સિક્વેંસિંગ કરાવવાનો ફેંસલો કર્યો છે.
મુંબઈના મેયર કિશોરી પેડનેકરે કહ્યું કે, જો કોઈ વ્યક્તિ કોવિડ-19 પોઝિટિવ આવશે તો જીનોમ સિક્વેસિંગ કરાશે. દક્ષિણ આફ્રિકાથી આવતી ફ્લાઇટો પર અનેક દેશોએ પ્રતિબંધ મુક્યો છે તેવા જ સમયે મુંબઈ પ્રશાસન દ્વારા આ ફેંસલો લેવામાં આવ્યો છે.
Every person returning from South Africa will be quarantined on arrival in Mumbai and their samples will be sent for genome sequencing: Mumbai Mayor Kishori Pednekar pic.twitter.com/bQwGlajO4Z
— ANI (@ANI) November 27, 2021
ગુજરાત સરકારે પણ મોટો નિર્ણય લીધો છે. યુરોપ, યુકે, બ્રાઝીલ, સાઉથ આફ્રિકા, બાંગ્લાદેશ, બોતસવાના, ચાઈનાથી આવતા મુસાફરોના ફરજીયાત ટેસ્ટ કરાશે. મોરેશિયસ, ન્યુઝીલેન્ડ, ઝિમ્બાવે અને હોંગકોંગથી આવતા મુસાફરોના પણ એરપોર્ટ RTPCR ટેસ્ટ કરાશે.
વર્લ્ડ હેલ્થ ઓર્ગેનાઈઝેશન (WHO) ની સલાહકાર સમિતિએ નવા પ્રકારના કોરોના વાયરસ (New Corona variant B.1.1.529) ને ‘Omricron’ નામ આપ્યું છે. આ સાથે WHOએ નવા કોરોના વેરિઅન્ટને 'ખૂબ જ ઝડપથી ફેલાતો ચિંતાજનક વેરિઅન્ટ' ગણાવ્યો છે.
આ પહેલા કોરોના વાયરસના ડેલ્ટા વેરિઅન્ટને પણ 'ખૂબ જ ઝડપથી ફેલાતા ચિંતાજનક વેરિઅન્ટ'ની શ્રેણીમાં મૂકવામાં આવ્યું હતું, જે વિશ્વભરમાં ફેલાઈ ગયો હતો અને મોટી સંખ્યામાં લોકો તેનો શિકાર બન્યા હતા. તે પ્રથમ વેરિઅન્ટ કરતાં વધુ ઝડપથી ફેલાય છે અને લોકોને ઝડપથી બીમાર બનાવે છે. નવા વેરિઅન્ટ 'Omricron' વિશે પણ એવું જ કહેવામાં આવી રહ્યું છે.
WHO ના ટેકનિકલ એડવાઈઝરી ગ્રુપ ઓન વાઈરસ ઈવોલ્યુશન (TAG-VE) ની એક બેઠક શુક્રવારે બોલાવવામાં આવી હતી, જેમાં નવા પ્રકાર B.1.1.529 અને તેના વર્તન અંગે ચર્ચા કરવામાં આવી હતી. મીટિંગ પછી, WHO પ્રવક્તાએ કહ્યું કે પ્રારંભિક અભ્યાસ દર્શાવે છે કે નવા પ્રકારમાં મ્યુટન્ટ્સની સંખ્યા ઘણી વધારે છે.
મળેલા પુરાવાના આધારે, WHO ના ટેકનિકલ સલાહકાર જૂથે તેને આ પ્રકારને ચિંતા તરીકે નિયુક્ત કરવાની સલાહ આપી હતી અને WHO એ B.1.1529 ને 'ચિંતાનો પ્રકાર' તરીકે નિયુક્ત કર્યા હતા. આ સાથે, "ઓમ્રીક્રોન" નામ પણ ગ્રીક અક્ષર પદ્ધતિ હેઠળ આપવામાં આવ્યું હતું.
ટેડ્રોસનું ટ્વિટ
WHO ના ડાયરેક્ટર-જનરલ ટેડ્રોસ અધાનમ ઘેબ્રેયેસસે ટ્વીટ કર્યું, "નવા COVID19 વાયરસ વેરિઅન્ટ 'Omricron' માં મોટી સંખ્યામાં પરિવર્તનો છે, જેમાંથી કેટલાક ચિંતાજનક છે. આથી જ આપણે શક્ય તેટલી ઝડપથી #VaccinEquity પહોંચાડવાની જરૂર છે અને દરેક જગ્યાએ સૌથી વધુ સંવેદનશીલ છે. "લોકોની સુરક્ષા માટે અમારા પ્રયત્નોને વધુ તીવ્ર બનાવવાની જરૂર છે."
ટોપ સ્ટોરી
ટ્રેન્ડિંગ સમાચાર
