![ABP Premium](https://cdn.abplive.com/imagebank/Premium-ad-Icon.png)
Surat: પોલીસની CPR ટ્રેનિંગ કામ લાગી, માર્કેટમાં બેભાન થઇ ગયેલી મહિલાને લેડી કૉન્સ્ટેબલે મોઢેથી શ્વાસ આપી બચાવી
સુરત પોલીસની એક પ્રસંશનીય કામગીરીનો વીડિયો હાલમાં ખુબ જ વાયરલ થઇ રહ્યો છે. હાલમાં વીડિયો વાયરલ થઇ રહ્યો છે
![Surat: પોલીસની CPR ટ્રેનિંગ કામ લાગી, માર્કેટમાં બેભાન થઇ ગયેલી મહિલાને લેડી કૉન્સ્ટેબલે મોઢેથી શ્વાસ આપી બચાવી Surat Police News: a lady police constable give CPR to surat woman after going into unconscious in market Surat: પોલીસની CPR ટ્રેનિંગ કામ લાગી, માર્કેટમાં બેભાન થઇ ગયેલી મહિલાને લેડી કૉન્સ્ટેબલે મોઢેથી શ્વાસ આપી બચાવી](https://feeds.abplive.com/onecms/images/uploaded-images/2024/01/08/52f037f44d3af6721ca9f8c73878270f170470368662977_original.jpg?impolicy=abp_cdn&imwidth=1200&height=675)
Surat Police News: સુરત પોલીસની એક પ્રસંશનીય કામગીરીનો વીડિયો હાલમાં ખુબ જ વાયરલ થઇ રહ્યો છે. હાલમાં વીડિયો વાયરલ થઇ રહ્યો છે તેમાં સુરતમાં એક મહિલા પોલીસ કૉન્સ્ટેબલે એક મહિલાને બેભાન અવસ્થા દરમિયાન સીઆરપી આપીને બચાવી લીધી છે. આ ઘટના સુરતના કાંગારુ સર્કલ પાસે રવિવારી માર્કેટ નજીક ઘટી હતી.
હાલમાં એક વીડિયો સામે આવ્યો છે, જેમાં સુરત મહિલા પોલીસ કૉન્સ્ટેબલની પ્રસંશનીય કામગીરીને લોકો દાદ આપી રહ્યાં છે. ખરેખરમાં ઘટના એવી છે કે, સુરતના કાંગારુ સર્કલ નજીક રવિવારી માર્કેટમાં એક મહિલા અચાનક બેભાન થઇને ઢળી પડી હતી, માર્કેટમાં ખરીદી કરવા આવેલી મહિલાને અચાનક ખેંચ આવી ગઇ અને બાદમાં તે બેભાન થઇને ઢળી પડી હતી. લોકો એકઠા થઇ ગયા હતા અને બચાવવાનો પ્રયાસ કરી રહ્યાં હતા, જોકે, ત્યાં ફરજ પર હાજર મહિલા પોલીસ કૉન્સ્ટેબલે તરત જ સમગ્ર ઘટનાને જોતા તે મહિલાને તરત જ સીઆરપી આપીને બચાવવાનો પ્રયાસ કર્યો હતો, પહેલા મહિલાને હાર્ટ દબાયુ બાદમાં તેને મોઢેથી શ્વાસોશ્વસની ક્રિયા કરીને સીઆરપી આપી હતી. આ પ્રક્રિયા બાદ મહિલા ફરીથી હોશમાં આવી હતી. ખાસ વાત છે કે, મહિલા પોલીસ કૉન્સ્ટેબલની આ પ્રસંશનીય કામગીરીને લોકો બિદરાવી રહ્યાં છે. પોલીસ તંત્ર દ્વારા આપવામાં આવતી CPRની ટ્રેનિંગ અહીં એક મહિલાનો જીવ બચાવવા માટે કામ લાગી હતી.
સુરતમાથી પકડાયુ નકલી આધારનું મસમોટું રેકેટ, 5000માં નકલી આધાર કાર્ડ બનાવી આપતા શખ્સની ધરપકડ
સુરતમાં એક મસમોટું કૌભાંડ સામે આવ્યુ છે, સુરતમાં ફરી એકવાર નકલીનો કિસ્સો સામે આવ્યો છે. હાલમાં જ મળતી માહિતી પ્રમાણે, ઉત્રાણ પોલીસે એક આરોપીની ધરપકડ કરી છે, જેના નકલી આધાર કાર્ડ કાઢી આપીને બાંગ્લાદેશીઓને ભારતમાં ઘૂસાડવામાં મદદ કરતો હોવાનો આરોપ છે. ધરપકડ કરાયેલા આરોપીનું નામ ભૂપેન્દ્ર તિવારી છે અને શહેરમાં પાલગરબા સીએસસી સેન્ટર ચલાવી રહ્યો હતો. હાલ પોલીસ આ સમગ્ર મામલે પુછપરછ કરી રહી છે.
મળતી માહિતી પ્રમાણે, શહેરમાં વધુ એક ચોંકાવનારુ કૌભાંડ સામે આવ્યુ છે. ભારતમાં દિવસ દિવસે બાંગ્લાદેશીઓની ગેરકાયદે ઘૂસણખોરી વધી રહી છે, સુરતમાં એક શખ્સે લગભગ 5000 રૂપિયામાં નકલી આધાર કાર્ડ બનાવી આપીને આ ગુનામાં વધારો કર્યો છે. સુરતમાં માત્ર 5000માં બાંગ્લાદેશીને આધાર કાર્ડ બનાવી આપનારા શખ્સ ભૂપેન્દ્ર તિવારીની પોલીસ ધરપકડ કરી છે. ઉત્રાણ પોલીસે આરોપીની ધરપકડ કરીને વધુ પૂછપરછ હાથ ધરી છે. ભૂપેન્દ્ર તિવારી પાલગરબા સીએસસી સેન્ટર ચલાવતો હતો. આ પહેલા આ મામલે સુરત પીસીબી અને એસઓજીની ટીમે 9 બાંગ્લાદેશીઓની ધરપકડ કરી હતી, જે આરોપીઓની પૂછપરછમાં આ આરોપી ભૂપેન્દ્ર તિવારીનું નામ ખુલ્યુ હતુ. ભુપેન્દ્ર તિવારીનું નામ સામે આવતા તપાસનો ધમધમાટ શરૂ થયો હતો. આરોપી પાલઘરના સીએસસી સેન્ટરનો સંચાલક છે, અને છેલ્લા કેટલાય સમયથી આ ગુનાને અંજામ આપી રહ્યો છે. પીસીબી અને એસઓજીએ સમગ્ર રેકેટનો પર્દાફાશ કર્યો છે, એટલુ જ નહીં અલગ-અલગ પોલીસ સ્ટેશનમાં તેના વિરૂદ્ધમાં ગુના દાખલ કરવામાં આવ્યા છે. જે પૈકી ઉત્રાણ પોલીસ મથકમાં દાખલ થયેલા ગુનામાં આ આરોપીની ધરપકડ કરવામાં આવી હતી.
ખાસ વાત છે કે, કેટલાય બાંગ્લાદેશીઓ ગેરકાયદે ભારતમાં ઘૂસી રહ્યાં હોવાનું પણ ચર્ચાઇ રહ્યું છે. આ બાંગ્લાદેશીઓ પૈકી એક બાંગ્લાદેશી જેનુ નામ બહાદુર રફીક ખાન છે, તેની પણ ઉત્રાણ પોલીસે પૂછપરછ કરી હતી, તેમાં પણ આરોપી ભૂપેન્દ્ર તિવારીનું નામ સામે આવ્યુ હતુ. બહાદુર ખાન એક એજન્ટને 20,000ની બાંગ્લાદેશી કરન્સી ટાકા ચૂકવીને ભારતમાં ઘૂસ્યો હતો. હાલમાં બહાદુર કડિયા કામ કરી રહ્યો છે. બહાદુરે પાલઘરમાં સીએસસી સેન્ટર ચલાવતા ભૂપેન્દ્ર અમરનાથ તિવારીને 5,000 આપીને બૉગસ આધારકાર્ડ બનાવડાવ્યુ હતું, જે આરોપીની પણ ધરપકડ કરી વધુ પૂછપરછ ઉત્રાણ પોલીસે હાથ ધરી છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)