Dhruvi Patel: ગુજરાતી મૂળની ધ્રુવી પટેલે જીત્યો 'મિસ ઇન્ડિયા વર્લ્ડવાઇડ 2024'નો તાજ, બોલિવૂડ એક્ટ્રેસ બનવાનું છે સપનું
આ સ્પર્ધા જીત્યા બાદ ધ્રુવીએ બોલિવૂડ અભિનેત્રી અને યુનિસેફની એમ્બેસેડર બનવાની ઈચ્છા વ્યક્ત કરી છે.
અમેરિકાની કોમ્પ્યુટર ઇન્ફોર્મેશન સિસ્ટમની વિદ્યાર્થીની ધ્રુવી પટેલે 'મિસ ઇન્ડિયા વર્લ્ડવાઇડ 2024'નો તાજ જીત્યો છે. આ સિદ્ધિથી તે ખૂબ જ ખુશ અને ઉત્સાહિત છે. ‘મિસ ઈન્ડિયા વર્લ્ડવાઈડ 2024’ એ ભારતની બહાર સૌથી લાંબા સમય સુધી ભારતીય સ્પર્ધા છે. આ સ્પર્ધા જીત્યા બાદ ધ્રુવીએ બોલિવૂડ અભિનેત્રી અને યુનિસેફની એમ્બેસેડર બનવાની ઈચ્છા વ્યક્ત કરી છે. તે ગુજરાતી એનઆરઆઇ છે.
VIDEO | Dhruvi Patel, a Computer Information System student from USA, has been declared as the winner of Miss India Worldwide 2024, the longest running Indian pageant outside India.
READ: https://t.co/uUWwqEGEE3
(Full video available on PTI Videos - https://t.co/n147TvqRQz) pic.twitter.com/z3ZLY7zwba— Press Trust of India (@PTI_News) September 20, 2024
ધ્રુવીએ વ્યક્ત કરી ખુશી
ધ્રુવી પટેલે ન્યૂજર્સીના એડિસનમાં તાજ પહેર્યા પછી તેની ખુશી વ્યક્ત કરી હતી અને કહ્યું હતું કે, 'મિસ ઈન્ડિયા વર્લ્ડવાઈડ જીતવું એ અવિશ્વસનીય સન્માન છે. તે એક તાજ કરતાં વધુ છે- તે મારા વારસા, મારા મૂલ્યો અને વૈશ્વિક સ્તર પર અન્ય લોકોને પ્રેરણા આપવાની તકનું પ્રતિનિધિત્વ કરે છે.' ધ્રુવી કોમ્બેટ અને જીમ સ્પોર્ટ્સ પ્રત્યે રસ ધરાવે છે. તેને બોલિવૂડ ફિલ્મો જોવી ખૂબ ગમે છે. તે મૂળ ગુજરાતની છે.
આ લોકો રેસમાં પાછળ રહી ગયા હતા
કોઈપણ સ્પર્ધા વિશે સૌથી સામાન્ય બાબત એ છે કે તેમાં ફક્ત એક જ વિજેતા હોય છે. ‘મિસ ઈન્ડિયા વર્લ્ડવાઈડ 2024’ની આ સ્પર્ધામાં સુરીનામની લિસા અબ્દોઅલહકને ફર્સ્ટ રનર અપ જાહેર કરવામાં આવી હતી, જ્યારે નેધરલેન્ડની માલવિકા શર્માને આ રેસમાં સેકન્ડ રનર અપ જાહેર કરવામાં આવી હતી. મિસિસ કેટેગરીમાં ત્રિનિદાદ અને ટોબેગોની સુઆન મૌટેટ વિજેતા બની હતી. જ્યારે સ્નેહા નામ્બિયાર પ્રથમ રનર્સ અપ અને યુનાઇટેડ કિંગડમની પવનદીપ કૌર સેકન્ડ રનર્સ અપ રહી હતી. ગ્વાડેલુપની સિએરા સુરેટે ટીનેજર્સ કેટેગરીમાં 'મિસ ટીન ઈન્ડિયા વર્લ્ડવાઈડ'નો તાજ પહેરાવ્યો હતો. નેધરલેન્ડની શ્રેયા સિંહ અને સુરીનામની શ્રદ્ધા ટેડજોને અનુક્રમે પ્રથમ અને દ્વિતીય રનર્સ અપ જાહેર કરવામાં આવી હતી.
31મી વર્ષગાંઠની ઉજવણી કરી રહી છે આ સ્પર્ધા
આ સૌંદર્ય સ્પર્ધાનું આયોજન ન્યૂયોર્ક સ્થિત 'ઈન્ડિયા ફેસ્ટિવલ કમિટી' દ્વારા કરવામાં આવ્યું છે અને તેની અધ્યક્ષતા ભારતીય-અમેરિકન નીલમ અને ધર્માત્મા સરન કરે છે. નોંધનીય છે કે આ વર્ષે આ સ્પર્ધા તેની 31મી વર્ષગાંઠની ઉજવણી કરી રહી છે.
ટ્રેન્ડિંગ સમાચાર
ટોપ સ્ટોરી
