![ABP Premium](https://cdn.abplive.com/imagebank/Premium-ad-Icon.png)
Britain PM Race: ઋષિ સુનકે કરી પ્રધાનમંત્રી પદની ચૂંટણી લડવાની જાહેરાત, જાણો સંદેશમાં લખ્યું...
બ્રિટનની કન્ઝર્વેટિવ પાર્ટીના નેતા ઋષિ સુનકે ફરી એકવાર પ્રધાનમંત્રી પદ માટે ચૂંટણી લડવાની જાહેરાત કરી છે.
![Britain PM Race: ઋષિ સુનકે કરી પ્રધાનમંત્રી પદની ચૂંટણી લડવાની જાહેરાત, જાણો સંદેશમાં લખ્યું... UK PM Candidate Rishi Sunak Says He Wants To Fix UK Economy Unite Conservative Party And Deliver For Britain Britain PM Race: ઋષિ સુનકે કરી પ્રધાનમંત્રી પદની ચૂંટણી લડવાની જાહેરાત, જાણો સંદેશમાં લખ્યું...](https://feeds.abplive.com/onecms/images/uploaded-images/2022/10/21/8c92a86dbc7a98439250dc24b8444de81666339392456457_original.png?impolicy=abp_cdn&imwidth=1200&height=675)
UK PM Candidate Rishi Sunak: બ્રિટનની કન્ઝર્વેટિવ પાર્ટીના નેતા ઋષિ સુનકે ફરી એકવાર પ્રધાનમંત્રી પદ માટે ચૂંટણી લડવાની જાહેરાત કરી છે. તેમણે કહ્યું કે તેઓ બ્રિટનની અર્થવ્યવસ્થા સુધારવા માંગે છે, પાર્ટીને એક કરવા માંગે છે અને દેશ માટે કંઈક કરવા માંગે છે, તેથી ચૂંટણીમાં પીએમ બનવા માટે ઉભા છે.
ઋષિ સુનકે ટ્વિટર પર એક પોસ્ટ દ્વારા પોતાની વાત જણાવી છે. તાજેતરની સામાન્ય ચૂંટણીઓમાં લિઝ ટ્રસ પછી સુનક બીજા સૌથી વધુ મત મેળવનાર નેતા હતા. લિઝ ટ્રસ ટેક્સ સુધારાનું વચન આપીને સત્તામાં આવ્યાં હતાં પરંતુ તેમના આર્થિક સુધારાના નિર્ણયોએ દેશના અર્થતંત્રને હચમચાવી નાખ્યું હતું. લિઝ ટ્રસને પીએમ પદ પરથી રાજીનામું આપીને તેની કિંમત ચૂકવવી પડી હતી. અહેવાલોમાં દાવો કરવામાં આવ્યો છે કે, યુકેના સટોડિયાઓએ ઋષિ સુનકના નામ પર સટ્ટો પણ લગાવ્યો છે.
સુનકે પોસ્ટમાં શું લખ્યું?
ઋષિ સુનકે ટ્વિટર પોસ્ટમાં લખ્યું કે, "યુનાઇટેડ કિંગડમ (United Kingdom) એક મહાન દેશ છે પરંતુ આપણે ગંભીર આર્થિક સંકટનો સામનો કરી રહ્યા છીએ. અમારી પાર્ટીની પસંદગી ગમે તે હોય, તે હવે નક્કી કરશે કે બ્રિટિશ લોકોની આગામી પેઢી પાસે પહેલા કરતાં વધુ તકો છે. એટલા માટે હું તમારા આગામી વડા પ્રધાન અને કન્ઝર્વેટિવ પાર્ટીના નેતા તરીકે ઊભો છું. હું આપણી અર્થવ્યવસ્થાને સુધારવા માંગુ છું, પાર્ટીને એક કરવા માંગુ છું અને દેશ માટે કંઈક કરવા માંગુ છું.
સુનકે આગળ લખ્યું, “મેં તમારા ચાન્સેલર તરીકે સેવા આપી, સૌથી મુશ્કેલ સમયમાં આપણી અર્થવ્યવસ્થાને ચલાવવામાં મદદ કરી. અત્યારે આપણે જે પડકારોનો સામનો કરી રહ્યા છીએ તે વિશાળ છે પરંતુ જો આપણે સાચા નિર્ણયો લઈશું તો તકો અભૂતપૂર્વ હશે.
The United Kingdom is a great country but we face a profound economic crisis.
— Rishi Sunak (@RishiSunak) October 23, 2022
That’s why I am standing to be Leader of the Conservative Party and your next Prime Minister.
I want to fix our economy, unite our Party and deliver for our country. pic.twitter.com/BppG9CytAK
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)