IND vs BAN 1st Test Live Streaming: ગંભીરના કોચિંગમાં પ્રથમ ટેસ્ટ રમવા ઉતરશે ટીમ ઇન્ડિયા, જાણો આ રીતે મફતમાં જોઇ શકશો મેચ
આ દિવસોમાં ભારત અને બાંગ્લાદેશની ટીમો પ્રથમ ટેસ્ટની તૈયારીમાં વ્યસ્ત છે
IND vs BAN 1st Test Live Streaming: બાંગ્લાદેશની ટીમ 2 ટેસ્ટ મેચની શ્રેણી માટે રવિવારે ભારત પહોંચી હતી. આ દિવસોમાં ભારત અને બાંગ્લાદેશની ટીમો પ્રથમ ટેસ્ટની તૈયારીમાં વ્યસ્ત છે. વર્લ્ડ ટેસ્ટ ચેમ્પિયનશિપની દ્રષ્ટિએ આ ટેસ્ટ સીરિઝ બંન્ને ટીમો માટે ખૂબ જ મહત્વની છે. આવી સ્થિતિમાં રોહિત શર્મા અને નઝમુલ હુસૈન શાંતો આ શ્રેણી જીતવાનો પ્રયાસ કરશે.
🧵 Snapshots from #TeamIndia's training session in Chennai ahead of the 1st Test against Bangladesh.#INDvBAN pic.twitter.com/nqg94A73ju
— BCCI (@BCCI) September 13, 2024
ભારતીય ટીમ શાનદાર ફોર્મમાં છે
તાજેતરમાં જ પાકિસ્તાનને ટેસ્ટ શ્રેણીમાં ક્લીન સ્વીપ કર્યા બાદ બાંગ્લાદેશની ટીમ ભારત આવી રહી છે. આવી સ્થિતિમાં ટીમનું મનોબળ ઉંચુ છે. બીજી તરફ ભારતીય ટીમ અત્યાર સુધી બાંગ્લાદેશ સામે ટેસ્ટમાં હારી નથી. આવી સ્થિતિમાં બંને ટીમોએ એકબીજાથી સાવધાન રહેવાની જરૂર છે.
ભારત અને બાંગ્લાદેશ વચ્ચે પ્રથમ ટેસ્ટ 19 સપ્ટેમ્બર ગુરુવારથી રમાશે. પ્રથમ ટેસ્ટ ચેન્નઈના એમએ ચિદમ્બરમ સ્ટેડિયમમાં રમાશે. મેચ ભારતીય સમય અનુસાર સવારે 9.30 વાગ્યે શરૂ થશે.
લાઈવ ટેલિકાસ્ટ કેવી રીતે જોશો?
ભારત અને બાંગ્લાદેશ વચ્ચેની પ્રથમ ટેસ્ટનું સ્પોર્ટ્સ 18 નેટવર્ક પર લાઈવ ટેલિકાસ્ટ કરાશે. પ્રથમ ટેસ્ટનું લાઈવ સ્ટ્રીમિંગ Jio સિનેમા એપ પર થશે.
કુલદીપ યાદવ બહાર પર રહી શકે છે
BCCIએ બાંગ્લાદેશ સામેની પ્રથમ ટેસ્ટ માટે 16 સભ્યોની ટીમની જાહેરાત કરી છે. યશ દયાલ, આકાશ દીપ, ધ્રુવ જુરેલ અને સરફરાઝ ખાન જેવા યુવા ખેલાડીઓને પણ આમાં તક મળી છે. જોકે, તેને પ્લેઈંગ ઈલેવનમાં તક મળવાની શક્યતા ઘણી ઓછી છે. ચેન્નાઈ ટેસ્ટમાં લેગ સ્પિનર કુલદીપ યાદવ પણ બહાર પર બેસી શકે છે.
ત્રણ સ્પિનરો અને બે ફાસ્ટ બોલરો સાથે મેદાનમાં ઉતરી શકે ટીમ
પ્લેઈંગ ઈલેવનની વાત કરીએ તો બાંગ્લાદેશ સામેની પ્રથમ ટેસ્ટમાં કેપ્ટન રોહિત શર્મા ત્રણ સ્પિનરો અને બે ફાસ્ટ બોલરો સાથે મેદાનમાં ઉતરી શકે છે. સારી વાત એ છે કે ભારતના ત્રણેય સ્પિનરો ઓલરાઉન્ડર છે. તે બેટિંગમાં પણ સારું યોગદાન આપી શકે છે. આ કારણથી રોહિત માત્ર છ બેટ્સમેન સાથે ફિલ્ડિંગ કરવાનો નિર્ણય કરી શકે છે.
પ્રથમ ટેસ્ટ માટે ભારતીય ટીમ
રોહિત શર્મા (કેપ્ટન), યશસ્વી જયસ્વાલ, શુભમન ગિલ, વિરાટ કોહલી, કેએલ રાહુલ, સરફરાઝ ખાન, ઋષભ પંત (વિકેટકીપર), ધ્રુવ જુરેલ (વિકેટકીપર), રવિચંદ્રન અશ્વિન, રવિન્દ્ર જાડેજા, અક્ષર પટેલ, કુલદીપ યાદવ, મોહમ્મદ. સિરાજ, આકાશ દીપ, જસપ્રીત બુમરાહ, યશ દયાલ.
IND vs BAN: બાંગ્લાદેશ સામેની પ્રથમ ટેસ્ટમાં ટીમ ઈન્ડિયાની પ્લેઈંગ ઈલેવન આવી હોઈ શકે
ટોપ સ્ટોરી
ટ્રેન્ડિંગ સમાચાર
