IND vs SA: આજથી વન-ડે સીરિઝની શરૂઆત, પ્રથમ મેચમાં આવી હોઇ શકે છે બંન્ને ટીમોની પ્લેઇંગ ઇલેવન?

ભારત અને દક્ષિણ આફ્રિકા (IND vs SA) વચ્ચેની વન-ડે મેચ આજથી શરૂ થઈ રહી છે

ફોટોઃ ટ્વિટર

IND vs SA 1st ODI Match Preview: ભારત અને દક્ષિણ આફ્રિકા (IND vs SA) વચ્ચેની વન-ડે મેચ આજથી શરૂ થઈ રહી છે. લખનઉના એકાના સ્ટેડિયમમાં બંને ટીમો આમને-સામને ટકરાશે. ટીમ ઈન્ડિયા આ સ્ટેડિયમમાં પહેલીવાર વનડે મેચ રમશે. આ વનડે સીરીઝ માટે ટીમ ઈન્ડિયાની કેપ્ટનશીપ શિખર ધવનના હાથમાં છે. ભારતની ટીમમાં મોટા ફેરફાર કરવામાં આવ્યા છે. તાજેતરમાં સમાપ્ત થયેલી ટી-20 શ્રેણીના માત્ર 2-3 ખેલાડીઓ જ આ ટીમનો ભાગ છે. બીજી તરફ, દક્ષિણ આફ્રિકા એ જ ટીમ સાથે ODI શ્રેણીમાં પ્રવેશ કરશે જેની સાથે તેણે T20 શ્રેણી રમી છે.

💬💬 ‘We have a good squad and it is great to see fresh energy and enthusiasm among the new players in the side’ - #TeamIndia captain @SDhawan25 ahead of the #INDvSA ODI series 👍 pic.twitter.com/IxuwGy5BBF

— BCCI (@BCCI) October 5, 2022

ટીમ ઈન્ડિયાના સિનિયર ખેલાડીઓની ગેરહાજરીમાં આ શ્રેણીમાં યુવા ખેલાડીઓ માટે સારી તક હશે. લાંબા સમયથી IPLમાં શાનદાર પ્રદર્શન કરી રહેલા રાહુલ ત્રિપાઠીને આ વખતે આંતરરાષ્ટ્રીય ડેબ્યૂ માટે તક મળી શકે છે. મોહમ્મદ સિરાજ અને દીપક ચહર માટે પણ આ મહત્વપૂર્ણ સીરિઝ હશે. આ સિરીઝમાં સારું પ્રદર્શન કરીને આ બંને ખેલાડીઓ ટીમ ઈન્ડિયાની ટી-20 વર્લ્ડકપ ટીમમાં બુમરાહની જગ્યા લેવાનો દાવો કરી શકે છે.

પીચનો મૂડ કેવો છે?

અફઘાનિસ્તાન અને વેસ્ટ ઈન્ડિઝ વચ્ચે રમાયેલી ઈકાના સ્ટેડિયમમાં અત્યાર સુધીમાં ત્રણ વનડે રમાઈ છે. આ ત્રણેય મેચમાં રન બનાવી શકાયા ન હતા. જો કે, અહીં તાજેતરની T20 મેચોમાં રનનો સારો વરસાદ થયો છે. આવી સ્થિતિમાં આજની વનડેમાં રન બને તેવી શકયતા છે.

હવામાન કેવું રહેશે?

હાલમાં લખનઉમાં વરસાદ પડી રહ્યો છે. આજે મેચ દરમિયાન પણ વરસાદની પૂરેપૂરી શક્યતા છે. આવી સ્થિતિમાં, શક્ય છે કે દર્શકોને અહીં નિરાશ થઈને પાછા ફરવું પડે.

ટીમ ઈન્ડિયાની સંભવિત પ્લેઈંગ-11

 શિખર ધવન (કેપ્ટન), શુભમન ગિલ, શ્રેયસ ઐયર, ઈશાન કિશન, સંજુ સેમસન, રજત પાટીદાર/રાહુલ ત્રિપાઠી, શાર્દુલ ઠાકુર, કુલદીપ યાદવ, રવિ બિશ્નોઈ, મોહમ્મદ સિરાજ, દીપક ચાહર.

સાઉથ આફ્રિકાની સંભવિત પ્લેઈંગ-11

 ટેમ્બા બાવુમા, ક્વિન્ટન ડી કોક, હેનરિક ક્લાસેન, કેશવ મહારાજ, યેનેમન મલાન, એઈડન માર્કરામ, ડેવિડ મિલર, લુંગી એનગિડી, એનરિક નોર્ટજે, ડ્વેન પ્રિટોરિયસ, કાગિસો રબાડા.