શોધખોળ કરો

IPL Fastest Ball: મયંક યાદવે ઘાતક સ્પીડથી મચાવી તબાહી, ડેબ્યૂ મેચમાં તોડ્યા અનેક રેકોર્ડ

મયંક યાદવે 4 ઓવરમાં 27 રન આપીને 3 બેટ્સમેનોને આઉટ કર્યા હતા. આ શાનદાર બોલિંગ માટે મયંક યાદવને પ્લેયર ઓફ ધ મેચનો એવોર્ડ આપવામાં આવ્યો હતો.

By : એબીપી અસ્મિતા વેબ ટીમ | Updated at : 31 Mar 2024 10:46 AM (IST)

મયંક યાદવ

Source : PTI

Mayank Yadav Stats & Records:લખનઉ સુપર જાયન્ટ્સે પંજાબ કિંગ્સને 21 રને હરાવ્યું. પ્રથમ બેટિંગ કરવા આવેલી લખનૌ સુપર જાયન્ટ્સે 20 ઓવરમાં 8 વિકેટે 199 રન બનાવ્યા હતા. જેના જવાબમાં પંજાબ કિંગ્સ 20 ઓવરમાં 5 વિકેટે 178 રન જ બનાવી શકી હતી. મયંક યાદવે લખનઉ સુપર જાયન્ટ્સ માટે પોતાની ડેબ્યૂ મેચમાં શાનદાર બોલિંગ દર્શાવી હતી. મયંક યાદવે 4 ઓવરમાં 27 રન આપીને 3 બેટ્સમેનોને આઉટ કર્યા હતા. આ શાનદાર બોલિંગ માટે મયંક યાદવને પ્લેયર ઓફ ધ મેચનો એવોર્ડ આપવામાં આવ્યો હતો.

મયંક યાદવે પોતાની સ્પીડથી બનાવ્યો નવો રેકોર્ડ!

લખનઉ સુપર જાયન્ટ્સના બોલર મયંક યાદવે તેની બોલિંગની ઝડપથી પ્રભાવિત કર્યા. આ બોલરે પહેલો બોલ 147 કિમી પ્રતિ કલાકની ઝડપે ફેંક્યો હતો. આ પછી, તેણે લગભગ 150 કિમી પ્રતિ કલાકની ઝડપે બોલિંગ કરવાનું ચાલુ રાખ્યું. જ્યારે મયંક યાદવે 156 કિમી પ્રતિ કલાકની ઝડપે સૌથી ઝડપી બોલ ફેંક્યો જે પોતાનામાં એક રેકોર્ડ છે. તમને જણાવી દઈએ કે મયંક યાદવની આ પહેલી IPL મેચ હતી. મયંક યાદવ ડોમેસ્ટિક ક્રિકેટમાં દિલ્હીનું પ્રતિનિધિત્વ કરે છે, પરંતુ હવે તે તેના IPL ડેબ્યૂમાં પ્રભાવિત થયો છે.

લખનઉ સુપર જાયન્ટ્સને સિઝનની પ્રથમ જીત મળી

આ પહેલા લખનઉ સુપર જાયન્ટ્સના કેપ્ટન નિકોલસ પુરને ટોસ જીતીને બેટિંગ કરવાનો નિર્ણય લીધો હતો. પ્રથમ બેટિંગ કરવા આવેલી લખનઉ સુપર જાયન્ટ્સે 20 ઓવરમાં 8 વિકેટે 199 રન બનાવ્યા હતા. લખનૌ સુપર જાયન્ટ્સ તરફથી ક્વિન્ટન ડી કોકે 38 બોલમાં સૌથી વધુ 54 રન બનાવ્યા હતા. આ પછી છેલ્લી ઓવરોમાં કૃણાલ પંડ્યાએ 22 બોલમાં 43 રનની તોફાની ઇનિંગ રમી હતી. લખનઉ સુપર જાયન્ટ્સના 198 રનના જવાબમાં પંજાબ કિંગ્સ 20 ઓવરમાં 5 વિકેટે 178 રન જ બનાવી શકી હતી. આ રીતે શિખર ધવનના નેતૃત્વમાં પંજાબ કિંગ્સને 21 રનથી હારનો સામનો કરવો પડ્યો હતો.

IPLના ઇતિહાસમાં સૌથી ઝડપી બોલ