Foods For Eyesight: વૃદ્ધાવસ્થામાં પણ તેજ રહેશે આંખોની રોશની...અત્યારથી જ ખાવાનું શરૂ કરી દો આ વસ્તુઓ

ખરાબ આહાર અને ખરાબ જીવનશૈલીને કારણે આજકાલ દરેક બીજી વ્યક્તિ આંખની સમસ્યાઓથી ઝઝૂમી રહી છે. આવી સ્થિતિમાં તમારા આહારમાં આ ખાદ્ય પદાર્થોનો સમાવેશ કરીને તમે વૃદ્ધાવસ્થા સુધી તમારી રોશની જાળવી શકો છો.

પ્રતિકાત્મક તસવીર

Food For Eye Health: આંખ આપણા શરીરનો ખૂબ જ મહત્વપૂર્ણ અંગ છે. આ કારણથી તેના સ્વાસ્થ્યનું ખાસ ધ્યાન રાખવું જરૂરી છે. જો થોડી બેદરકારી રાખવામાં આવે તો આપણી દુનિયા અંધકારમય બની શકે છે. એવા ઘણા લોકો છે જેઓ નબળી દ્રષ્ટિને કારણે સમસ્યાનો સામનો કરી રહ્યા છે. આવી સ્થિતિમાં જો તમે ઈચ્છો છો કે વૃદ્ધાવસ્થા સુધી તમારી આંખોની રોશની સારી રહે તો તમારે તમારા આહાર અને જીવનશૈલીનું ખાસ ધ્યાન રાખવું પડશે. અમે તમને આવા જ કેટલાક ખાદ્યપદાર્થો વિશે માહિતી આપી રહ્યા છીએ જે આંખોના સ્વાસ્થ્ય માટે સારા છે.

આ ખાદ્ય પદાર્થો આંખો માટે ફાયદાકારક છે

• આંખોની રોશની માટે તમારે અત્યારથી જ તમારા આહારમાં બદામનો સમાવેશ કરવો જોઈએ. તે વિટામિન A અને ઓમેગા 3 ફેટી એસિડથી ભરપૂર છે. આ આંખોના સ્વાસ્થ્ય માટે સારી છે.તમે રોજ સવારે 5થી 6 પલાળેલી બદામ ખાઈ શકો છો.
• તમે તમારા આહારમાં શક્કરિયાને પણ સામેલ કરી શકો છો. તેમાં બીટા કેરોટીન જોવા મળે છે, જે આંખના સ્વાસ્થ્ય માટે ખૂબ જ ફાયદાકારક છે. તે આંખોની શુષ્કતા ઘટાડવામાં મદદ કરે છે.
• મિયામી યુનિવર્સિટી દ્વારા કરવામાં આવેલા અભ્યાસ મુજબ ગાજરમાં વિટામિન એ અને બીટા કેરોટીન મળી આવે છે જે આંખોને સ્વસ્થ રાખે છે. તે રેટિના સ્વાસ્થ્યને સુધારવામાં મદદરૂપ છે. જેના કારણે આંખોની રોશની જળવાઈ રહે છે.
• કઠોળને પણ તમારા આહારનો ભાગ બનાવો. તેમાં બાયો ફ્લેવોનોઈડ અને ઝિંક ભરપૂર માત્રામાં હોય છે જે આંખોના રેટિનાને મજબૂત બનાવવામાં મદદ કરે છે.
• તમારે તમારા આહારમાં ખાટા ફળોને સ્થાન આપવું જ જોઈએ. સંતરા, દ્રાક્ષ અને લીંબુ જેવા ફળોનો સમાવેશ કરો. તેનાથી તમારી આંખોની રોશની જળવાઈ રહેશે. તમારી આંખ સ્વસ્થ રહેશે. ખાટા ફળોમાં વિટામિન સી અને વિટામિન એ જોવા મળે છે જે આંખોની રોશની વધારવામાં મદદ કરે છે. તે મોતિયાને રોકવા માટે પણ સારું માનવામાં આવે છે.
• મગફળીમાં વિટામિન A હોય છે જે આંખોને ફ્રી રેડિકલ ડેમેજથી બચાવવામાં મદદ કરે છે.
• તમારા આહારમાં માછલીનો સમાવેશ કરવો જોઈએ.તેમાં ઓમેગા 3 ફેટી એસિડ હોય છે જે મોતિયાના જોખમને ઘટાડવા માટે જાણીતું છે. ઓમેગા 3 ફેટી એસિડના શ્રેષ્ઠ સ્ત્રોતમાં ટુના, કૉડ, સૅલ્મોનનો સમાવેશ થઈ શકે છે. અઠવાડિયામાં ઓછામાં ઓછું બે વાર માછલીનું સેવન કરવાથી આંખોને પોષણ મળી શકે છે.

Disclaimer: અહીં, આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે abp અસ્મિતા કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં સંબંધિત નિષ્ણાતની સલાહ લો