Sugar Price Hike: તહેવારોની સિઝનમાં ખાંડની મીઠાશ કડવી રહેશે, ભાવ  13 વર્ષની ટોચે  

તહેવારોની સિઝન આવી ગઈ છે. આગામી દિવસોમાં વધુ તહેવારો આવવાના છે. જો કે મોંઘવારી લોકોનો તહેવારનો મૂડ બગાડી રહી છે. ખાસ કરીને ખાદ્યપદાર્થોના ભાવમાં વધારો થવાથી લોકો પરેશાન છે.

( Image Source : Getty )

તહેવારોની સિઝન આવી ગઈ છે. આગામી દિવસોમાં વધુ તહેવારો આવવાના છે. જો કે મોંઘવારી લોકોનો તહેવારનો મૂડ બગાડી રહી છે. ખાસ કરીને ખાદ્યપદાર્થોના ભાવમાં વધારો થવાથી લોકો પરેશાન છે. આ દરમિયાન ખાંડને કારણે લોકોનો સ્વાદ પણ બગડવા લાગ્યો છે. વૈશ્વિક બજારમાં ખાંડના ભાવ ઘણા વર્ષોના સર્વોચ્ચ સ્તરે પહોંચી ગયા છે, જેના કારણે સ્થાનિક બજાર પર પણ દબાણ જોવા મળી રહ્યું છે.

ભારતે પણ આમાં સહયોગ આપ્યો હતો

ફૂડ એન્ડ એગ્રીકલ્ચર ઓર્ગેનાઈઝેશનના તાજેતરના અહેવાલ મુજબ, વૈશ્વિક ખાંડના ભાવ સપ્ટેમ્બર મહિનામાં આટલા ઊંચા સ્તરે પહોંચી ગયા છે, જે લગભગ 13 વર્ષમાં સૌથી વધુ છે. F&O અનુસાર, વૈશ્વિક સ્તરે ખાંડના ભાવમાં વધારો કરવામાં ભારતે પણ યોગદાન આપ્યું છે. સંગઠનનું કહેવું છે કે અલ નીનોના કારણે ભારત અને થાઈલેન્ડમાં શેરડીના પાકને અસર થઈ છે. તેની અસર ખાંડના ભાવ પર જોવા મળી રહી છે.

નવેમ્બર 2010 પછી સૌથી વધુ

સંયુક્ત રાષ્ટ્રની કૃષિ એજન્સીએ જણાવ્યું હતું કે સપ્ટેમ્બર મહિના દરમિયાન એકંદરે ખાદ્યપદાર્થોના ભાવમાં ઝડપથી વધારો થયો છે. જોકે, ખાંડના ભાવમાં અન્ય કરતા વધુ વધારો થયો છે. ઓગસ્ટની સરખામણીમાં સપ્ટેમ્બર મહિનામાં F&O ખાંડના ભાવ સૂચકાંકમાં 9.8 ટકાનો વધારો થયો છે. હવે ઈન્ડેક્સ નવેમ્બર 2010 પછીના સર્વોચ્ચ સ્તરે પહોંચી ગયો છે.

આ વાતનો ડર સતાવી રહ્યો છે

F&Oના શુગર પ્રાઇસ ઇન્ડેક્સમાં સતત બીજા મહિને વધારો થયો છે. સપ્ટેમ્બર મહિનામાં રેકોર્ડ તેજી  પહેલા ઓગસ્ટ મહિનામાં પણ આ ઇન્ડેક્સમાં વધારો જોવા મળ્યો હતો. એજન્સીનું કહેવું છે કે અલ નીનોને કારણે શેરડીના ઉત્પાદનને અસર થઈ છે. જો શેરડીના ઉત્પાદનને અસર થશે તો ખાંડના ઉત્પાદનને સીધી અસર થશે. આ ડરથી ખાંડના ભાવમાં વધારો થયો છે. હાલ આમાંથી રાહત મળવાના કોઈ સંકેત દેખાતા નથી.

તેની અસર કાચા તેલ પર પણ પડી રહી છે

ભારત અને થાઈલેન્ડ બંને વૈશ્વિક ખાંડ ઉત્પાદક દેશો છે. આ વર્ષે બંને દેશોમાં શેરડીના પાકને અલ નીનોની અસર થઈ છે. અલ નીનો એક મોસમી ડેવલોપમેન્ટ  છે, જે સામાન્ય રીતે 7 થી 9 વર્ષમાં એકવાર થાય છે અને તેની અસર 9 થી 12 મહિના સુધી જોવા મળે છે. સંયુક્ત રાષ્ટ્રની એજન્સીનું કહેવું છે કે અલ નીનો સિવાય કાચા તેલની વધેલી કિંમતો પણ ખાંડના ભાવમાં વધારો કરી રહી છે.