PIB Fact Check: શું પ્રધાનમંત્રી યોજના આધારકાર્ડ લોનમાં 2 ટકા છે વ્યાજ, જાણો વાયરલ મેસેજની હકીકત

PIB Fact Check: વોટ્સએપ ગ્રુપમાં લિંક સાથેનો મેસેજ આવી રહ્યો છે. આ સંદેશમાં કહેવામાં આવી રહ્યું છે કે કેન્દ્ર સરકારે એક નવી યોજના શરૂ કરી છે, જેનું નામ છે પ્રધાનમંત્રી યોજના આધાર કાર્ડ લોન

તસવીરનો ઉપયોગ પ્રસ્તુતિકરણ માટે કરવામાં આવ્યો છે

Fact Check: યુવાનોમાં સૌથી વધુ ચર્ચાનો વિષય રોજગાર કે નોકરી મેળવવાનો છે. દરેક યુવક શ્રેષ્ઠ નોકરી કે બિઝનેસ કરવા માંગે છે. સ્ટાર્ટઅપ્સના વધતા જતા ટ્રેન્ડ વચ્ચે દરેક યુવક નોકરીને બદલે પોતાના બિઝનેસને પ્રાથમિકતા આપી રહ્યો છે, જેના માટે તેનો પહેલો પ્રયાસ સરકારી લોન મેળવવાનો છે. આવી સ્થિતિમાં, જો સરકાર કોઈપણ યોજના હેઠળ માત્ર 2% વ્યાજ પર લોન આપવાનું શરૂ કરે છે, તો કદાચ દરેક યુવા તે યોજનાથી પાછળ પડી જશે. હવે આવો જ એક સરકારી લોનનો મેસેજ વોટ્સએપ અને ટેલિગ્રામ ગ્રુપમાં વાયરલ થઈ રહ્યો છે, જેમાં એવો દાવો કરવામાં આવી રહ્યો છે કે પ્રધાનમંત્રી યોજના આધાર કાર્ડ લોન હેઠળ મૂળ રકમ પર 50% વ્યાજ સાથે 2% વાર્ષિક વ્યાજ પર લોન આપવામાં આવી રહી છે.   પહેલી નજરે આ મેસેજ ખૂબ જ આકર્ષક લાગે છે અને કદાચ દરેક યુવક આ લોન મેળવવા માંગશે. અમે આ યોજના અંગે તપાસ કરી છે.

વોટ્સએપ ગ્રુપમાં લિંક સાથેનો મેસેજ આવી રહ્યો છે. આ સંદેશમાં કહેવામાં આવી રહ્યું છે કે કેન્દ્ર સરકારે એક નવી યોજના શરૂ કરી છે, જેનું નામ છે પ્રધાનમંત્રી યોજના આધાર કાર્ડ લોન. સંદેશમાં વધુમાં જણાવાયું છે કે આ યોજના હેઠળ યુવાનોને વ્યાજબી દરે લોન આપવામાં આવી રહી છે. આ લોન લેનારા યુવાનોએ વાર્ષિક માત્ર 2% વ્યાજ ચૂકવવું પડશે. ઉપરાંત, લોન લેનારને મૂળ રકમ પર 50% ડિસ્કાઉન્ટ મળશે, એટલે કે, જો તે 1 લાખ રૂપિયાની લોન લે છે, તો તેણે ફક્ત 50,000 રૂપિયા જ પરત કરવાના રહેશે.

एक फर्जी मैसेज में पीएम योजना के तहत आधार कार्ड से 2% सालाना ब्याज पर लोन दिए जाना का दावा किया जा रहा है।#PIBFactcheck

➡️कृपया ऐसे फर्जी संदेशों को शेयर न करें।
➡️यह आपकी निजी जानकारी चुराने का भी प्रयास हो सकता है। pic.twitter.com/TTRo5q7JWK

— PIB Fact Check (@PIBFactCheck) January 27, 2024

 PIB ફેક્ટ ચેકે કહ્યું, મહેરબાની કરી આવો બોગસ મેસેજ શેર ન કરો. તમારી અંગત જાણકારી ચોરવાનો પ્રયાસ હોઈ શકે છે. આ મેસેજ પ્રથમ દૃષ્ટિએ નકલી જણાતો હતો કારણ કે યોજનાનું નામ પીએમ યોજના આધાર કાર્ડ લોન તરીકે દર્શાવવામાં આવ્યું છે. જો તમે કોઈપણ પ્રધાનમંત્રી યોજના જોશો, તો તમને પ્રધાનમંત્રી અને યોજનાની વચ્ચે લખેલ યોજનાનું નામ મળશે જેમ કે, પ્રધાનમંત્રી ગ્રામીણ આવાસ યોજના, પ્રધાનમંત્રી સૂર્યોદય યોજના વગેરે.  કેન્દ્ર સરકારના કોઈપણ વિભાગ તરફથી આવી કોઈ યોજના વિશે કોઈ માહિતી પ્રાપ્ત થઈ નથી. આધાર કાર્ડ જારી કરતી UIDAIની વેબસાઈટ પર આવો કોઈ ઉલ્લેખ જોવા મળ્યો નથી.